Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ә хәҙер трактор кәрәк...
Ә хәҙер трактор кәрәк......Бәлә һорап йөрөмәй, ти халыҡ. Бер мәл Яңы Федоровка ауылында янғын сыға. Утты һүндереү бик ауырға төшә, сөнки һыу алыу өсөн ҡышын йылға туң. Шуға беренсе тапҡыр “Урындағы башланғыстарға булышлыҡ итеү” программаһында ҡатнашҡанда уҡ Ашҡаҙар ауылы советы халҡы һыу һаҡлау өсөн һауыт урынлаштырырға ҡарар итә.

– Төрлө проекттар уйланылды, шулай ҙа һыйымға туҡталдыҡ һәм уны былтыр ҡыш урынлаштырып та ҡуйҙыҡ, – тип барлай башҡарылған эштәрҙе биләмә башлығы Рита Йосопова.
Әлбиттә, бындай программала тәүге тапҡыр ҡатнашҡанда бер аҙ шикләнеү ҙә булған, сөнки программаның төп шарты – сығымдарҙың ниндәйҙер өлөшөн башта урындағы халыҡ индерә, күпмелер аҡсаны булдыҡлылар өҫтәй, ҡалғаны иһә – дәүләт ярҙамы. Әммә ҡурҡыу урынһыҙ булып сыға. Үҙәк ролен үтәгән Яңы Федоровкала йәшәүселәр ҙә, биләмәгә ҡараған башҡа ауылдарҙың халҡы ла дәррәү эш башлай. Бигерәк тә инициатива төркөмө етәксеһе Рәсимә Ғиззәтуллина халыҡты әүҙем­ләштереп, ҙур роль үтәй, шул уҡ ваҡытта ошо ерлектең таянысы булған фермер-эшҡыуарҙар ҙа маҡтауға лайыҡ.
– Миңнулла Буранғолов, Александр Тихонов, Ҡасим Ишембаевтар гелән ярҙам итә, – тип телгә алды Рита Тәлғәт ҡыҙы йүнселдәрҙе.
Ғөмүмән, тиҙ арала ҙур трактор килеп, соҡор ҡаҙып та ҡуя, 60 кубометрлыҡ мискәне ер аҫтына урынлаштыралар. Һауытҡа һыуҙы йыраҡтан ташыйһы түгел – ҡоҙоҡ шунда уҡ ҡаҙылған. Тимәк, һыу бөтмәйәсәк.
345 мең һумлыҡ проектты ғәмәлгә ашырғандан һуң, биләмә етәксеһе халыҡ менән берлектә ең һыҙғанып икенсеһенә тотона.
– Был юлы мәктәптең тәҙрәләрен алмаштырырға булдыҡ һәм тиҙ арала документтарҙы тапшырып, ыңғай баһа алдыҡ, – тип һөйләй Рита Йосопова программаның мөмкинлектәре тураһында.
Белем усағына пластик тәҙрәләр ҡуйыу иһә 1 миллион 170 мең һумға төшкән. Эштәр шулай уҡ тиҙ арала башҡарылған, уҡытыусылар һәм ата-әсәләр берҙәм булып, балалар яҙғы каникулдан сығыуға, төҙөүселәр ҡалдырған сүп-сарҙы йыйыштырып та ҡуйған.
Өсөнсө тапҡыр ҡатнашып, ауыл биләмәһе мәктәпкәсә төркөм бинаһын ремонтлай, йәғни ҡыйыҡ яңыртыла. Проект 630 мең һумға барып баҫҡан. Эш ошо көндәрҙә тамамланған да инде. Иҫке шифер һүтеп алынып, йәшел төҫлө ҡалайҙан ҡыйыҡ ябылған. Ҡыйыҡ менән бергә бинаның алды ла матурлап буялған, ә ихатала иһә сәскәләр күҙҙең яуын алып тора. Ике тиҫтәнән ашыу малай һәм ҡыҙ каникулдан һуң баҡсаларын танымай ҙа торор әле.
Шулай итеп, бер түгел, өс ҙур мәшәҡәт атҡарып сыҡҡандар бында “Урындағы башланғыстарға булышлыҡ итеү” программаһы нигеҙендә, әммә киләсәктә лә туҡтап ҡалырға йыйынмайҙар: “Төрлө эштәрҙе башҡарыу өсөн трактор кәрәк”, – тиҙәр бер тауыштан яңы федоровкалар. Ғөмүмән, халыҡ та, етәкселек тә ауыл­дарҙы төҙөкләндереү буйынса мөмкин­лектәрҙе тулыһынса файҙаланырға тырыша. Мәҫәлән, экологик программа­ларға таянып, Мәҡсүт ауылы халҡының баҡсаларын яҙ ташҡын йыумаһын өсөн Ашҡаҙар йылғаһы тәрәнәйтелгән, “Реаль эштәр” проекты ярҙамында “Хәсрәтле әсә” һәйкәленә 870 мең һумлыҡ ремонт яһал­ған. Атап әйткәндә, һәйкәл реконструк­цияланған, ҡоймалар ҡуйылған, эскәмйә урынлаштырылған, юл түшәлгән. Әлеге проект ярҙамында ауылда спорт майҙансығы төҙөлгән.
Шуныһы иғтибарға лайыҡ: урындағы халыҡ милләт-ара, ауыл-ара дуҫ булып йәшәй, эше лә, ашы ла бергә, тигәндәй. Мәҫәлән, быйыл Мәҡсүт ауылында гөрләтеп “Һаумыһығыҙ, ауылдаштар!” байрамы үткәргәндәр. Унда ауылдаштар ғына түгел, хатта ырыуҙаштар ҙа килгән. Туғандарын табып, туғанлашып ҙур табын ҡорғандар.
– Өмә булһынмы, байрам ойошто­рол­һонмо – халыҡ беҙҙә әүҙем, дини йола­ларҙы хөрмәт итеп йәшәйҙәр, – ти Мәҡсүт ауылының дин әһеле Урал Әлимбаев. Ғөмүмән, тормош ҡайнай бында.


Стәрлетамаҡ районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 387

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 072

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 315

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 362

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 197

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 424

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 176

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 481

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 420

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 363

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 409

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 307