Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бәхет урамы бәхетлеләре
Бәхет урамы бәхетлеләреМәкәш тип йөрөтәләр минең ауылымды. Тәбиғәттең иң гүзәл, күркәм төбәгендә урынлашҡан ул. Емеш-еләкле урмандары ла, иркен ялан-ҡырҙары ла, йәйге селләлә теште сатнатырлыҡ һалҡын, татлы һыулы шишмәһе лә, бейек тауы ла бар. Бына ошо Мәкәштау итәгендә, ауылыбыҙға йәм биреп, Бәхет урамы ҡалҡҡан. Бейек-бейек матур йорттар, иркен йәмле ихаталар, йәшеллек эсендә ултыра ул. Исеме лә ниндәй матур, өмөтлө, нурлы!


Бынан сирек быуат элек Мәкәштау итәгендә кирбестән йорт һалып керә Шакировтар ғаиләһе. Әнүәр ағай урын­дағы хужалыҡта – Жданов исемендәге колхозда – автомеханик, ҡатыны Фәрзә­нә апай Мәкәш мәктәбендә сит телдәр уҡытыусыһы булды. Матур, өлгөлө, татыу ғаиләләрҙең береһе улар, ауылыбыҙ йәме. Быйыл бергә татыу ғүмер кисереүҙәренә ярты быуат. Өс балаға ғүмер бүләк итеп, бөгөн бер-береһенә терәк-таяныс, өмөт-ышаныс, икеһе бер бөтөн ҡәҙерле олатай-өләсәй булып, балаларын ҡаршылап-оҙатып, тормош­тоң ҡәҙерен белеп, һәр атҡан таңға ҡыуанып йәшәйҙәр. Йөҙҙәрендә бәхет нурҙары балҡый. Күңел йылыһын башҡаларға ла өләшеп ғүмер итә улар. Һәр кем менән итәғәтле, әҙәпле үҙҙәре. Матур итеп, тел ҡәҙерен белеп һөйләшәләр, хәлде һорашып торалар. Бөтә яҡлап та өлгө улар ауыл халҡына.
Әнүәр Абдулла улы ғаиләлә бишенсе бала булып донъяға килә. Өлкән ағаһы Мәхмүт һуғыш яланында ятып ҡала. Дүрт егет менән ике ҡыҙ үҫкән ғаиләнән бөгөн ул ғына иҫән. Киләһе йыл үҙенең һикһән йәшен билдәләргә йыйына Әнүәр Абдулла улы.
Әрме хеҙмәтен Сахалин, Камчатка, Курил утрауҙарында үтәй. Иптәштәре менән һөйләшеп, кәңәшләшеп, Камчаткала эштә ҡалалар. Ялға ҡайтҡас, ауылда төпләнергә, ситкә китмәҫкә ҡарар итә. Һөҙөмтәлә урындағы хужалыҡҡа эшкә урынлаша. Хаҡлы ялға сыҡҡансы колхозда автомеханик була. Юғары награда, исемдәр артынан ҡыумай ул. Йөкмәтелгән бурысты намыҫлы үтәй. Яҙғы баҫыу, урып йыйыу эштәре һөҙөмтәләре буйынса почет грамоталары, ҡиммәтле бүләктәр ала. Өлгөлө хеҙмәте өсөн идара тарафынан Польшаға, Германияға юлламалар менән бүләкләнә. Өлкән инженер хеҙмәтен дә үтәй. Илле йылдан ашыу эш стажы менән сыға хаҡлы ялға. Барыһынан да ҡәнәғәт Әнүәр ағай.
Янында хәләл ефете Фәрзәнә апай­ҙың булыуы ла – оло бәхет. Заманында Мәкәш мәктәбенә физкультура уҡытыу­сыһы итеп ебәрелгән Фәрзәнә Фәрит ҡыҙына сит телдәрҙе уҡытыу ҙа йөкмә­телә. Килен булып төшкән ерен, тыуған яғылай яҡын күреп, яратып ҡабул итә ул. Ун йыл – ҡайныһы Абдулла бабай, ике тиҫтә йылдан ашыу ҡәйнәһе Ғәфифә әбей менән йәшәп, уларҙы хөрмәтләп һуңғы юлға оҙата Шакировтар. Мәкәштау итә­гендә яңы өй һалып, беренселәрҙән булып йорт туйлайҙар. Балаларын кеше итергә тырышып, тейешле белем, тәрбиә биреп үҫтерә Шакировтар. Оло улдары Радик ғаиләһе менән Себер тарафтарында йәшәй. Уның да ике улы бар – Илмир һәм Илнар. Килендәре Алһыу – уҡытыусы, химия, биология фәндәренән белем бирә. Ҡыҙҙары Рә­лиә – юғары белемле иҡтисадсы. Ире Илдус менән Булат исемле улдар, Азалия исемле ҡыҙ үҫтерәләр. Кинйәләре Айҙар Баш­ҡортостан дәүләт аграр университе­тының төҙөлөш факультетын тамамлап, баш ҡалала инженер вазифаһын башҡара. Ҡатыны Эльвира менән Алмас исемле ул үҫтерәләр.
Бөгөн Шакировтар балаларына бир­гән тәрбиәһенең, түккән көстәренең емеш­тәрен тиреп, уларҙың ярҙамына, хөрмәтенә ҡойоноп йәшәй. Ул-ҡыҙҙа­рының яратҡан эше, ғаиләләре булыуы, ейән-ейәнсәрҙәр менән һөйөндөрөүе оло бәхет ата-әсәгә. Илебеҙгә тыныслыҡ, һәр кемгә ырыҫ-бәрәкәт, балалар шатлығы теләй улар.

Гөлшат САМАТОВА.
Дәүләкән районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840