Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ете тарафтан ете хәбәр
Әнүәр Әбйәлетдиновты белеүселәр бармы?
Карелияның Медвежьегорск районында эҙәрмәндәр Бөйөк Ватан һуғышында хәбәрһеҙ юғалған осоусыларҙың медальондарын тапҡан. Уларҙың береһе — беҙҙең яҡташыбыҙ, өлкән сержант, авиация механигы Әнүәр Зыятдин улы Әбйәлетдинов.
Осоусылар һәләк булған урында яугирҙәрҙең исемен асыҡларға ярҙам иткән орден һәм миҙалдар, исемле медальондар табылған, тип хәбәр итә Эҙәрмәндәр отряды фонды советы рәйесе Илдар Бикбаев. Янған самолеттың ҡалдыҡтарын бынан 15 йыл элек Пиндуши ауылы эргәһендә мәктәп уҡыусылары тапҡан булған. Әлеге ваҡытта эҙәрмәндәр осоусыларҙың туғандарын эҙләй. Әгәр яугир хаҡында берәй мәғлүмәт белһәгеҙ, “Башҡортостан” гәзите редакцияһына 272-86-29 телефоны буйынса шылтыратырға мөмкин.
“Башинформ”.


Теләгән кеше эш таба
Ошо көндәрҙә Ишембай ҡалаһының “Икар” кинотеатрында “Йәштәргә — эш!” акцияһы булды. Сараны мәшғүллек үҙәге, йәштәр эштәре буйынса комитет ойошторҙо.
Йыл башынан мәшғүллек үҙәгенә эш табырға ярҙам итеүҙе һорап 2500-ҙән ашыу кеше мөрәжәғәт иткән, шуларҙың яртыһы – 30 йәшкә тиклемге йәштәр. Мөрәжәғәт итеүселәрҙең меңдән ашыуы быйыл эшле булған. Туғыҙ ай эсендә 30 йәшкә тиклемге 130 кеше яңы һөнәр үҙләштергән. Сарала Ишембай, Салауат, Стәрлетамаҡ ҡалаларынан 17 предприятие вәкилдәре йөҙҙән ашыу эш урыны тәҡдим иткән.
“Торатау”.


Эшҡыуарҙарға – ярҙам
Учалы районы хакимиәтендә, бәләкәй һәм урта эшҡыуарлыҡты үҫтереү программаһына ярашлы, халыҡтан документтар ҡабул итеү тамамланды. Бизнес-пландар араһында малсылыҡ менән шөғөлләнеү, халыҡ кәсептәре, икмәк бешереү, торба магистралдәрен һалыу буйынса төҙөлөш эштәрен башҡарыу, кадрҙар агентлығы булдырыу, түбә ябыу кеүек эштәргә өҫтөнлөк бирелгән. Барлығы туҡһан проект теркәлгән.
Һәр проектҡа шәхси коэффициент ҡуйыласаҡ, бөтәһенән дә күберәк мәрәй йыйған документ субсидияға дәғүә итәсәк. Иң ҙур субсидия күләме — 300 мең һум. Быйыл район һәм ҡала эшҡыуарҙарына федераль, республика һәм район бюджетынан бүленәсәк аҡса 7 миллион 861 мең һум тәшкил итә.
“Яйыҡ”.


Маралдарҙың һаны ҡырҡа кәмегән
Башҡорт дәүләт тәбиғәт ҡурсаулығында эре себер боландарының иҫәбен алғандар. Бының өсөн ғилми хеҙмәткәрҙәр ун көн төнгө дежурға сыҡҡан. Махсус биләмәләрҙә ата боландың нисә тапҡыр ҡысҡырғанын һанарға, бер боландың тауышын икенсеһе менән бутамаҫҡа ла кәрәк булған хеҙмәткәрҙәргә.
1986 йылда ҡурсаулыҡ биләмәһендә маралдарҙың һаны 400-ҙән ашһа, бөгөн егерменән ашыу ғына. Уларҙың ҡырҡа кәмеүендә бүреләрҙең үрсеүе, браконьерҙарҙың мутлығы ла ҙур йоғонто яһай. Маралдарҙың теүәл һанын ҡурсаулыҡ хеҙмәткәрҙәре ҡышҡыһын аныҡлаясаҡ. Уға тиклем эре себер боландары бер аҙ булһа ла артыр тип өмөтләнәләр.
“Тәбиғәт”.


Йәйәүлеләргә уңайлы үткел асылған
Стәрлетамаҡ ҡалаһында Вокзал һәм Хоҙайбирҙин урамдары киҫешкән урында юл өҫтөнән йәйәүлеләр үткеле асылған. Төҙөлөш эштәре былтыр башланған. Юлдың әлеге ҡатмарлы өлөшө ошоғаса гел хәүеф тыуҙырған.
Йәйәүлеләр галереяһы зәңгәр төҫтәге монолитлы поликарбонат менән ҡапланған. Ҡараңғыла һәйбәт яҡтыртыла. Мөмкинлектәре сикләнгән, оло кешеләр өсөн дә уңайлы. Лифт та йөрөй.
“Ашҡаҙар”.


Ялған аҡса эшләп байып булмай
Белорет ҡала суды ялған аҡса эшләп һатыу менән шөғөлләнгән 24 йәшлек Максим Машковҡа хөкөм ҡарары сығарҙы.
Белорет ҡалаһында йәшәгән Машков енәйәтсел төркөм төҙөп, ҡалала, Белорет һәм Бөрйән райондарында 100, 500, 1000 һумлыҡ ялған банк билеттары эшләгән. Был аҡсаны улар ысын купюраларҙың күсермәһен алып, төҫлө принтерҙа баҫҡан. Машков иһә төркөмгә етәкселек иткән.
Ул ғәйебен тулыһынса таныған, үкенеүен белдергән. Ошоно иҫәпкә алып, эш айырым тәртиптә ҡаралған. Суд Машковты ике йыл һынау ваҡыты менән дүрт йылға иркенән мәхрүм итте.
“Урал”.


М. Ғафури паркында 60 йүкә ултыртҡандар
Күмертау ҡалаһында үткән “Йәшел ҡала” экология акцияһында М. Ғафури исемендәге скверҙа 60-тан ашыу йүкә ағасы ултыртылған. Сарала ҡала хакимиәте, республиканың төрлө министрлыҡтары һәм ведомстволары хеҙмәткәрҙәре, 6-сы дөйөм белем биреү мәктәбе уҡыусылары ҡатнашҡан.
Скверҙы йәй төҙөкләндергәндәр, хәҙер ул ҡала халҡының яратҡан ял итеү урынына әйләнгән. Шуға ла скверҙы тағы ла йәмләндереү өсөн йүкәләрҙе тап ошо урынға ултыртырға булғандар. Ошо арала ҡалала тағы 500-ҙән ашыу ағас ултыртыласаҡ.
“Юшатыр”.

Лилиә НУРЕТДИНОВА әҙерләне.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840