Башҡортостан Дәүләт Йыйылышы – Ҡоролтай “Рәсәй Федерацияһында баһалау эшмәкәрлеге тураһында”ғы Федераль законға һәм “Дәүләт кадастр баһаһы тураһында”ғы Федераль законға үҙгәрештәр индереү хаҡында”ғы федераль закон проектын Дәүләт Думаһына тәҡдим итте.

– Күсемһеҙ милеккә кадастр баһаһы өлкәһендә, ҡағиҙә булараҡ, бәхәс, фекер айырмалыҡтары йыш тыуа. Бындай мәсьәләләр судтарҙа ла күп ҡарала, – тине парламент Рәйесе Константин Толкачев. – Актуаль булмаған кадастр хаҡына ҡарата дәғүә белдереү тәртибен көйләгән ҡануниәттә лә етешһеҙлектәр байтаҡ. Әлеге закон сығарыу башланғысы уларҙы төҙәтеүгә йүнәлтелә. Проект хупланһа, объектив баһа, ошо өлкәлә ғәҙеллек тәьмин ителәсәк.