Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Салауат СӘҒИТОВ: “Иң мөһиме – балалар бәхете!”
Хөкүмәт йортонда күп балалы әсәләрҙе ҡотланылар

Салауат СӘҒИТОВ:  “Иң мөһиме – балалар бәхете!”Республикала ғаилә ҡиммәттәрен үҫтереү, атай-әсәйҙәр абруйын күтәреү маҡсатында ҙур эштәр атҡарыла. Хөкүмәтебеҙҙең биш һәм унан да күберәк бала тәрбиәләгән гүзәл заттарға “Әсәлек даны” миҙалын тапшырыуы ла ошо хаҡта һөйләй.


Ғаилә, мөхәббәт һәм тоғролоҡ көнө алдынан йәнә 45 ҡатын-ҡыҙ “Әсәлек даны” миҙалын алды. Улар араһында төрлө һөнәр эйәләре бар, күпселеге үҙҙәрен мөһим эшкә – балалар тәрбиәләүгә бағышлаған.
Награда тапшырыу тантанаһында Хөкүмәт Премьер-министры урынбаҫары Салауат Сәғитов республика Башлығы Рөстәм Хәмитовтың ҡотлау һүҙҙәрен еткерҙе. Шулай уҡ сығышында ғаиләләргә ярҙам итеү Хөкүмәт эшенең өҫтөнлөклө йүнәлештәренең береһе булыуы, ил Президенты иғлан иткән “Балалыҡ ун йыллығы” программаһы нигеҙендә һаулыҡ һаҡлау учреждениеларына ҙур иғтибар бүленеүе, был өлкәлә Республика клиник һәм Өфө ҡалаһының 17-се балалар клиник дауаханаларының заманса ҡорамал менән йыһазландырыласағы, Рәсәй Президенты Указына ярашлы, ике йыл дауамында һәр муниципалитетта ясле төркөмдәре ойоштороласағы хаҡында мәғлүмәттәр менән уртаҡлашты.
– Республика Башлығы бойороғо менән Хеҙмәт һәм халыҡты социаль яҡлау министрлығы Ғаилә, хеҙмәт һәм халыҡты социаль яҡлау министрлығы итеп үҙгәртелде. Әле һәр муниципалитетта Ғаилә идаралыҡтары ойошторола. Был мохтаж ғаиләләргә терәк булыу, юридик ярҙам күрһәтеү маҡсатында эшләнә. Бынан тыш, балалар поликлиникаларына өҫтөнлөк бирелә. Һеҙгә һаулыҡ, йортоғоҙҙа тыныслыҡ, изгелек тантана итеүен теләйбеҙ. Балаларығыҙ ҙур илебеҙҙең һәм яратҡан республикабыҙҙың лайыҡлы граждандары булып үҫһен. Иң мөһиме – балалар бәхете – тине Салауат Тәлғәт улы.
Бүләкләнгәндәр араһында республикабыҙҙың 20 район һәм ҡалаһынан гүзәл заттар килгәйне. Шул иҫәптән Дүртөйлө, Күгәрсен, Өфө райондарынан, Күмертау ҡалаһынан – дүртәр, Бөрйән, Ҡырмыҫҡалы, Ҡыйғы, Учалы райондарынан, Сибай һәм Өфө ҡалаларынан – өсәр, Ҡалтасы районынан, Стәрлетамаҡ ҡалаһынан – икешәр, Дәүләкән, Дыуан, Йәрмәкәй, Мәләүез, Мәсетле, Стәрлетамаҡ, Туймазы, Шишмә райондарынан берәр әсә бүләкләнде.
Күгәрсен районының Багдашкин ауылынан килгән Рәмзиә Кәримова “Мораҙым” халыҡты социаль хеҙмәтләндереү үҙәгендә эшләй. Кәримовтар ғаиләһендә биш бала тәрбиәләнә. Оло ҡыҙҙарына 20 йәш, быйыл юрист дипломын алған. 19 йәшлек улдары индустриаль колледжда белем ала. Ҡалғандарына 13, биш һәм ике йәш.
– Аллаға шөкөр, күмәкбеҙ. Балаларҙы ҡарау ауыр түгел. Хәҙер үҙҙәре ярҙамсы. Хөкүмәтебеҙ ҙә беҙҙе онотмай, – ти Рәмзиә Кәбир ҡыҙы.
Ошо уҡ райондан бүләкләнгән Наилә Искәндәрова – крәҫтиән (фермер) хужалығы етәксеһе. Ул тормош иптәше менән биш малай үҫтерә. Уларҙың да балалары ҡул араһына ингән. Оло улдары, хәрби хеҙмәттән ҡайтып, ата-әсәһенә ярҙамлаша. Икенсе улдары Башҡорт дәүләт университетында белем ала, ҡалған икәүһе – мәктәп йәшендә, кинйәләренә әле бары өс йәш.
– Мал тотабыҙ, шулай уҡ игенселек менән дә шөғөлләнәбеҙ. Илле баш һауын һыйырыбыҙ бар. Аҡты Магнитогорск һөт заводына тапшырабыҙ. Эш тә бара, балалар ҙа үҫә. Биш улыма ғүмер бүләк итеүемә ҡыуанам да, ғорурланам да, – ти Наилә Фәйез ҡыҙы.
Береһенән-береһе матур, йөҙҙәренән наҙ һәм ихласлыҡ, ғорурлыҡ, сабырлыҡ бөркөп торған әсәйҙәргә ҡарап һоҡланып бөтә алманым. Ожмах – әсәйҙәрҙең аяҡ аҫтында, тиҙәр. Һәр әсәгә ошо ожмахты тойоп, бәхетле йәшәргә насип итһен.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840