Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күпме һылтау эҙләргә була?
Ағиҙел ҡалаһындағы почта бүлексәһенең Краснокама районына ҡарауы оҙаҡ йылдар ҡала етәкселеген матбуғатҡа яҙылыу барышында ел-ямғырҙан һаҡлап килде, сөнки гәзит-журналдарға яҙылыу күләме өсөн һәр саҡ урындағы хакимиәт яуап тотто.

Бөгөн Ағиҙел почта бүлексәһе Нефтекама ҡарамағына күсерелһә лә, хәл үҙгәрмәне. Почта хеҙмәткәрҙәре әйтеүенсә, ҡалала “Башҡортостан”ды ни бары — 21, “Кызыл таң” гәзитен 14 дана алдыралар.
Бында башҡорт, татар балалары өсөн дә гәзит-журналдарға яҙылыу бик һүлпән бара. Ағиҙел ҡалаһындағы башҡорт гимназияһы директоры Гөлфиә Динисламова тырышлығы арҡаһында ғына башҡорт баҫмаларына яҙылыу һүнмәй, быйыл да был уҡыу йорто коллективы “Башҡортостан” гәзитенә берҙәм яҙылды. Гөлфиә Әлфәт ҡыҙы ҡала башҡорттары ҡоролтайы етәксеһе булараҡ та ҙур эш башҡара.
Тураһын ғына әйткәндә, милли матбуғат ҡалала оҙаҡ йылдар ситкә тибелә килә. Республикабыҙҙың башҡа район, ҡалаларында матбуғатҡа яҙылыу төрлө юҫыҡта хәл ителһә, бында, киреһенсә, яҙылмау даими күренешкә әүерелгән. Ағиҙелдә был мөһим эшкә бармаҡ аша ҡарамаһалар, милли гәзиттәргә яҙылыу күрһәткесе кәмемәҫ ине.
Шуныһы асыҡ: бөгөн һәр төбәктә башҡорт, татар телдәрендә донъя күргән гәзиттәрҙе халыҡ яратып уҡый, алдыра һәм тарата. Ә Ағиҙел ҡалаһында урыҫ телендә сыҡҡан “Огни Агидели” гәзитенән башҡа баҫма юҡ. Шуныһын да әйтергә кәрәк: бында быйыл гәзит-журналдар менән һатыу итеүсе берҙән-бер “Роспечать” киоскыһы ла бөтөрөлдө. Матбуғат баҫмаларын фәҡәт ҡала үҙәгендәге “Бәхетле” магазинында күрергә була, унда ла бары Мәскәүҙекеләр генә…
Тағы ла нығыраҡ хафаға һалғаны шул: ҡалала балалар һәм үҫмерҙәр өсөн әсә телендә нәшер ителгән гәзит-журналдар юҡ. Ә бит уҡыусыларҙың төп өлөшө — татар һәм башҡорт балалары...
Мәктәптәрҙә республика баҫмаларына яҙылыу йылдан-йыл һүлпәнәйә бара. Ошо хәлгә борсолоп, ҡала хакимиәте етәкселәренә мөрәжәғәт иткәйнек. Ләкин улар, аҡса юҡлыҡҡа һылтанып, мәсьәләне хәл итеүҙән баш тартты.
Әгәр милли матбуғатҡа һалҡын ҡараш үҙгәрмәһә, киләсәктә Ағиҙелдең зат-нәҫелен белмәүселәр ҡалаһына әүерелеүе бик мөмкин. Үҙ телеңдә әкиәттәр уҡымаһаң, халҡыңдың гүзәл йолалары менән танышмаһаң, йыр-моңон, мәҙәниәтен һанға һуҡмаһаң, нисек милләтте һаҡлап ҡалып булһын?! Икенсе яҡтан, бала кескәйҙән үҙ телендә уҡып үҫһә генә ысын мәғәнәһендә тыуған төйәген һөйгән юғары рухлы шәхескә әүерелә. Уҙған быуаттың һикһәненсе йылдары башында Башҡортостандың әллә күпме районынан килеп ҡалаға нигеҙ һалған төрлө милләт халҡы, уларҙың балалары, ейәндәре туған телен онотоп, бер генә телдә һөйләшә башлаһа, хәл ниндәй хәүефле булыр ине. Әйтергә кәрәк, һуңғы халыҡ иҫәбен алыу мәғлүмәттәренә ҡарағанда, Ағиҙелдә урындағы халыҡтың 41,7 процентын — башҡорт, 35,7-һен — татар, 14,8 процентын урыҫ милләте тәшкил итә. Ил һәм республика етәкселеге, бөтә йәмәғәт ойошмалары туған телдәрҙе тергеҙеү, милли мөхитте үҫтереүгә иғтибарҙы арттырғанда, Ағиҙел ҡала хакимиәтенең оҙаҡ йылдар милли матбуғатты таратыуға төрлө һылтау-аҡланыуҙар менән ҙур йоҙаҡ элеп ҡуйыуы үтә лә ҡыҙғаныс хәл.
Марат МОРАТОВ
Ағиҙел ҡалаһы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 174

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840