Өфөлә “Башҡортостан Республикаһы Конституцияһына – 25 йыл: йомғаҡтар һәм үҫеш перспективалары” Бөтә Рәсәй ғилми-ғәмәли конференцияһы уҙғарылды. Конференция Башҡортостан Республикаһының Конституция Суды Рәйесе Зөфәр Йәнекәевтең инеш һүҙе менән башланып китте. Йыйынға Рәсәй төбәктәренең конституцион (устав) судтарының рәйестәре, судьялары, республиканың дәүләт власы органдары вәкилдәре, юрист ғалимдар ҡатнашты.
– Сирек быуат эсендә республикабыҙ Конституцияһы ваҡыт һынауын уңышлы үтте, утта ла янманы, һыуҙа ла батманы, – тине үҙенең сығышында Башҡортостан Башлығы Хакимиәте етәксеһе Александр Сидякин.
Конференция тураһында тулыраҡ гәзиттең рәсми сайтында (www.bash.bashgazet.ru) уҡый алаһығыҙ.