Өфөлә һәм тағы ла 14 районда ҡаты коммуналь ҡалдыҡтар менән эш итеү буйынса төбәк операторы булған “Ҡаланы йыйыштырыу буйынса махсус автохужалыҡ” муниципаль предприятиеһы яңы мобиль сервисты ғәмәлгә индерҙе.

Әгәр сүп-сарҙы ситкә сығарыу графигын боҙоуға шаһит булһағыҙ йәки рөхсәтһеҙ сүплек асылыуын асыҡлаһағыҙ, был турала 8-986-704-40-88 телефоны аша фото- һәм видеомөрәжәғәт ебәрә алаһығыҙ. Белдереүҙәр WhatsApp һәм Viber мессенджерҙары аша ҡабул ителә. Мөрәжәғәттә шулай уҡ проблеманың асылын, хәл-шарттың адресын күрһәтергә кәрәк. Мәғлүмәт предприятиеның тәғәйен хеҙмәттәренә ебәреләсәк. Улар үҙ сиратында тейешле сара күрәсәк.