Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Сағыу юлдар сере
Сағыу юлдар сере Тиҙҙән Нефтекама дәүләт филармонияһына 20 йыл тула. Сәнғәт усағында ошо иҫтәлекле ваҡиғаға ҡыҙыу әҙерлек бара. Ике тиҫтә йыл эсендә филармония ҡала, республика халҡының ғына түгел, хатта сит ил тамашасыларының да һөйөүен яулап өлгөрҙө һәм күренекле сәнғәт усаҡтарының береһенә әүерелде.
Уңыш нигеҙе – әлбиттә, коллективта үҙ эшен өҙөлөп яратҡан, хөрмәт иткән ижади кешеләр эшләүендә, үҙҙәренең мөғжизәле, фиҙакәр хеҙ­мәт­тәре менән тамашасы йөрәгендә донъяға, тыуған ергә, халҡыбыҙҙың рухи ҡиммәттәренә һөйөү уятыуҙа, һаҡлауҙа, кешелектә матурлыҡ, гүзәллек хистәрен тәрбиәләүҙә мөһим роль уйнауында.
– Бынан 20 йыл элек, октябрҙең ямғырлы бер кисендә, филармония сәхнәһе яҡты уттарҙан балҡып, фанфаралар һәм дәртле музыка, оҙайлы алҡыштар менән яңы моң шишмәһе тыуыуын иғлан итте, – тип иҫкә ала филармонияға беренселәрҙән булып эшкә килгән лектор, музыка белгесе, БАССР-ҙың атҡаҙанған мәҙәниәт хеҙмәткәре Лилиә Хәтми ҡыҙы Йосопова.
Ошо ҡыҫҡа ғына дәүерҙә был сәнғәт мәккәһе ҙур уңыштарға өлгәшеп, республика күгендә яҡты йондоҙҙарҙың береһенә әүерелде. Филармония диуарҙарында күпме яңы идеялар тыуып, тормошҡа ашты, ышанысһыҙ ғына аҙымдар яһаған тәүге артистар, хәҙер республика­быҙҙың атҡаҙанған артистары исеме­нә лайыҡ булып, яңынан-яңы бейек­лектәр яулай. Улар исемлегендә – Р. Нуриев исемендәге хореография колледжын тамамлап килгән, ул саҡта әле ни бары 15-16 йәше генә тулған бейеүселәр: Юнир Ноғаманов, Аревик Гугасян, шулай уҡ “Түңгәүер” бейеү ансамбленә килеп ҡушылған Гөлнара Сәфәрова, эстрада төркөмдәре артистары Раян Алтыншин, Рифҡәт Ғәбделйәнов, ҡурайсы, тиҫтә йылдар художество етәксеһе булып эшләгән Башҡортостандың халыҡ артисы Айбулат Рәхмәтуллин һәм башҡалар.
Нефтекама филармонияһының уңышлы эшләүенең тағы ла бер сере – уның күп милләтле һәм күп жанрлы коллектив туплауында. Сәнғәт усағында башҡорт, татар, мари эстрада төркөмдәре, “Түңгәүер” бейеү ансамбле, әҙәби-музыкаль лекторий, балалар цирк төркөмө эшләй.
Ижади коллективтарҙың гастрол­дәр географияһы республикабыҙ төбәктәре менән генә сикләнмәй, артистарҙы Рәсәйҙең төрлө төбәктә­рендә лә көтөп алалар. Әйтәйек, Силәбе, Һарытау, Ырымбур, Ҡурған өлкәләре, Пермь крайы, Удмурт, Татарстан республикалары, Мари Иле һәм башҡа төбәктәрҙә, эстрада төр­көмдәренең һәр ҡайһыһының тиерлек “көйәрмәндәре”, үҙ тамашасыһы бар.
Филармонияның “йөҙөк ҡашы” – “Түңгәүер” бейеү ансамбле сит ил тамашасыларын да таң ҡалдырҙы. Үҙенсәлекле түңгәүерҙәр, Төркиә, Венгрия, Эстония һәм башҡа дәүләттәр халҡының да ихтирамын яулап, башҡорт бейеүҙәренә, фольклорына ғашиҡ итте.
Нефтекама артистары – Үзбәкстан Республикаһы сәнғәт һөйөүселәренең дә кумирҙары. Быйыл ғына ла БР-ҙың атҡаҙанған артисы Раян Алтыншин, йәш, популяр йырсы Иршат Ҡарасурин, ҡурайсы Иҙел Исҡужин ике тапҡыр гастролдә булып, үзбәк дуҫтарыбыҙға матур сығыштарын бүләк итеп ҡайтты.
Үтелгән юлдарға, йылдарға күҙ һалғанда, әлбиттә, сәнғәт мәккәһендә ниндәй генә булдыҡлы етәкселәр эшләүен иҫкә алмау мөмкин түгелдер. Филармонияға тәүге нигеҙ һалыусы­ларҙың береһе – талантлы һәм профессиональ етәксе, БР-ҙың атҡаҙан­ған артисы, РФ-тың атҡаҙанған мәҙә­ниәт хеҙмәткәре Әхәт Әхмәт улы Фәсхетдинов. Тап уның талантлы, эшлекле ижади коллектив туплауы, дөрөҫ сәйәси йүнәлеш биреүе, аныҡ маҡсаттар ҡуйыуы сәнғәт усағының артабан уңышлы эшләп алып китеүе­нә төп нигеҙ булды. Тәүге кадрҙар бөгөн дә бында һөҙөмтәле ижад итә, яңы үрҙәр яулай.
Әхәт Әхмәт улынан һуң килгән директорҙарҙың да һәр ҡайһыһы филармония тормошона тос өлөш индерҙе. Флүр Билал улы Саламатов эшләгән осорҙа сәнғәт мәккәһе автономиялы учреждениеға әйләнде.
Әйтергә кәрәк, Башҡортостандың мәҙәниәт министры урынбаҫары Ранис Рәйес улы Алтынбаев та етәкселәр мәктәбен тап Нефтекама филармонияһында директор вазифа­һында үтте. Халҡы, милли сәнғәте өсөн янып йөрөгән йәш егет ошо сәнғәт мәккәһенә бик күп яңылыҡтар индерҙе, коллективтың концерт-гастроль эшмәкәрлеген камиллаш­тырҙы, байтаҡ яңы проекттарҙы тормошҡа ашырҙы.
Бөгөн инде ижади коллективтарға РФ-тың атҡаҙанған мәҙәниәт хеҙмәткәре, БР-ҙың атҡаҙанған сәнғәт эшмәкәре Рәйес Абдрахман улы Исмәғилев етәкселек итә. Рәйес Абдрахман улы эшләгән осорҙа филармонияның матди-техник базаһы күпкә байыны, яңырҙы. Артистарҙың абруйы тағы ла арта төштө. Коллективтар төрлө конкурстарҙа, фести­валдәрҙә әүҙем ҡатнаша һәм алдынғы урындар яулай. Рәсәйҙең төрлө төбәктәрендә уҙғарылған һабантуй­ҙарға, юбилей сараларына, тантана­ларға беҙҙең артистарҙы ихлас саҡыралар, ғәҙәттә, улар программа­ларҙың “төп сөйө” булып сығыш яһай.
Бындай уңыштарҙы, әлбиттә, ҡала хакимиәте, Мәҙәниәт министрлығы ярҙамынан тыш күҙ алдына ла килтереп булмай. “Берҙәмлектә – көс”, тиҙәр халҡыбыҙҙа. Дөйөм көс менән Нефтекама дәүләт филармонияһы артистары халҡыбыҙҙы рухи яҡтан байытыу, милли ҡиммәттәрҙе һаҡлау бурысын уңышлы үтәп килә. Ике тиҫтә йыл тарих өсөн әллә ни оҙон ваҡыт булмаһа ла, кешелек өсөн ул байтаҡ ғүмер. Ошо ижади ғүмерҙе сәнғәт усағы коллективтары матур, тулы, сағыу юлдар менән үтә.

Зилә АҘНАБАЕВА,
Нефтекама дәүләт филармонияһының
әҙәби-эстрада бүлеге етәксеһе,
БР-ҙың атҡаҙанған сәнғәт эшмәкәре.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Бер быуаттан йәнә тупланы Темәс

Бер быуаттан йәнә тупланы Темәс 31.03.2019 // Рухиәт

Тап бынан йөҙ элек булған кеүек үк, ҡунаҡтарҙы Темәс ерендә һыбайлылар флагтар тотоп ҡаршы алды....

Тотош уҡырға 2 535

Татарстан башҡорттары ҡоролтайға әҙерме?

Татарстан башҡорттары ҡоролтайға әҙерме? 30.03.2019 // Рухиәт

Бөгөн Ҡазанда Татарстан башҡорттары ҡоролтайы ултырышы булды....

Тотош уҡырға 2 353

Бабичтың кендек ҡаны тамған ер ул Ҡыйғаҙытамаҡ!

Бабичтың кендек ҡаны тамған ер ул Ҡыйғаҙытамаҡ! 30.03.2019 // Рухиәт

Башҡортостан автономияһының йылъяҙмасыһы, дәүләт эшмәкәре, шағир, музыкант, ойоштороусы Шәйехзада...

Тотош уҡырға 2 432

Шәхестәре данлай төйәкте

Шәхестәре данлай төйәкте 30.03.2019 // Рухиәт

Башҡортостандың 100 йыллығы уңайынан Ейәнсура районы үҙәге Иҫәнғолда күркәм байрам тантаналары...

Тотош уҡырға 2 227

Санкт-Петербургта – башҡорт ҡоролтайы

Санкт-Петербургта – башҡорт ҡоролтайы 30.03.2019 // Рухиәт

V Бөтә донъя башҡорттары ҡоролтайына республикабыҙҙың ҡала-райондарында, милләттәштәребеҙ күпләп...

Тотош уҡырға 2 223

Байғусҡар музейында – тәүге ҡунаҡтар

Байғусҡар музейында – тәүге ҡунаҡтар 27.03.2019 // Рухиәт

Хәйбулла районының Байғусҡар мәҙәниәт йорто янында музей асылды. Уны экспонаттар менән...

Тотош уҡырға 1 332

Дәүләкәндәр ҡорға йыйылды

Дәүләкәндәр ҡорға йыйылды 27.03.2019 // Рухиәт

Бөгөн Дәүләкән ҡалаһында район башҡорттары ҡоролтайы ултырышы үтте....

Тотош уҡырға 1 143

Беҙ үҙебеҙҙекеләрҙе ташламайбыҙ!

Беҙ үҙебеҙҙекеләрҙе ташламайбыҙ! 23.03.2019 // Рухиәт

Республика Башлығы вазифаһын ваҡытлыса башҡарыусы Радий Хәбиров юбилей тантанаһында тел һәм...

Тотош уҡырға 1 245

Дуҫлыҡ тамырҙарыбыҙ тәрәндә

Дуҫлыҡ тамырҙарыбыҙ тәрәндә 23.03.2019 // Рухиәт

Республикабыҙҙың оло байрамына тѳрлѳ милләт вәкилдәре килде. Уларҙың һәр ҡайһыһы Башҡортостанға,...

Тотош уҡырға 1 121

Хәлең нисек, Хәйбулла башҡорто?

Хәлең нисек, Хәйбулла башҡорто? 23.03.2019 // Рухиәт

Республиканың 100 йыллығын билдәләү уңайынан Аҡъяр мәҙәниәт йортонда Хәйбулла районы башҡорттары...

Тотош уҡырға 1 124

Вәкәләтле илселәр

Вәкәләтле илселәр 22.03.2019 // Рухиәт

Бына нисәмә йыл инде “Китап” нәшриәте уҡыусыларын һөйөндөрөп, халыҡҡа рухи аҙыҡ өләшә....

Тотош уҡырға 1 228

Тарих ни һөйләй?

Тарих ни һөйләй? 20.03.2019 // Рухиәт

Иле бар халыҡ кәм булмаҫ....

Тотош уҡырға 1 244