Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Шөкөр, иң бай кеше – мин…”
Һыуыҡҡул халҡының күңел йылыһын тойоп.

– Өс ул үҫтерҙек, өсөһөн дә өйләндерҙек. Һигеҙ ейән-ейәнсәрем, ете бүләрем бар – иң бай кешемен, шөкөр, – ти Рима апай, йылмайып. – Тормошомдан ғүмер буйы ҡәнәғәт булып йәшәнем… Донъялар болғанып киткәс, Үзбәкстандан бында ҡайтҡанға ла егерме ете йыл булды. Шундай ауыр саҡтарҙа ҡабул иткәнгә, бар Һыуыҡҡул ауылы халҡына рәхмәтлемен. Беҙҙе ситкә типмәнеләр, үҙ иттеләр. Аллаға шөкөр, бөтәһе лә беҙҙе яҡын күрҙе…


Һәр кемдең яҙмышы маңлайына яҙылған, тиҙәр. Күрәсәген күрмәйенсә, әҙәм балаһы гүргә инмәй. Хоҙай ҡушҡаны шулмы, тәбиғәт ҡанунымы – балалыҡтан һуң дәртле йәшлек килә, ир ҡоро, китапса әйткәндә, “Бальзак йәше” һәм ҡартлыҡ. Уныһының нисек булыры кешенең үҙенә генә бәйле. Ғүмер буйы Аллаһ бәндәһе ошо ҡартлыҡҡа нигеҙ һала: тырышҡанға күрә уныһы ныҡлы булһа – бәхетле ҡартлыҡ килә, көсөң барҙа ошо нигеҙҙе ҡора алманың икән – башҡаһын көт…

Рима Минислам ҡыҙы тыумышы менән ошо Һыуыҡҡул ауылыныҡы. Ун дүрт йәштән һуң бәлиғ булғансы Өфөлә уҡый, һуңынан ауылына ҡайтып, мәктәптә эшләй. Яҙмышы шулдыр, йылдан ашыу ваҡыт үтеүгә, Урта Азияға киткән апаһы ҡайтып, үҙе менән алып китә. 1958 йылда Ислам исемле егеткә кейәүгә сыға. Ире лә, үҙе лә бик тырышып донъя көтәләр, өс ул үҫтерәләр. Ҡыҙғанысҡа ҡаршы, 90-сы йылдар башында Үзбәкстанда боларыш китә. СССР тарҡала. Нәҡ ошо ваҡытта бик күптәр Рәсәй тарафына юллана. Чурбановтар ғаиләһе лә Башҡортостанға ҡайтып төпләнә, 2000 йылда ҙур, матур йорт һалып сығалар.

Әлбиттә, кеше яҙмышы тураһында “дежур” һүҙҙәр менән генә яҙып булмай. Һәр кемдең яҙмышы оло китапҡа һыймаҫлыҡ. Рима апай менән Ислам ағайҙыҡын бәйән итһәң дә, томдар етмәҫ ине. Олоғая барған саҡта йәшлегеңдә нигеҙ ҡорған йорт-ҡаралтыңды ташлап китеү, ай-һай, бик ауыр бит. Ғүмер буйы эшләгән урыныңды, дуҫтарыңды ҡалдырыу ҙа еңелдән түгел. Ярай әле Рима апайҙың яҡташтары киң күңелле. Шуға ла ул “Шундай ауыр саҡтарҙа ҡабул иткән барлыҡ Һыуыҡҡул ауылы халҡына рәхмәтлемен” тигән һүҙҙәрҙе доғалай ҡабатлай.

Доға тигәндән, ауылда мәсет асыуҙы хәстәрләгәндәрҙең береһе лә Рима Минислам ҡыҙы икән.

– Иман йортон Мирғәлим Нагаев төҙөттө. Һалғас, ауылда имам-хатип табыу мәсьәләһе тыуҙы. Марс ағайға тәҡдим иткәс, ул Өфөлә уҡып ҡайтты. Биш йыл тырышып эшләне, рәхмәт. Ләкин ауырыны. Тағы биш йыл ваҡыт үтте – мулла тапманыҡ. Шунан Әмир Нагаевты һайлап ҡуйҙыҡ. Ул ғүмер буйы бригадир булған, кешегә ҡарата итәғәтле, үҙен хөрмәт итәләр. Хәҙер мәсетебеҙ эшләй, байрамдар үтә, Аллаға шөкөр…

Ауылдаштарының уңыштарына ҡыуанып, уңышһыҙлыҡтарына көйөнөп йәшәй Рима Минислам ҡыҙы. Улай ғына ла түгел, кисерештәрен шиғыр юлдарына һала. Күптән түгел ауыл хакимиәте ярҙамы менән “Ғүмер ағышы – йөрәк һағышы” тигән йыйынтыҡ та сығарған. Шиғырҙың бит ул рифмаларға тура килеп, бар әҙәби талаптарға ла яуап биргәненән дә бигерәк, йөрәк түренән сыҡҡаны ҡәҙерлерәк.

– Күңелем ни кисергән, иҫемә ни төшкән – шуны яҙҙым. Аҙаҡ ошоларҙан бер китап килеп сыҡты. Бында Һыуыҡҡулдың бар урманы, ҡырҙары, һыуҙары һыйған, – тип китап битен аса Рима апай.

Ысын мәғәнәһендә күңелен һалған ул был йыйынтыҡҡа. Күпселек уйҙары әсәһе, балалары тураһында.
– Әнейем, керсе төштәремә,
Туйғансы һөйләшәйек бер.
Күгәрсендәр кеүек икәү
Туйғансы гөрләшәйек бер.

Әнейем, һинең хаттарыңды
Ярты быуат буйы һаҡлайым.
Ултырып уҡып илайым да
Тормош юлынан тағы атлайым…

Ғаилә йыш ҡына бергә йыйыла. Ҡыҙ­ғанысҡа ҡаршы, Ислам ағай фани донъянан баҡыйлыҡҡа күскән. Шулай булыуға ҡара­маҫтан, ул һәр саҡ өйҙә һымаҡ. Ана бит, һарай эргәһенә уныңса утын ярып өйөлгән, иҫән сағындағыса аҙбар тулы мал, ҡош-ҡорт. Бының сере ябай: балалары, ейән-ейәнсәрҙәре, бүләләре дауам итә уның эшен. Чурбановтарҙың өлкән улы Илмир менән килене Розаның өс балаһы бар, Рәмил менән Роза – ике, Рәмис менән Флүрә өс бала үҫтерә. Барыһына шөкөр итеп, матур итеп донъя көтә ғаилә.

Ошоларҙан Хоҙай айырмаһын, тип көн дә намаҙлығын йәйә Рима Минислам ҡыҙы. Балаларының иҫәнлеген, йорт, ил именлеген теләп доға ҡыла.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 508

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 211

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 494

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 588

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 397

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 593

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 293

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 643

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 533

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 473

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 561

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 426