Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Япония килешеүгә өмөт итә
Ҡара тәнлеләр власҡа килә

Италияла парламент һайлауы булып уҙыуға ике ай тигәндә, ниһайәт, яңы хөкүмәт составы формалаштырылды. Был — яңы хөкүмәттең рәйесе Энрике Леттаның ҙур ҡаҙанышы. Сөнки Италия быға тиклем сәйәси көрсөк кисере, парламент һайлауында ҡатнашҡан партиялар үҙ-ара тартҡылашып, уртаҡ фекергә килә алмай йонсоно. Президент Джоджо Напалитано хатта парламентты яңынан тарҡатыр сиккә еткәйне.
Италия тарихында өс тапҡыр премьер-министр вазифаһын башҡарған билдәле сәйәсмән Сильвио Берлускони юғары вазифаға дүртенсе тапҡырға ынтылып ҡарағайны ла, килеп сыҡманы. Гел генә үҙ мәнфәғәтен алғы планға ҡуйып өйрәнгән Сильвио Берлускони был юлы ла үҙ асылына тоғро ҡалды. Яңы хөкүмәт составында уға урын табылмаһа ла, “үҙ кешеһе” — “Азат халыҡ” партияһы секретары Анжелино Альфано эске эштәр министры вазифаһына тәғәйенләнде. Бер үк ваҡытта ул — премьер-министр урынбаҫары ла. Берлускони өсөн был бик ҡулай. Сөнки уның өҫтөнән суд эше һаман да туҡтатылмаған. Ә яҡын дуҫы эске эштәр министры булып ултырған осраҡта, ул хоҡуҡ һаҡлау органдарының эҙәрлекләүенән ваҡытлыса булһа ла ҡотоласаҡ.
Яңы хөкүмәт составына 21 кеше индерелде, шуларҙың етәүһе — ҡатын-ҡыҙ. Шуныһы үҙенсәлекле: Италия тарихында беренсе тапҡыр ҡара тәнле ҡатын-ҡыҙ министр вазифаһына тәғәйенләнде. Заманында Конго иленән күсеп килгән Сесиль Киенж интеграция министры вазифаһын биләне. Италияла ул быға тиклем забастовкалар ойоштороусы булараҡ танылыу яулағайны. Хәҙер килеп яңы хөкүмәттә үҙе эш күрһәтергә тейешле булып сыға. Майҙанда власть органдарын тәнҡитләп күп тамаҡ ярҙың, хәҙер үҙең эшләп ҡара, тигәндәрҙер. Италияла ысын демократия хөкөм һөрә шул. Яңы премьер-министрға барлыҡ сәйәси көстәр менән дә уртаҡ фекергә килеү мөһимерәк. Әммә ҡыйырһытылыусылар барыбер бар. Мәҫәлән, илдең комик артисы етәкләгән “Биш йондоҙ” партияһы вәкилдәренә яңы хөкүмәттә урын табылманы. Улар оппозицияға күсәсәк. Шулай уҡ “Азат халыҡ” партияһынан бүленеп сыҡҡан “Италия туғандары” партияһы ла оппозиция рәттәрен тулыландырасаҡ. Ҡайһылай ғына булмаһын, Энрике Летта хөкүмәтенә ҙур бурыстар йөкмәтелгән. Алға ҡуйылған төп маҡсаттарҙың береһе — ил иҡтисадын тотороҡландырыу. Энрике хөкүмәте бер йыл һуҙымында ошо бурысты атҡарып сыға алһа, ул артабан да власта ҡаласаҡ. Юҡ икән, тағы ла сәйәси ыҙғыш башланасаҡ.

Атаһы аманатын атҡара алырмы?

28 апрелдә Рәсәйгә үҙенең тәүге эш сәфәре менән Япония премьер-министры Синдзо Абэ килде. Ул был вазифала былтыр декабрҙә генә эшләй башлағайны. Әйтергә кәрәк, һуңғы йылдарҙа Японияла власть тотороҡһоҙлоғо хөкөм һөрҙө. Бер премьерҙы икенсеһе алмаштырып ҡына торҙо. Бындай күренеш иҡтисадта ла сағылыш тапмай ҡалманы. Донъяла иң юғары технологиялар ҡулланып эш иткән илде иҡтисади күрһәткестәр буйынса Ҡытай уҙып китте.
Синдзо Абэның Рәсәйгә визиты Япония өсөн үтә лә ҙур әһәмиәткә эйә. Ер тетрәүе һөҙөмтәһендә “Фукусима-1” атом электр станцияһында авария булғандан һуң Япония энергия ресурстарына ҡытлыҡ кисерә. Премьер-министрҙың тәү маҡсаты — ошо проблеманы хәл итеү. Юҡҡа ғына ул Рәсәйҙән һуң нефткә бай Сәғүд Ғәрәбстаны, Берләшкән Ғәрәп Әмирлектәре һәм Төркиәгә юлланмай. Был илдәрҙә лә сеймал мәсьәләһен хәл итмәксе. Рәсәйгә килгәндә, бына ун йыл Япония етәкселеге илебеҙгә аяҡ баҫҡаны юҡ. Рәсәй менән Япония араһында күптәнге низағ йәшәп килә. Ул да булһа — биләмәләр буйынса бәхәс. Икенсе Бөтә донъя һуғышы тамамланыуға ла сентябрь айында 68 йыл тула. Ә Рәсәй менән Япония араһында һаманғаса тыныслыҡ килешеүе төҙөлмәгән. Был — ике яҡ өсөн дә кире күренеш. Икенсе Бөтә донъя һуғышы тамамланғандан һуң Курил утрауҙарының көньяғы СССР ҡарамағына күсә. Япония был биләмәләрҙе үҙенеке тип иҫәпләй һәм әленән-әле утрауҙарға дәғүә белдерә килә. Һүҙ Итуруп, Кунашир, Шикотан һәм Хабомаи утрауҙары хаҡында бара. Ельцин ваҡытында ла был утрауҙарҙы ҡайтарып алырға маташып ҡаранылар, әммә килеп сыҡманы. Дмитрий Медведев иһә, президент сағында Кунашир утрауына сәфәр ҡылып, япондарҙың асыуын ҡабартып ҡайтҡайны. Путин да тәүге президентлыҡ осоро ваҡытында утрауҙарҙы бирмәҫ өсөн ҡырталашты. Был юлы Синдзо Абэ уны бөгә алырмы, әйтеүе ҡыйын.
Әйткәндәй, Синдзо Абэның атаһы Синтаро Абэ 1982 — 1986 йылдарҙа, Японияның сит ил эштәре министры вазифаһында эшләгән осоронда, СССР-ҙың ул саҡтағы етәксеһе Михаил Горбачев менән Курил утрауҙары яҙмышын хәл итә биреп ҡуя, әммә һаулығы ҡаҡшау сәбәпле аҙағынаса еткермәй. Атаһы атҡара алмағанды, бәлки, улы башҡарып ҡуйыр, ваҡыт күрһәтер. Ә Рәсәй менән Японияның дуҫлашыуы, ике ил араһында тыныслыҡ килешеүе төҙөшөү бик тә кәрәк. Алыҫ көнсығышта Рәсәй үҙ сеймалын (газ, нефть) нигеҙҙә Ҡытайға ғына һатҡан бер мәлдә, Япония ҡытайҙарға конкуренция тыуҙырыр ине. Унан килеп Японияның юғары технологияларын Рәсәй өсөн файҙаланмау, күрше илдән инвестициялар йәлеп итмәү үҙе бер хилафлыҡ кеүек. Ике ил араһында килешеү булған осраҡта, Япониянан Рәсәйгә инвестициялар 10 тапҡырға артыр ине, ти белгестәр.
Президент Владимир Путин менән премьер-министр Синдзо Абэ осрашыуында Корея ярымутрауындағы хәл дә тикшерелде. Япония аш-һыуы ла Рәсәй халҡында ҙур ҡыҙыҡһыныу уята. Сөнки япондар донъяла иң оҙон ғүмерле (уртаса 82,5 йәш) халыҡ булараҡ билдәле. Ә уларҙың оҙаҡ йәшәү серен туҡланыуға бәйләйҙәр. Шуға ла Рәсәй байҙары япон кухняһына ныҡлы өҫтөнлөк бирә башлаған. Был да ниндәйҙер кимәлдә ике ил араһындағы һалҡынлыҡты бөтөрөүгә сәбәпсе була ала. Япония премьер-министры үҙе менән бергә 120 кешенән торған делегация ла алып килде. Уларҙың байтағы эшҡыуарҙар, улар Рәсәйгә инвестиция бирергә әҙер. Тик бер яғы һағайта: бүренән ҡасып айыуға барып юлыҡҡан кеүек, ҡытайҙарҙан ҡотолам тип, япон тоҙағына барып ҡапмаһаҡ ярай ҙа.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 1 269

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 1 235

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 1 301

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 1 321

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 1 230

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 1 308

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 1 219

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 1 236

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 1 298

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 1 213

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 1 096

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 1 186