Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Дарыуҙар мәсьәләһе һаман да башты ауырттыра
Республика етәксеһе Радий Хәбиров сираттағы “Сәләмәтлек сәғәте” форматындағы кәңәшмә үткәрҙе. Видеоконференция рәүешендә барған сарала муниципалитеттар һәм һаулыҡ һаҡлау учреждениелары етәкселәре ҡатнашты.

Тәүҙә халыҡ мөрәжәғәттәре ме­нән эш буйынса төркөм етәксеһе Елена Прочаковская төбәк етәксеһенең шәхси аккаунттарына, граждандарҙың мөрәжәғәттәре менән эш буйынса идаралыҡҡа килгән һаулыҡҡа ҡағылған мәсьәләләргә туҡталды. Үткән аҙнала 75 мөрәжәғәт теркәлгән, күбеһе Сибайҙағы хәл-ваҡиғалар менән бәйле. Башҡа темалар ҙа бар — тар белгестәр һәм матди-техник ҡорамалдар етешмәүе, медицина учреждениелары торошо, дарыуҙар менән тәьмин итеү.

Шул мәсьәләләрҙең береһе Стәрлетамаҡ поликлиникаһында бер нисә йыл элек сафтан сыҡҡан флюорография аппаратына ҡағы­ла. Уны ремонтлау мөмкин бул­мағас, “КамАЗ” автомобиле база­һында күсмә флюорография комплексын ойошторғандар. Стәрле­тамаҡтар ҡышҡыһын һыуыҡта сиратта тороуға зарлана. Радий Хәбиров яңы стационар флюорографты монтажлауҙы 1 июлгә тиклем тамамларға ҡушты.
* * *
Һаулыҡ һаҡлау министры вазифаһын башҡарыусы Максим Забелин киҫкен коронар синдромы менән бәйле үлем осраҡтарын кәметеү мөмкинлектәре тура­һында һөйләне. Етәксе әйтеүенсә, бөгөн ошондай сиргә юлыҡҡан ауырыуҙарға махсус кардиология ярҙамы 12 ангиографик ҡоролма урынлаштырылған 18 тәүге ҡан тамырҙары бүлексәһендә һәм алты төбәк ҡан тамырҙары үҙәгендә күрһәтелә.

Былтыр республика ҡаҙнаһы иҫәбенә биш яңы ангиограф һатып алынған. Уларҙың өсәүһе Ғ. Ҡы­уатов исемендәге республика клиник һәм 21-се ҡала дауаха­наларындағы, Республика кардиология үҙәгендәге иҫкереп сафтан сыҡҡан ҡорамалдарға алмаштырылды. Тағы ла икәүһе 1 марттан Өфөнөң 18-се һәм Нефтека­малағы дауаханаларҙа эшләй башлаясаҡ. Быйыл шулай уҡ Белоретта ангиографты монтажлау эше планлаштырыла.
Радий Хәбиров Урал аръяғы төбәгендә ангиограф кәрәклеген һыҙыҡ өҫтөнә алды. Киләһе “Сәләмәтлек сәғәте”ндә уны һатып алыу варианттары һәм сроктары тураһында һүҙ барасаҡ. Төбәк етәксеһе шулай уҡ Сибайҙа һанлы флюорографты сафҡа индереүҙе тиҙләтеүҙе һәм 1 мартҡа тиклем бөтә тейешле эште тамамларға ҡушты.

Һуңғы биш йылда республикала киҫкен коронар синдром осраҡта­рында яһалған операциялар күләме һиҙелерлек артты. Шунтлау операциялары һаны буйынса Башҡортостан Рәсәй төбәктәренең тәүге бише иҫәбендә.

Максим Забелиндың билдә­ләүенсә, киҫкен коронар синдромы осраҡтарында үлемде кәметеү резервтары етерлек: матди-техник базаны артабан нығытыу, медицина персоналын уҡытыу, халыҡ­ҡа йөрәк-ҡан тамырҙары сирҙәрен диагностикалау буйынса мәғлүмәт биреү. Ошо ауыр сирҙе үткәргән һәм юғары технологиялы медицина ярҙамы менән дауаланған пациенттарҙы 12 ай дауамында дарыуҙар менән бушлай тәьмин итеү бик мөһим. Радий Хәбиров был ярҙам сараһын 2019 йылдың икенсе яртыһынан уҡ ҡулланыу өсөн хәҙерҙән мәсьәлә өҫтөндә эшләргә ҡушты.
Һаулыҡ һаҡлау министры вазифаһын башҡарыусы граждан­дарҙы дарыуҙар менән тәьмин итеүҙе ойоштороуға туҡталды.

Тәүге йүнәлеш — дауаха­наларҙа, клиникаларҙа, диспан­серҙарҙа һәм башҡа һаулыҡ һаҡлау учреж­дение­ларын­дағы пациенттарҙы дарыуҙар менән дауалау. Ул Мотлаҡ медицина страховкаһы, федераль һәм республика бюджеттары, бюджеттан тыш сығанаҡтар иҫәбенә тормош­ҡа ашырыла. Былтыр ошо маҡсат­ҡа 7,3 миллиард һум аҡса тото­нолған.

Икенсе йүнәлеш — амбулатор-поликлиник ярҙам күрһәтелгәндә льготалы дарыуҙар менән тәьмин итеү. Ҙур сығымлы нозологиялар буйынса ауырыуҙарҙы дауалау өсөн ҡиммәтле дарыуҙар Рәсәй Һаулыҡ һаҡлау министрлығы тарафынан федераль бюджет средстволары иҫәбенә һатып алына. 2019 йылға федераль льготаға эйә булыусыларҙы тәьмин итеү өсөн — 840 миллион һум, төбәк­тәге льготаға эйә булыусыларға 1,8 миллиард һум бүленгән.

Республика етәксеһенең билдә­лә­үенсә, граждандар үҙҙәренең мөрәжәғәттәрендә барыһынан да элек дауаханаларҙа ғәҙәти дарыуҙарҙың һәм медицина кәрәк-яраҡтарының етешмәүенә зарлана. Ул был хәлде анализларға һәм түләүһеҙ бирелергә тейешле дарыуҙарҙы табиптарҙың һатып алырға мәжбүр итеү осраҡтарын тамырынан бөтөрөргә ҡушты.

“Сәләмәтлек сәғәте”ндә шулай уҡ “Яҡтыкүл” шифаханаһы комплексын үҫтереү мәсьәләһе ҡаралды.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 167

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 289

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 196

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168