Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Баймаҡтың даланлы ҡыҙы
Баймаҡтың даланлы ҡыҙы Үҙенең бер шиғырында заманыбыҙҙың мәшһүр шәхесе Мостай Кәрим “Ҡатын-ҡыҙ — мәңгелек асылмаҫ сер” тип әйткәйне. Ысынлап та, минең быға бер ниндәй ҙә шигем юҡ. Алты тиҫтә йыл дауамында матбуғат биттәрендә төрлө быуын, һөнәр эйәләре булған аҫыл зат хаҡында һүрәтләмә, очерктар яҙырға насип итте. Уларҙың барыһы ла фиҙакәр хеҙмәте менән тарихта юйылмаҫ эҙ ҡалдырҙы. Был тәңгәлдә районда ғына түгел, республикала билдәлелек яулаған Социалистик Хеҙмәт Геройҙары Гәүһәр Фәйзуллина, Фира Ниғмәтуллина, Ленин ордены кавалерҙары Бикә Иҫәнбаева, Сәхипъямал Вәлиева (һауынсылар), табип Камила Яхина, уҡытыусы Ғәрифә Сабаеваны һәм башҡа исемдәрҙе телгә алыу ҙа етә.
Фирҙәүес Мостафа ҡыҙы Ишмәтова әле телгә алынған илаһи заттарҙы күреп-белеп үҫеп, уларҙан рухи һәм әхлаҡи көс алып, сауҙа өлкәһендә юғары ҡаҙаныштарға өлгәшкән, районда ғына түгел, республикала билдәле шәхестәр рәтендә торған иң уңған, булдыҡлы ҡатын-ҡыҙҙарыбыҙҙың береһе булып танылды. Быға ул тырышлығы, маҡсатҡа ынтылышы, үҙ һөнәрен яратып башҡарыуы арҡаһында өлгәште.
Сығышы менән Баймаҡ ҡыҙы ул. Ҡалала урта мәктәпте тамамлағас, Өфөлә кооператив техникумында уҡый. 1976 йылда уны уңышлы тамамлағас та, тыуған ҡалаһына ҡайта һәм бер аҙ ваҡыт райпола бухгалтер булып эшләй. Әммә күңеле ауылды үҙ итә.
Яңы ғына ойошторолған Муллаҡай сауҙа ойошмаһына бухгалтер булып эшкә килә. Бындағы татыу, берҙәм коллектив менән биш йыл самаһы эшләгәндән һуң, тилбер, үҙ маҡсатына өлгәшеүсән сая ҡыҙҙы Темәс сауҙа ойошмаһына директор урынбаҫары итеп ебәрәләр. Был ойошмаға Муллаҡай, Һәүәнәк сауҙа ойошмалары инә. Илдә тауарҙарға ҡытлыҡ осоро башлана. Әммә ул юғалып ҡалмай. Төрлө әйбер алыу өсөн уға Өфө, Силәбе, Гай, Магнитогорск, Сибай ҡалалары базаларына көн дә тип әйтерлек юлға сығырға тура килә.
1981 йылда Фирҙәүес Мостафа ҡыҙын Темәс сауҙа ойошмаһына етәксе итеп тәғәйенләйҙәр. Яңы башлыҡ яҡын-тирә ауылдарҙа ғына түгел, Ишей, Бетерәлә лә сауҙа нөктәләре булдыра. Темәстәге пекарня сауҙа ойошмаһына күсерелә, һәм уның бинаһына капиталь ремонт яһатыла. Әйтергә кәрәк, пекарня етештергән ризыҡты халыҡ һәр саҡ ҙур теләк менән һатып ала. Быйыл уның ойошторолоуына 49 йыл тула. Уның тәүге етәксеһе Риф Халиҡов, Рәмил Бигилдин, икмәк бешереүселәр Шәһиҙә Халиҡова, Флүрә Әбсәләмова, Сания Төхвәтулли­налар ассортиментты юғары кимәлдә тотоуға өлгәшә. Темәс икмәген Әбйәлил районының Рысҡужа ауылында ла бик теләп һатып алалар.
Бөгөн район сауҙа ойошмаһына ҡараған аҙыҡ-түлек магазиндарында йәнең теләгәнде табырға мөмкин. Был йәһәттән Фирҙәүес – һатып алыусыларҙан, халыҡ унан уңды. Кейем-һалым, өй кәрәк-ярағы, хатта мебелгә заказ биреүселәрҙең һорауҙарын һәр саҡ ҡәнәғәтләндерергә тырыша ул. Эскерһеҙ, алсаҡ, кешеләр менән уртаҡ тел таба алған сибәр ханымды яҡын-тирә ауылдарҙа белмәгән кеше бик һирәктер. Уның ныҡышмаллығы һәм тырышлығы арҡаһында Темәстәге элекке универмаг бинаһына реконструкция үткәрелеп, аҙыҡ-түлек магазины итеп үҙгәртелә.
Бөгөн Темәс сауҙа ойошмаһы район ҡулланыусылар йәмғиәтендә иң килемле һәм тотороҡло эшләп килеүселәрҙән һанала. Егерме биш йылдан ашыу ғүмерен ошо ойошмаға етәкселек итеү, сауҙа системаһында дүрт тиҫтә йыл самаһы ал-ял белмәй, эскерһеҙ хеҙмәт итеү һәр кемдең дә өлөшөнә төшмәй.
Сауҙа — сетерекле өлкә. Ул үҙенә кәкре бармаҡлыларҙы үҙһенмәй. Унда намыҫлы тоғро хеҙмәт итеүселәр генә үҙ урынын таба. Был йәһәттән Фирҙәүескә һис тел тейҙерерлек түгел. Әсәһе Нурия Ҡот­логилде ҡыҙы ла 89 йәшкә етеп, гүр эйәһе булғанса ҡыҙында һәр саҡ намыҫ, тоғролоҡ өлгөһө тәрбиәләне. Шуғалыр ҙа уның фатихаһы ҡыҙына күскәндер, тип әйтергә мөмкиндер.
Эшенең тынғыһыҙ булыуына ҡара­маҫтан, ул белемен камиллаштырыу маҡсатында Мәскәү сауҙа институтының Өфөләге филиалына ситтән тороп уҡырға инә һәм уны 1995 йылда уңышлы тамамлай. Юғары белемле, әҙерлекле белгесте район үҙәгенә эшкә саҡырып та ҡаранылар, әммә ул икенсе тыуған ерен — Темәсен ташлап китмәне.
Ошо ауылда тапҡан ғүмерлек юлдашы Марат Рәфҡәт улы менән бына 35 йыл инде мөхәббәтле татыу тормош кисерәләр. Марат мастер-төҙөүсе һөнәрен үҙләш­тереп, 1976 йылда данлыҡлы Темәс леспромхозына эшкә килә һәм хаҡлы ялға киткәнсә предприятиеның таҡта эшкәртеү бүлегенә етәкселек итә. Уның намыҫлы хеҙмәте оло хөрмәткә һәм ихтирамға лайыҡ була, Почет грамоталары, биш йыллыҡ ударнигы билдәләре менән баһалана.
Сәскәләй матур ике ҡыҙға ғүмер биргән Фирҙәүес менән Марат Ишмәтовтарға һоҡланмау мөмкин түгел. Әлиә һәм Руфина юғары белем алып, бөгөн Себер тарафтарында эшләй. Әлиә — өс ул, Руфина иһә ҡыҙ бала тәрбиәләй.
Олпат юбилейын — 60 йәшен Фирҙәүес Мостафа ҡыҙы юғары ҡаҙаныштар менән ҡаршыланы. Ул “Башҡортостан Респуб­ликаһының атҡаҙанған сауҙа хеҙмәткәре” тигән маҡтаулы исемгә лайыҡ булды. “Рәсәй ҡулланыусылар ойошмаһы үҫешенә индергән хеҙмәте өсөн” орденына, “Өлгөлө хеҙмәте өсөн”, “Хеҙмәт ветераны” миҙалдары, “Ҡулланыусылар йәмғиәтенә — 40 йыл” билдәһе менән баһаланды.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Янып йәшәлгән ғүмер

Янып йәшәлгән ғүмер 26.03.2019 // Шәхестәр

Тамыры ныҡтың олоно ла ныҡ....

Тотош уҡырға 186

Иҫтә, һаман да иҫтә

Иҫтә, һаман да иҫтә 25.03.2019 // Шәхестәр

Баҡалылар данлыҡлы яҡташтарын онотмай, йылдар үтеү менән дә уларҙың исемдәрен ҡәҙерләп һаҡлай,...

Тотош уҡырға 143

Дандың төбө — хөрмәт

Дандың төбө — хөрмәт 22.03.2019 // Шәхестәр

“Үткән ғүмер — иҫкән ел”, — тиҙәр. Хаҡ һүҙҙер был, бәлки. Иҫкән елгә иҫәп юҡ бит инде. Ғүмер...

Тотош уҡырға 224

Вәлидиҙең дуҫы Өсҡайнаҡ

Вәлидиҙең дуҫы Өсҡайнаҡ 22.03.2019 // Шәхестәр

Әхмәтзәки Вәлидовтың Төркиәләге башҡорт дуҫтарының береһе профессор Әхмәт Зыя Өсҡайнаҡ тураһында...

Тотош уҡырға 200

Һәйкәлдәргә лайыҡ исемдәр

Һәйкәлдәргә лайыҡ исемдәр 22.03.2019 // Шәхестәр

1917–1920 йылдарҙағы Башҡорт милли-азатлыҡ хәрәкәте тарихы, унда ҡатнашҡан эшмәкәрҙәр тураһында...

Тотош уҡырға 2566

Мостай Кәрим – Ҡазанда

Мостай Кәрим – Ҡазанда 21.03.2019 // Шәхестәр

Донъяла һәм Рәсәйҙә Башҡортостандың халыҡ шағиры Мостай Кәримдең яҡты иҫтәлеген мәңгеләштереүҙе...

Тотош уҡырға 231

Башҡортостан йөмһүриәтенең хосуси вәкиле

Башҡортостан йөмһүриәтенең хосуси вәкиле 20.03.2019 // Шәхестәр

Уның исеме архив документтарында йыш осрай....

Тотош уҡырға 176

Башҡортостан йөмһүриәтенең хосуси вәкиле

Башҡортостан йөмһүриәтенең хосуси вәкиле 19.03.2019 // Шәхестәр

Уның исеме архив документтарында йыш осрай....

Тотош уҡырға 179

Ғорурлығыбыҙ беҙҙең

Ғорурлығыбыҙ беҙҙең 06.02.2019 // Шәхестәр

Ул һалған эҙҙәр юйылмай. Күгәрсен ере ошо райондың ғына түгел, тотош республиканың тарихында яҡты...

Тотош уҡырға 401

Ирҙең даны – иленән,  халҡы менән еренән

Ирҙең даны – иленән, халҡы менән еренән 06.02.2019 // Шәхестәр

Башҡортостандың беренсе президенты, Арҙаҡлы шәхес Мортаза РӘХИМОВҠА – 85 йәш 7 февралдә башҡорт...

Тотош уҡырға 416

Эҙ ҡалдырған хәтирәләр...

Эҙ ҡалдырған хәтирәләр... 22.01.2019 // Шәхестәр

Автографтар алыу бәхет ине....

Тотош уҡырға 427

Бер мәҡәлә уҡығас...

Бер мәҡәлә уҡығас... 04.01.2019 // Шәхестәр

Уның аҡыл ҡаҙнаһы һайыҡмаһын....

Тотош уҡырға 415