Бөгөн Дәүләт Йыйылышы — Ҡоролтайҙың яҙғы сессиялағы тәүге пленар ултырышы уҙа. Көн тәртибенә ярашлы, депутаттар 30-ҙан ашыу закон проектын ҡарай, шуларҙың 20-ләбе республика ҡануниәтендәге үҙгәрештәргә бәйле. Ултырышта республика прокуроры Андрей Назаров төбәктә ҡануниәт торошо хаҡында доклад менән сығыш яһай, айырым суд участкаларына мировой судьялар билдәләнә.