Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бурысты “бишле”гә үтәү мөһим
Етәкселек эшләмәгәнгә халыҡ яфа сигергә тейеш түгел.

“Сәләмәтлек сәғәте” форматында үткән кәңәшмәлә халыҡты борсоған иң киҫкен, көнүҙәк мәсьәләләр, урындарҙан килгән мөрәжәғәттәр һәм ялыуҙар буйынса фекер алышыуҙың ҡыҙыу үтеүенә күнегеп барабыҙ шикелле.

Видеоконференция режимында барған сираттағы кәңәшмәлә лә ялыуҙарҙың әлегә кәмемәүен, тәүге звено һәм тар белгестәр­ҙең етешмәүе һәм дарыуҙар ҡытлығына ҡағылған һорауҙарҙың байтаҡ булыуы асыҡланды. Әлеге лә баяғы Сибай ҡала­һындағы хәүефле экология мәсьәләһенә бәйле, пациенттарҙың тейешле медицина ярҙамын ваҡытында алыу мөмкинлегенән мәхрүм ҡалған осраҡтар халыҡта ризаһыҙ­лыҡ тыуҙыра. Ике педиатрҙың ауырыуы һөҙөмтәһендә бала менән ҡабул итеүгә ваҡытында инә алмаған әсәләрҙең дә хәлен аңларға була.

– Сибайҙа ғәҙәти булмаған ваҡиға тыуҙымы әллә? – тигән һорау менән республика етәксеһе Радий Хәбиров кәңәш­мәлә ҡатнашыусыларға мөрәжәғәт итте. – Республика, киҫкен хәл менән бәйле, унда иң яҡшы белгестәрен ебәрҙе. Ни өсөн ауырыған табиптарҙы ваҡытында алмаштырмағандар? Ни өсөн кешеләр медицина етәкселегенең эшләмәүе арҡаһында яфа сигергә тейеш? Мин бындай мөнәсәбәт менән ҡәнәғәт түгелмен, был хәлде насар баһалайым.

Һаулыҡ һаҡлау министры вазифаһын башҡарыусы Максим Забелин ашығыс медицина ярҙамы эшмәкәрлеге һәм берҙәм диспетчер хеҙмәтен ойоштороу хаҡында һөйләне. Был өлкәлә төп проблема – белгестәргә ҡытлыҡтан тыш, ашығыс ярҙам машиналарының ныҡ туҙыуы (67 процентҡа тиклем). Былтыр республикаға 225 яңы автомобиль ҡайтарылған, 2019 йылға тағы ла 60 автомашинаға заявка бирелгән.

Максим Забелин иң ҙур ҡаҙаныштарҙың береһе тип нормативты юғары кимәлдә үтәүҙе – ауырыуҙарға ашығыс ярҙамдың 20 минуттан да һуңламай килеп етеүен билдәләне. Республиканың төньяҡ-көн­ба­йышында һәм төньяҡ-көнсы­ғышындағы күрше муниципалитеттарҙың ашығыс ярҙам хеҙмәтен үҙәкләштереүе буйынса тәүге ыңғай һөҙөмтәләр барлығы хаҡында ла әйтелде.

– Буш бригадалар булһа, улар ашығыс саҡырыу буйынса күрше тораҡтарға сыға. Шулай итеп, пациенттарҙың көтөү ваҡытын ҡыҫҡартабыҙ, – тип аңлатты М. Забелин. – Киләсәктә ашығыс ярҙам бригадаларын диспетчерлаштырыу мобиль ҡорамалдар аша контролдә тотоласаҡ.
Радий Хәбиров ашығыс ярҙам хеҙмә­тен­дә эшләгән табиптар һәм фельдшерҙар менән осрашып, уларҙы ла тыңларға һәм аҙаҡ бергәләп халыҡ өсөн медицина хеҙмәттәре сифатын яҡшыртыу өҫтөндә эшләргә тәҡдим итте.

– Ашығыс ярҙам табиптары, полиция һәм янғын һүндереү хеҙмәткәрҙәре кеүек үк, бәләгә ҡалғандарға тәүгеләрҙән булып ярҙамға килә. Улар эште нисек ойоштороу кәрәклеген белә, ә беҙ һеҙҙең менән ошо сигналдарҙы ишетергә һәм ваҡытында һиҙгерлек күрһәтергә тейеш, – тип һыҙыҡ өҫтөнә алды республика етәксеһе.

“Сәләмәтлек сәғәте”ндә хирургия корпусын төҙөү менән бергә Республика кардиология үҙәген үҙгәртеп ҡороу мәсьәләһе лә ҡаралды. Радий Фәрит улы төҙөлөштө федераль бюджеттан бергәләп финанс­лау­ға өлгәшеү өсөн профилле министр­лыҡтар һәм ведомстволар менән эште әүҙемләштерергә ҡушты.

– Әгәр ҙә беҙ дауахананы үҙ аҡсабыҙға төҙөйбөҙ икән, был эш “дүртле”гә буласаҡ, федераль сығанаҡтарҙы йәлеп итә алһаҡ, ул саҡта эш “бишле”гә үтәләсәк, – тип йомғаҡланы Радий Хәбиров.

“Сәләмәтлек сәғәте” аҙағында медицина ойошмаларын ангиографик ҡорамалдар менән йыһазландырыу срогы асыҡланды. Март айында Нефтекамала яңы ҡорамал­ды сафҡа индереү күҙаллана. Сиратта – Белорет, Октябрьский, Өфө, Күмертау, Сибай, Стәрлетамаҡ ҡалалары һәм Дыуан районы. График 2024 йылға тиклем төҙөлгән.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 167

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 288

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 195

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168