Шанхайҙа Беренсе Ҡытай халыҡ-ара импорт тауарҙары күргәҙмәһе асылды. Унда донъяның 130 дәүләте ҡатнаша, 80 ил милли экспозиция тәҡдим иткән.

Рәсәй стендында Туймазы ҡалаһының “Тәмлекәстәр фабрикаһы” (эшҡыуар Ләйсән Дәүләтшина) хаҡында мәғлүмәт һәм унда етештерелгән тауарҙар өлгөһө бар. Билдәле булыуынса, предприятие Япония, Вьетнам, Ҡытай илдәре менән хеҙмәттәшлек итә. Был күргәҙмәлә фабрика тағы ла күп эшлекле килешеүҙәр төҙөргә ниәтләй.