Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бөгөндән ин дә йәшә!
Бөгөндән ин дә йәшә!Учалы ҡалаһында йәнә бер социаль йорт төҙөлөп бөттө. Быға тиклем,
2014 – 2015 йылдарҙа, ошондай типтағы өс торлаҡ файҙаланыуға тапшырылғайны. Федераль һәм республика бюджеттары ярҙамында төҙөлгән биш ҡатлы бер подъезлы өйҙә бер һәм ике бүлмәле утыҙ фатир иҫәпләнә. Уларҙың иң бәләкәйенең майҙаны
32 квадрат метр булһа, иң ҙурыныҡы
50 квадрат метр тәшкил итә.


Төҙөлөш эштәрен урындағы “Союз” компа­нияһы башҡарған. Подрядсылар бурыстарына яуаплы ҡарап, объектты ваҡытында һәм сифатлы итеп тапшырған.
14 фатир асҡысы етем һәм ҡараусыһыҙ ҡалған балаларға, мөмкинлектәре сикләнгән граждандарға, инвалид бала үҫтергән ғаиләләргә һәм “Рәсәй ғаиләһе өсөн торлаҡ” програм­маһында ҡатнашыусыларға бирелде.
— Бөгөн бөтә Учалы өсөн ҡыуаныслы һәм иҫтәлекле көн. Ҡалабыҙҙа йәнә бер социаль йорт файҙаланыуға тапшырыла. Өй туйлау­сыларға бәхетле һәм етеш тормош теләйем, — тип телмәр тотто район хакимиәте башлығы урынбаҫары Руслан Ғиләзетдинов. Ул шулай уҡ “Союз” компанияһы хеҙмәткәрҙәренә хакимиәт исеменән рәхмәт һүҙҙәре еткерҙе.
Диана Сафиуллина өс йәшендә үкһеҙ етем ҡала һәм туғандары ҡарамағында тәрбиәләнеп үҫә. Мәктәпте тамамлағас, Силәбе ҡалаһында стилист-визажист һөнәренә уҡып диплом ала. Бөгөн ул вахта ысулы менән Себерҙә эшләй.
— Бала сағымдан, ҡасан үҙемдең яҡты һәм йылы йортом булыр икән, тип хыялландым. Бына, ниһайәт, тыуған көнөмә бүләк – фатир асҡысын ҡулыма алдым, — тип шатлығын йәшермәй Диана. – Йортҡа иң тәүҙә бесәй индерәләр тиҙәр, вахта ысулы менән эшләгәс, ысын мыяубикә урынына әлегә мине ҡарап үҫтергән әбейем бүләк иткән ошо уйынсыҡ бесәйҙе индереп торам инде, — ти ул, йылмайып.
Азат Хафизов оҙаҡ йылдар дөйөм ятаҡта бүлмә яллап йәшәй. Ниһайәт, уның да үҙ ҡыйығы булды.
— Дүрт һаны минең өсөн бәхетле һан, фатирым да 4-се буласаҡ. Йортом миңә бик оҡшай — йылы, яҡты, иркен. Хәҙер йыһаз һатып алып урынлаштырам да һөйгән ҡыҙымдың ҡулын һоратасаҡмын, — тип пландары менән бүлеште егет.
Миндәк ҡасабаһынан таш киҫеүсе булып эшләгән Илсур Мырҙабаев та йорт туйлаусылар иҫәбендә. Уның әлеге көндә һалдат бурысын үтәгән ҡустыһы Айнур ҙа ошо программа сиктәрендә фатирлы булған. Һеңлеһе Айһылыу — сығарылыш класы уҡыусыһы, ул да фатир алыуға сиратта тора.
— Етем, ҡараусыһыҙ ҡалған балаларҙы даими хәстәрләгән дәүләткә тик рәхмәт һүҙҙәре генә әйтке килә. Бөтә уңайлыҡтары булған фатирҙа ғаилә ҡороу, балалар үҫтереү тураһында ла уйлай башларға ваҡыт, — ти Илсур.
Фатир асҡысын алыусыларҙың шатлыҡтары, хис-тойғолары урғылып торҙо был көндә. Шулай булмай ни, һәр фатирға тулыһынса ремонт эшләнгән, бөгөндән ин дә йәшә. Пластик тәҙрәләр, алюмин йылылыҡ радиаторҙары кеүек заманса төҙөлөш конструкциялары ҡуйылған, иҙәндәргә линолеум түшәлгән, стеналарға матур обойҙар йәбештерелгән. Йорт “зәңгәр яғыулыҡ” ярҙамында йылытыла. Һәр фатирға айырым газ ҡаҙанлығы урынлаштырылған, температура режимын фатир хужаһы үҙе көйләй аласаҡ.
Йортта йәшәүселәрҙең хәүефһеҙлеген дә күҙ уңынан ысҡындырмаған төҙөүселәр: газ еҫе таралыу ихтималлығын иҫәпкә алып, махсус вентиляторҙар ҡуйылған, янғынға ҡаршы сигнализациялар ҙа урынлаштырылған.
Йорт тыштан да бик күркәм. Балҡып, әллә ҡайҙан күренеп ултыра. Күркәм йортта күркәм ғаиләләр йәшәһен, тип теләргә генә ҡала.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 167

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 289

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 195

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168