Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тормошта ла, ижадта ла ҡулға-ҡул тотоношоп
Тормошта ла, ижадта ла ҡулға-ҡул тотоношопСалауат дәүләт башҡорт драма театрында эшләгән актерҙар араһында ғаилә парҙары күп. Әле сәхнәне дер һелкетеп тотҡан йәш, талантлы Рәмзиә менән Рафаэль Ғәйнуллиндар ҙа бергә ижад итеп, татыу ғүмер кисерә.

...Бына йорттан бер-бер артлы балалар йүгереп килеп сыҡты: Тимерхан, Хәҙисә, Хазина. Ҡайһылай матур, тәрән мәғәнәле башҡорт исемдәре! Тимерхан IV класты тамамлаған, Хәҙисә быйыл мәктәпкә бара, ә Хазинаға ике йәш тә юҡ әле. Балалар йорт алдындағы майҙансыҡта шау-гөр килеп уйнай башланы, ә беҙ ата-әсәһе менән әңгәмәләшеүгә күстек. 
Күгәрсен районы егете Рафаэль мәктәптә уҡыған йылдарында уҡ шиғыр яҙыуға, йыр-бейеүгә әүәҫ була. Бер генә мәҙәни сара ла уның ҡатнашлығынан тыш үтмәй. IX – XI кластарҙа Рәми Ғарипов исемендәге 1-се башҡорт республика гимназия-интернатында уҡый. Артист булыу хаҡында бер ваҡытта ла уйламаған егеттең яҙмышын осраҡлы ваҡиға хәл итә. 
– Уҡыусыларҙан бер төркөм Наил Ғәйетбаевтың “Төн” драмаһын ҡуйырға әҙерләнә ине, – тип хәтергә ала сәхнә оҫтаһы. – Кабинет асҡысы кәрәк булғас, репетиция барған залға шым ғына индем дә үтеп барам. Шунда ҡапыл мине туҡтатып: “Кил әле, кил, һиңә хәҙер бер роль бирәбеҙ”, – тинеләр. Аптырап ҡалдым. Кире образ ине был, шулай ҙа уны бирелеп китеп уйнаным. Спектакль тамамланғас, залда ултырған абруйлы апай-ағайҙар, шул иҫәптән Наил ағай Ғәйетбаев саҡырып алып: “Ҡустым, һинең урының театрҙа. Яҙмышыңды сәнғәт менән бәйлә”, – тине. Шулай килеп сыҡты ла.
Өфө дәүләт сәнғәт академияһынан һуң маҡсатлы йүнәлтмә буйынса Салауатҡа эшкә ебәрелә Рафаэль Ғәйнуллин. Быйыл 12-се ижад миҙгелен тамамлаған. Күптән тамашасы һөйөүен яулаған, ике тапҡыр “Йыл актеры” исеменә лайыҡ булған ир-уҙаман төрлө фестиваль-конкурстарҙа даими ҡатнашып, призлы урындар ала, йырҙар яҙа, балалар өсөн әкиәттәр ҡуя. Ул “Шулай булды шул” спектаклендәге Алмас, “Ай тотолған төндә” трагедияһындағы Аҡйегет, “Зәйтүнгөл”дәге Булат, “Глумов”тағы Глумов һәм башҡа бик күп ролдәре аша ҙур танылыу яуланы. 
Рәмзиә иһә – Йылайыр районы ҡыҙы. Өс ағаһы араһында иркәләнеп үҫһә лә, ата-әсәһе уны тырыш, эшһөйәр итеп тәрбиәләй. Ҡыҙ бәләкәйҙән йыр-бейеүгә маһир була, клуб хеҙмәткәрҙәре менән бергә концерттарға йөрөй. Һөнәр һайлар ваҡыт еткәс, ата-әсәһе уға: “Артист тормошон һайлама тип әйтмәйбеҙ. Үҙең ҡара. Шулай ҙа бел: тормошта ауырға тура киләсәк”, – тип киҫәтә. 
Бер мәл ҡыҙ район гәзитендә күрше ауылға Стәрлетамаҡ мәҙәни-мәғрифәт техникумынан имтихан алырға килеүҙәре тураһында иғлан күреп ҡала. Ата-әсәһенең туйға китеүенән файҙаланып, шунда бара һәм һынау тапшырып ҡайта.
– Өйҙәгеләргә бер ни ҙә өндәшмәнем. Уҡырға инә алһам, әйтермен, кире осраҡта – юҡ, тип үҙемде тынысландырҙым. Оҙаҡ та үтмәй, уҡырға саҡырабыҙ, тигән хат килде. Яҡындарым ҡаршы төшмәне, әммә тәүҙә әйткәндәрен тағы бер ҡат иҫемә төшөрҙөләр. Сәнғәткә юлым шулай башланды, – ти Рәмзиә Тимерғәли ҡыҙы. 
Техникумда бер йыл уҡығас, белем усағы педагогтары Рәмзиәгә Өфөгә барырға кәңәш итә. Ҡыҙ шулай эшләй ҙә. Бөтә имтихандарҙы уңышлы тапшырһа ла, буйы бәләкәй булыу сәбәпле, кире яуап ала. Шуға ҡарамаҫтан, киләһе йыл тағы баш ҡалаға юлланып, мораҙына өлгәшә. 
Уҡып йөрөгән йылдарында Рафаэль менән таныша. Диплом алғас, Милли йәштәр театрына урынлаша Рәмзиә. Ә Салауатта эшләп йөрөгән һөйгәне уны үҙ янына килергә өгөтләй. Күнә ҡыҙ. Бында күсеп, уңышлы эшләп алып китә. Ниндәй генә роль бирелмәһен, яратып, күңелен һалып башҡара. “Ете ҡыҙ”ҙа Нәғимә, “Ул ҡайтты”ла Рәүиә, “Ҡырмыҫҡа иләүе”ндә Рима... Ғәжәйеп таланты, ихласлығы менән арбай ул тамашасы күңелен. Рәмзиә Тимерғәли ҡыҙы ла ике тапҡыр “Йыл актеры” исеменә лайыҡ булған.
“Икегеҙ ҙә – сәнғәт кешеһе. Был ауырлыҡ тыуҙырмаймы?” – тип һораным Ғәйнуллин­дарҙан. “Юҡ, – тип яуапланы бер тауыштан бәхетле пар. – Беҙ тормошта ла, ижадта ла бергә. Икебеҙ ике өлкәлә булһаҡ, бер-беребеҙҙе нисек аңлар инек, тип ҡуябыҙ ҡайһы саҡ”. 
Алда әйтеүебеҙсә, татыу ғаиләлә өс бала үҫә. Ата-әсә уларҙы аҡыллы, тәүфиҡлы, кешелекле, рухлы итеп тәрбиәләүгә барлыҡ көсөн һала. “Һөнәрҙе иһә ул-ҡыҙҙарыбыҙ күңел ҡушыуы буйынса үҙҙәре һайлар. Яратмаған эштә ыҙаланырға ярамай”, – ти Ғәйнуллиндар. Тынғыһыҙ артист тормошонда ҡайнап йәшәгән, өс балаға ғүмер биреп, уларҙы һөйөү мөхитендә үҫтергән мөхәббәтле ғаиләнең яҡтыһы әллә күпме күңелде балҡытырлыҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 3 993

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 357

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 899

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 795

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 160

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 378

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 926

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 497

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 886

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 905

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 064

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 831