Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Мәңгелек “үҫмерлек” кемгә килешмәҫ...
Бөгөнгө ҡулланыусылар йәмғиәте өсөн бер кемдең дә ҙураймауы ҡулай, йәғни уға ҡулына яңы гаджет тотҡан, шунан ҡолаҡсын аша көй тыңлап йөрөгән, һуңғы мода буйынса кейенгән, оло амбициялы үҫмер менән эш итеү күпкә еңелерәк, килемлерәк тә. Алыш-бирешкә ҡоролған система өсөн бындай әҙәм заты батарейка кеүек: уны туҡландырып ҡына тороу шарт – файҙаһын күрәһең дә күрәһең.

Туҡланыу төшөнсәһе был осраҡта теге йәки был ризыҡты, кейем-һалымды һатып алыу ғына түгел, ә киңерәк планда – рухи аҙыҡ туплау мәғәнәһендә лә – ҡулланыла. Йәш быуынға Көнбайыш тарафынан йәшәү, үҙ-үҙеңде башҡалар араһында тотоу, ололарға, кескәйҙәргә ҡарата мөнәсәбәт, фекер йөрөтөү “өлгө”һө һәр төрлө сығанаҡтар аша бик әүҙем тәҡдим ителә. Уның ҡарауы, һайлау, аҙ ғына булһа ла уйлап ҡарау мөмкинлеге юҡ, көн итеү моделе тулыһынса әҙер, майлап-ялтыратып “ҡаптырыла”.
Ошонда уҡ бөгөнгө ғаиләләрҙең тарҡалыуға әҙер тороуы, йәмғиәт ағзалары менән мөнәсәбәттәре мәсьәләһе күҙ алдына килә. Элегерәк сит илдә генә булһа, бөгөн иһә үҙебеҙҙең Рәсәйҙәге кино, эстрада йондоҙҙарының, бизнес вәкилдәренең дә әле быныһы, әле тегенеһе никах теркәп, бер нисә айҙан, хатта көндән һуң айырылышыуы, уртаҡ булған мөлкәтте бар донъяға яр һалып бүлешеүе, киң мәғлүмәт саралары аша “дан ҡаҙаныуы” киң таралған. Интернет киңлектәрендәге һәр өсөнсө яңылыҡтың ошондай йөкмәткеле булыуы ла йәш быуындың аңында эҙ ҡалдырмай ҡалмай. Йәғни алдараҡ телгә алынған “үҫмер” образы сараһыҙҙан йәшәү өлгөһөн тап ошо сәхнә йондоҙҙарынан ҡабул итә. Тормошто шулайыраҡ ҡорорға кәрәк икән, тип уйлай. Ҙур тормошҡа аяҡ баҫмаған егет һәм ҡыҙҙарҙа күҙәтелгән “һәр төрлө яңылыҡҡа сарсау” сифатын бөгөн барса халыҡҡа һеңдерергә тырышалар. Имеш, рухи яҡтан ни тиклем ярлы, аңһыҙ икәнһең, шул ҡәҙәре хөрмәтле, заманың өсөн алдынғы буласаҡһың. Бөгөнгө йәмғиәттә “яҡшы” тәҡдимдәрҙең күплеге – үҙе үк етди, уйландырырлыҡ мәсьәлә. Кешегә телефонын – йылына бер, эш урынын – ике йылға бер, йәрен өс йылға бер тапҡыр алыштырыу мөмкинлеге бирелгән. Бер нәмәгә тоғролоҡ һаҡлау ауырға төшә, сөнки дөйөм система быны өнәмәй хәҙер. Туҡтарға ярамай, юғиһә өҙөклөк хасил була. Ихлас фекерләү, уйға бирелеү иһә ҡулланыу ритмын үҙгәртеүгә тиң. Тотош механизмға хәүеф янаясаҡ. Шуға күрә бөгөн халыҡтың аңы “позитив” фекер йөрөтөү менән томалана. Ҡайғы-хәсрәт йәшәйештән, зиһендәрҙән һыҙып ташлана, башҡаларҙы “маҙаһыҙламаҫҡа” тырышыу һәр төрлө мөнәсәбәттәрҙе, хис-тойғоларҙы яһалмаға әйләндерә. Йәш ғаиләләрҙең ябай ғына сәбәп арҡаһында ла айырылышыуға ынтылыуы, уртаҡ мәсьәләне уйлап, үлсәп тикшереү, бергәләп хәл итер урынға, бер-береһенән тиҙерәк ҡотолоу юлын эҙләүе лә – ошоға асыҡ миҫал. “Ана, шул ханым айырылған, хәҙер иһә яңғыҙы шартлатып донъя көтә, тапҡан-таянғаны – үҙенә, нервыһы ла ҡаҡшамай...” – тип фекер йөрөтөү йәш әсәләр, ҡатындар араһында танылыу яулай. Йә иһә, “Ишет­тегеҙме, оло йәштәге фәлән-фәлән “йондоҙ” тағы йәшерәк кәләш алған. Донъяның тәмен белеп, теттереп йәшәр кәрәк, ғүмер бер генә”, – тип бәйән иткән ир-егеттәр ҙә юҡ түгел. Әлеге фекер уларҙың да мейеһендә урын алмай ҡалмаған...
Ысынбарлыҡ ошоларҙы сағылдырһа, хәҡиҡәттең бөтөнләй икенсе икәнлеген уйлап еткермәйбеҙ. Ғаилә, тоғролоҡ, саф һөйөү төшөнсәләре бер ҡасан да аҡса, дан менән үлсәнмәгән, тиңләнмәгән дә. Улар булған, бар һәм буласаҡ. Урындары ғына – эскерһеҙ, түҙемле, ипле йөрәктәрҙә, ихтирам менән баҡҡан күҙҙәрҙә, икәү генә белер серҙәрҙә, усаҡ һүнмәҫ йорт түрҙәрендә. Сәхнә йондоҙҙары, киң эшмәкәрлек йәйелдергән коучерҙар, һәр өлкәлә “оҫта” белгестәр, заман психологияһы, кино-тапшырыуҙар тәҡдим иткән “елле” кәңәштәр ҙә, өлгөләр ҙә бер тин тормаҫ, әгәр йәштәр ҙә, ололар ҙа һәр аҙымын айыҡ аҡыл, намыҫ, сабырлыҡ, иман аша баһалап, алға табан барһа...




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Төйәләҫтәр алыҫҡа йөрөмәҫ

Төйәләҫтәр алыҫҡа йөрөмәҫ 30.03.2019 // Социаль мәсьәлә

Сибай ҡалаһының Төйәләҫ ҡасабаһында йыл аҙағында заман талаптарына яуап биргән фельдшер-акушерлыҡ...

Тотош уҡырға 2 259

Көслө рухлыларҙы йыйҙы "Баһадир"

Көслө рухлыларҙы йыйҙы "Баһадир" 29.03.2019 // Социаль мәсьәлә

Баймаҡтың “Баһадир” физкультура-һауыҡтырыу комплексында һаулыҡ мөмкинлектәре сикләнгән балалар һәм...

Тотош уҡырға 1 167

“Ахай” өлкәндәрҙе көтә

“Ахай” өлкәндәрҙе көтә 29.03.2019 // Социаль мәсьәлә

Ярҙамға мохтаж ололар, инвалидтар унда яҡлау таба....

Тотош уҡырға 1 617

Иң яҡшы бүләк – аралашыу

Иң яҡшы бүләк – аралашыу 27.03.2019 // Социаль мәсьәлә

Ишембай районының Петровский ауылындағы балалар йорто тәрбиәләнеүселәре Өфө дәүләт нефть техник...

Тотош уҡырға 1 279

"Бөгөндән ҡабул итергә әҙербеҙ"

"Бөгөндән ҡабул итергә әҙербеҙ" 27.03.2019 // Социаль мәсьәлә

Ошо көндәрҙә Башҡортостан дәүләт медицина университетынан буласаҡ табиптар эш биреүселәр менән...

Тотош уҡырға 1 289

Үҙебеҙҙә дауаланһындар тиһәк…

Үҙебеҙҙә дауаланһындар тиһәк… 27.03.2019 // Социаль мәсьәлә

Республика йортонда Башҡортостан Башлығы вазифаһын ваҡытлыса башҡарыусы Радий Хәбиров “Сәләмәтлек...

Тотош уҡырға 1 079

"Генус" менән килешеү өҙөлә

"Генус" менән килешеү өҙөлә 26.03.2019 // Социаль мәсьәлә

Башҡортостан Хөкүмәте “Генус” шәхси компанияһы менән Салауат бала табыу йортона бәйле концессион...

Тотош уҡырға 1 109

Ысын дуҫлыҡҡа нигеҙ

Ысын дуҫлыҡҡа нигеҙ 25.03.2019 // Социаль мәсьәлә

Бөрйәндә һаулыҡ мөмкинлектәре сикләнгән һәм ата-әсә ҡарауынан мәхрүм ҡалған балалар өсөн “Бәләкәй...

Тотош уҡырға 1 211

Каринэ Хәбирова аш-һыу серҙәрен дә асты

Каринэ Хәбирова аш-һыу серҙәрен дә асты 24.03.2019 // Социаль мәсьәлә

Башҡортостан Башлығы вазифаһын башҡарыусы Радий Хәбировтың ҡатыны Каринэ Александровна...

Тотош уҡырға 1 195

“Иң ҡырҡыу мәсьәлә – табиптар етешмәүе”

“Иң ҡырҡыу мәсьәлә – табиптар етешмәүе” 22.03.2019 // Социаль мәсьәлә

“Рәсәй 24” телеканалына биргән интервьюһында Башҡортостан Башлығы вазифаһын ваҡытлыса башҡарыусы...

Тотош уҡырға 1 255

Аҙнаһына дүрт көн эшләрҙәрме?

Аҙнаһына дүрт көн эшләрҙәрме? 21.03.2019 // Социаль мәсьәлә

Республикала өс һәм унан күберәк бала тәрбиәләгән әсәләрҙең аҙнаһына дүрт көн эшләй, хеҙмәтен...

Тотош уҡырға 1 108

Ҡала табиптарының үҙҙәренә лә ярҙам кәрәк

Ҡала табиптарының үҙҙәренә лә ярҙам кәрәк 21.03.2019 // Социаль мәсьәлә

“Һаулыҡ сәғәте”ндә төбәк етәксеһе Радий Хәбиров республиканың ҡала дауаханаларына эшкә барған...

Тотош уҡырға 1 168