Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хеҙмәт баҙарында хәл нисек?
“Әйҙәгеҙ, беҙҙең кешеләр нисек йәшәгәнен ҡарайыҡ. Мин “Эш, хеҙмәт хаҡы, торлаҡ” өҫтөнлөктәрен юҡҡа ғына һайламаным. Граждандарыбыҙҙың тормош сифатын билдәләүсе ошо төп йүнәлештәр буйынса бик күп хәл ителмәгән мәсьәләләребеҙ бар.
Республикала эшһеҙлек ил буйынса уртасанан юғары. 39 меңдән ашыу кеше хеҙмәт биржаһында тора. Был — ҙур муниципаль район халҡы менән сағыштырырлыҡ һан. Шул уҡ ваҡытта ҡайһы бер эшһеҙҙәрҙең биржала теркәлмәүен дә иҫтән сығарырға ярамай”.
(Президент Мөрәжәғәтнамәһенән).

Йыл тамамланыуға һанаулы ғына көндәр ҡалды. Үтелгән осорҙо бөгөн үк байҡап, башҡарылған эштәрҙе барларға, ниндәйҙер һығымталар яһарға була, тимәк.
Эшһеҙлек мәсьәләһен алайыҡ. Хәл үҙгәргәнме? Ниндәй саралар тормошҡа ашырылған? Росстаттың һуңғы мәғлүмәттәре буйынса, 2011 йылдың 1 ноябренә Башҡортостанда дөйөм эшһеҙлек кимәле 7,6 процент тәшкил иткән — был үткән йылғы ошо осор менән сағыштырғанда 1,4 процентҡа кәмерәк. Шуның менән бергә теркәлгән эшһеҙлек кимәле иҡтисади әүҙем халыҡтың 1,4 процентын тәшкил иткән (2010 йылда — 1,6 процент), шул иҫәптән ҡалалар буйынса — 1,3 процент, райондарҙа — 1,4, Өфө ҡалаһында — 1,6 процент. Белгестәр билдәләүенсә, Ағиҙел (6,4 %), Межгорье (2,3 %) ҡалаларында һәм Ҡалтасы районында (2,7 %) был күрһәткес һаман да юғары ҡала. Шул уҡ ваҡытта Миәкә (0,71 %), Баҡалы (0,76 %) райондарында ул иң түбәне, ә 33 ҡала һәм районда эшһеҙлек республикалағы уртаса кимәлдән артмай.
— Дөйөм алғанда, беҙҙә хәл тотороҡло һәм алдан фаразланған күрһәткестәрҙән ашмай, — тип билдәләне Башҡортостан Хеҙмәт һәм халыҡты социаль яҡлау министрлығы ҡарамағындағы мәшғүллек дәүләт хеҙмәте етәксеһе Тимерхан Биккинин журналистар менән осрашыуҙа.
Күреүебеҙсә, эшһеҙҙәр һаны кәмегән. Башҡортостанда эшһеҙлекте кәметеүгә йүнәлтелгән дәүләт саралары күрелә.
Башҡортостан Республикаһы хеҙмәт баҙарындағы көсөргәнешлекте кәметеү өсөн быйыл федераль һәм республика ҡаҙнаһынан 2,2 миллиард һум аҡса бүленгән, шуның 1,4 миллиард һумы — эшһеҙ граждандарға социаль түләүҙәр өсөн.
Халыҡты эш менән тәьмин итеүҙең һәм кәрәкле белгестәр әҙерләүҙең йоғонтоло алымдарының береһе — профилле уҡытыу, тип билдәләне Тимерхан Биккинин. Мәшғүллек хеҙмәтенең урындарҙағы бүлектәре йыл башынан бөтәһе 9629 кешене (эшһеҙҙәрҙең дөйөм һанынан 9,9 процент) уҡыуға ебәргән. Әйткәндәй, Башҡортостанда 180 белгеслек буйынса профилле уҡыуҙар алып барыла. Мәшғүллек хеҙмәте булышлығында 76763 кеше эш тапҡан.
Өлгәшелгәндәрҙе инҡар итеп булмай. Әммә ҡайһы бер ҡала һәм райондарҙа эшһеҙлекте кәметеү һүлпән бара. Мәҫәлән, Башҡортостан Хөкүмәтенең Премьер-министры урынбаҫары Фидус Ямалетдинов билдәләүенсә, Бәләбәйҙә, Октябрьскийҙа, Әлшәй, Архангел, Асҡын, Иглин, Ҡырмыҫҡалы һәм Ҡыйғы райондарында эшкә урынлаштырыу кимәле бик түбән. Тағы шуныһы: вице-премьер эшһеҙлекте хәл итеүҙә халыҡтың өмөттәре тулыһынса аҡланып етмәүен дә һыҙыҡ өҫтөнә алды. Башҡортостан Фәндәр академияһының социаль-хоҡуҡи тикшеренеүҙәр институты уҙғарған һорау алыу мәғлүмәттәре буйынса, көнүҙәк социаль мәсьәләләр исемлегендә, хаҡтар артыуы (67,8 %) һәм түбән эш хаҡынан (54,4 %) ҡала, эшһеҙлек өсөнсө урында (30,4 %) килә, республика халҡының яртыһынан күберәге мәсьәләнең киҫкен булыуын билдәләй. Тимәк, был йәһәттән эшләргә лә эшләргә кәрәк. Фидус Ямалетдинов, социаль яҡтан яҡланмаған кешеләрҙе эш менән тәьмин итеүҙең алмаш (альтернатив) юлы булараҡ, инвалидтарҙы эшкә урынлаштырыуҙы, эшһеҙҙәрҙе йәмәғәт эштәренә киңерәк йәлеп итеүҙе, йүнселлеккә ярҙам итеүҙе, халыҡ кәсептәрен һәм өй шарттарындағы хеҙмәтте үҫтереүҙе хәл итеүҙе тәү сираттағы бурыстар тип һанай.
Фаил ҠЫЛЫСБАЕВ.




Беҙҙе Яндекс Дзен лентаһында уҡығыҙ

В ОдноклассникахВконтакте






Китте... Икмәк, ит етештереүҙе хәстәрләп китте

Китте... Икмәк, ит етештереүҙе хәстәрләп китте 29.03.2019 // Сәйәсәт

Бөгөн Көйөргәҙе район Советы депутаттары хакимиәт башлығы Әхәт Ҡотләхмәтовтың отставкаһын ҡабул...

Тотош уҡырға 1 270

Медведевтан ярҙам көтәбеҙ

Медведевтан ярҙам көтәбеҙ 29.03.2019 // Сәйәсәт

Башҡортостан парламенты депутаттары социаль туҡланыу, айырыуса мәктәптәрҙә, балалар баҡсаларында...

Тотош уҡырға 1 235

Дәүләт-хоҡуҡ идаралығын кем етәкләй?

Дәүләт-хоҡуҡ идаралығын кем етәкләй? 28.03.2019 // Сәйәсәт

Башҡортостан Республикаһы Башлығының Дәүләт-хоҡуҡ идаралығы начальнигы итеп Азат Ғәлин...

Тотош уҡырға 1 303

Идаралыҡта – яңы етәксе

Идаралыҡта – яңы етәксе 28.03.2019 // Сәйәсәт

Искәндәр Әхмәтвәлиев Башҡортостан Башлығының Муниципаль берәмектәр менән эш итеү идаралығы...

Тотош уҡырға 1 321

Яңы вәкил тәғәйенләнде

Яңы вәкил тәғәйенләнде 28.03.2019 // Сәйәсәт

Башҡортостан Республикаһы Башлығының Дәүләт Йыйылышы – Ҡоролтайҙағы тулы хоҡуҡлы вәкиле итеп...

Тотош уҡырға 1 230

Хәйҙәр Вәлиев китте

Хәйҙәр Вәлиев китте 28.03.2019 // Сәйәсәт

Бөгөн Башҡортостандың Үҙәк һайлау комиссияһы рәйесе Хәйҙәр Вәлиев ваҡытынан алда вазифаһын бушатты....

Тотош уҡырға 1 309

Килешеү төҙөлдө

Килешеү төҙөлдө 28.03.2019 // Сәйәсәт

Бешкәктә Башҡортостан Республикаһы Хөкүмәте менән Ҡырғыҙ Республикаһы Хөкүмәте араһында...

Тотош уҡырға 1 219

Хәбиров, Байғусҡаров, Беляев... тағы кемдәр?

Хәбиров, Байғусҡаров, Беляев... тағы кемдәр? 27.03.2019 // Сәйәсәт

Бөгөн Башҡортостанда “Берҙәм Рәсәй” партияһынан республика Башлығы вазифаһына кандидатуралар тәҡдим...

Тотош уҡырға 1 236

Йөҙ меңенсе кем?

Йөҙ меңенсе кем? 27.03.2019 // Сәйәсәт

Учалы ҡалаһы “Таусы” хоккей клубының спорт директоры Айрат Нурғәлиевкә “Берҙәм Рәсәй”ҙең...

Тотош уҡырға 1 299

Киров районы 100 йыллыҡты билдәләне

Киров районы 100 йыллыҡты билдәләне 25.03.2019 // Сәйәсәт

Республикабыҙҙың 100 йыллыҡ юбилейы айҡанлы Башҡортостанда байрам саралары дауам итә....

Тотош уҡырға 1 213

“Берҙәм Рәсәй”ҙәр кандидат тәҡдим итә

“Берҙәм Рәсәй”ҙәр кандидат тәҡдим итә 25.03.2019 // Сәйәсәт

27 мартта “Берҙәм Рәсәй” партияһы Башҡортостан Республикаһы Башлығы вазифаһына кандидатура тәҡдим...

Тотош уҡырға 1 096

Республикабыҙ 278 Советтар Союзы Геройын үҫтергән

Республикабыҙ 278 Советтар Союзы Геройын үҫтергән 23.03.2019 // Сәйәсәт

Байрам уңайынан тантаналы йыйылыштағы сығышында Башҡортостан етәксеһе Радий Хәбиров бер быуатлыҡ...

Тотош уҡырға 1 187