Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хеҙмәттән бәхет табып
Йәштән өйләнешеп, сәстәренә сал төшкәнсә ҡулға-ҡул тотоношоп, тормош юлын бергә үткән ғаиләләр һәр кемдә һоҡланыу тойғоһо уята. Сәйетбаба ауылында йәшәгән Нәүфилә менән Мөхәмәт Байбулдиндар ҙа – ихтирамға лайыҡ, өлгөлө ғаилә.

Уларҙың Октябрь урамының осондараҡ әллә ҡайҙан күренеп торған матур йорто ҡапҡа төбөнән үк сәскә-гөлдәргә күмелгән. Уттай ҡыҙыл сальвия, аҡ, көрән төҫтәге астралар һәм башҡа сәскәләр әле лә тирә-яҡҡа йәм биреп ултыра. Йорт эсендә лә таҙалыҡ, бөхтәлек, урындыҡтарҙағы һуғылған балаҫтар, сигелгән таҫтамалдар, бәйләнгән әйберҙәр, бүлмә гөлдәре – барыһы ла өйгә йәм өҫтәй.

Гәүһәр туйҙарын ҡаршылаған ғаилә башлығы Мөхәмәт ағайҙан “Нисек таныштығыҙ? тип һорағас: “Кәләшемде минән дә алда инәйем күргән һәм бер күреүҙән оҡшатҡан. Кем ҡыҙы икәнен дә һорашҡас, баҫалҡы, һомғол буйлы, сибәр ҡыҙ мотлаҡ минең киленем булырға тейеш, тип уйлап ҡуйған”, — тип йылмайып яуап бирҙе. Күп тә үтмәй, Нәүфиләне һоратып яусы килә. Бер-береһе менән танышып, дуҫлашып та йөрөмәгән йәштәр шулай итеп ҡауыша.

Нәүфилә алты ир бала үҫкән Нәғимә менән Закир Байбулдиндар ғаиләһенә килен булып төшә. Килен ҡәйнә тупрағынан ярала, тиҙәр бит. Нәғимә апай ауылда талапсанлығы, үткерлеге, уңғанлығы менән билдәле ҡатын була. Үҙенә оҡшап бөтмөр, егәрле Нәүфиләне ҡыҙы кеүек күреп ярата ул, бер ауыҙ һүҙгә килешмәй бер нисә йыл бергә йәшәйҙәр.

Бар һуғыш йылы балалары кеүек, ғаиләлә өлкән ул Мөхәмәт ағай ҙа йәшләй генә эшләй башлай – “Йондоҙ” колхозының һарыҡ фермаһында көтөү көтә. Хәрби хеҙмәткә алынып, өс йыл Германияла хеҙмәт итә. “Армиянан ҡайтып ике көн генә өйҙә торҙом да фермаға эшкә сыҡтым. Оҙаҡ йылдар ошонда эшләнем. Һуңынан бригадир миңә ағастан арба, сана эшләргә (был оҫталарҙы “шорник” тип тә йөрөткәндәр) тәҡдим итте”, – тип хәтерләй ул.

Балта эшенә оҫта Мөхәмәт ағай был кәсепкә лә ең һыҙғанып тотона һәм хаҡлы ялға сыҡҡансы колхозға ғына түгел, ауыл кешеләренә лә арба-сана, тәгәрмәстәр эшләй. Үҙ ғүмере эсендә өс йорт һала ул. Тәүгеһен атай нигеҙендә төҙөй. Һуңынан үҙҙәренә өй һалып, айырым йәшәргә сығалар. 1980 йылда тағы ла яңы йорт төҙөп, өй туйлайҙар.

Нәүфилә апай ҙа ғүмере буйы колхозда тир түгә. “Мин башҡар­маған бер эш тә ҡалмағандыр ул. Фермала һыйыр, бейә һауҙым, ҡымыҙ бештем, Теләпәйҙә бесән саптым, оҙаҡ йылдар сөгөлдөрҙә эшләнем. Шулай, Ҡолҡандағы һарыҡ фермаһында һарыҡ йөнө ҡырҡырға ҡуштылар. Башҡалар өстө өлгөр­гәндә, күршем Мәрйәм менән мин унар һарыҡ ҡырҡабыҙ. Эштән бәхет булды инде”, – ти Нәүфилә апай.

Һәр эштә лә алдынғы апайҙың һүрәте Почет таҡтаһынан төшмәй. Ауыл Советына депутат итеп тә һайлана. Нәүфилә апай менән Мөхәмәт ағайҙың фиҙакәр хеҙмәте бик күп Маҡтау грамоталары, “Хеҙмәт ветераны” миҙалы менән баһаланған. Алты бала әсәһе Нәүфилә Заһит ҡыҙы “Әсәлек даны” миҙалы менән дә бүләкләнгән.

Байбулдиндар ғаиләһе өс ул һәм өс ҡыҙ тәрбиәләп үҫтергән. Ырыҫлы, бәрәкәтле йортта тәрбиәләнгән балалар, ата-әсәһенең ярҙамы менән, тормошта үҙ урынын таба алған. Өлкән улдары Әхәт ғаиләһе менән Татарстанда төпләнгән, ҡыҙҙары Рәүиә – Нефтекама ҡалаһында, Әхиәр – ауылда, Рәмилә менән Рәзимә – Салауатта, Рәзим Красноусолда донъя көтә. Һәр береһен уҡытып, башлы-күҙле итеп, әлеге көндә 11 ейән-ейәнсәрҙең, ике бүләнең уңыштарына ҡыуанып йәшәй Нәүфилә һәм Мөхәмәт Байбулдиндар. “Ғүмер буйы күпләп мал-тыуар, ҡош-ҡорт аҫраныҡ.

Заманында бал ҡорттарын 50 баш тоттоҡ. Йыл һайын һуғымға һыйыр малы ғына түгел, ат та һуя торғайныҡ. Олоғайҙыҡ инде. Һыйыр малын, атты бөтөрҙөк, әле 20-ләп баш һарыҡ-кәзә, тауыҡ аҫрайбыҙ, бал ҡорттарыбыҙ ҙа бар, баҡса тултырып бәрәңге, ҡабаҡ, шәкәр сөгөл­дөрө, башҡа йәшелсә ултыртабыҙ, Аллаға шөкөр, быйыл улар барыһы ла ишелеп уңды”, – ти Байбулдиндар.

Нәүфилә апай әле лә кәзә һауып ҡымыҙ эшләй. Мөхәмәт ағайҙың ихатаһында ҡасандыр хужалыҡ эштәрендә күп ярҙам иткән “ГАЗ-53” йөк машинаһы, быйыл һатып алған мотоблогы бар. Ул шуның менән бесәнен дә саба, урманға ла йөрөй.

80 йәште уҙһалар ҙа, һаман да гөрләтеп донъя көтөп, бар донъя яңылыҡтары менән ҡыҙыҡһынып, гәзит-журналды ҡалдырмай уҡып, бер-береһенә терәк-таяныс булып ғүмер итә Байбулдиндар. “Иң мөһиме – балалар шатлығын күреп, именлектә, һаулыҡта йәшәргә яҙһын”, – ти улар.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 508

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 211

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 494

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 588

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 397

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 593

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 293

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 643

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 533

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 473

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 562

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 426