Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Сит телде лагерҙа өйрәнәләр
Сит телде лагерҙа өйрәнәләрАхун ауылы эргәһендәге “Йәйғор” муниципаль һауыҡтырыу лагерында йыл һайын 7 – 15 йәшлек йөҙәрләгән бала ял итә. Лагерға 1987 йылда нигеҙ һалынған, ул матур тәбиғәт ҡосағында урынлашҡан, тирә-яғын мөһабәт ҡарағайҙар уратып алған, эргәлә генә күл йәйрәп ята.
Көрсөк заманында илебеҙҙә күп кенә лагерҙарҙың хәле мөшкөлләнде, сөнки уларҙы тәьмин итеү өсөн сығымдар кәрәк ине. Шуныһы ҡыуаныслы: әле һауыҡтырыу учреждениеһы Учалы районы хакимиәте һәм Туризм үҙәге ярҙамында финанслана, һәр яҡлап төҙөкләндерелә, балалар өсөн уңайлы шарттар булдырыла. Әлбиттә, был йәһәттән лагерь коллективының да хеҙмәте ҙур. Етәксеһе, ҡалалағы 5-се мәктәптең башланғыс кластар уҡытыусыһы Гүзәл Мәғәсүмова эшенә яуаплы ҡарай.
Лагерь өс сменала эшләй, икеһе – линг­вистик йүнәлештә, береһе – туризм буйынса. Иң мөһиме, инглиз телен балаларға сит ил студенттары өйрәтә. Мәҫәлән, беренсе сменаға вожатыйҙар итеп Һиндостандан стажерҙар Хеппи менән Манджитты саҡырғандар. Бөгөн улар эшҡыуар һәм инженер һөнәрҙәренә уҡып йөрөй. Икенсе заезда иһә балалар менән Ҡытайҙан килгән 20 йәшлек Ваен һәм Дэйзи шөғөлләнә. Улар “Йәйғор”ға Халыҡ-ара студенттарҙы алмашыу селтәре тәжрибәһе буйынса килгән. Тәүҙә Өфөлә белемдәрен арттырыу маҡсатында махсус курс үткәндәр, сөнки балалар менән эшләү ҙур яуаплылыҡ талап итә, ҡыҙ һәм малайҙарҙың ялын хәүефһеҙ уҙғарыу төп бурыс булып тора.
– Рәсәйҙе ысын күңелдән хөрмәт итәбеҙ. Быға тиклем рәсәйҙәрҙең бөтәһе лә оҙон буйлы, көслө кешеләр тип уйлай торғайным. Бында килгәс, тәүҙә аптырап ҡалдым. Араларында төрлөһө бар икән, тәпәше лә, бейеге лә тигәндәй. Тәү сиратта кешеләрҙең ябайлығы, ярҙамсыл булыуҙары ғәжәпләндерҙе. Хәтеремдә, Мәскәүҙә йөрөгәндә аҙаштыҡ, шуға ҡарамаҫтан, кешеләр, инглиз һәм ҡытай телдәрен белмәһәләр ҙә, беҙгә кәрәкле урынға барырға ярҙам итеп ебәрҙе. Төбәгегеҙ хозур, балалар көләс һәм ҡыйыу. Ҡытайҙа, бала һорауға яуап бирә алмаһа, шымып ҡала, ҡыҙыҡһынмай, ә һеҙҙең ҡыҙ һәм малайҙар үҙаллы, яңылышһалар ҙа, эҙләнеүҙән туҡтамай. Улар менән эшләүе беҙгә лә ҡыҙыҡ, күп нәмәгә өйрәтергә тырышабыҙ, үҙебеҙ ҙә уларҙан белмәгәнебеҙҙе өйрәнәбеҙ, – тип тәьҫораттары менән уртаҡлашты Ҡытай вожатыйы Ваен.
Икенсе сменала ял итеү тамамланды. Ошо осорҙа 56 бала һаулығын нығытып, йәйге каникулын файҙалы итеп үткәргән. Инглиз, рус теле дәрестәре, актерлыҡ һәләтенә, хәрби эшкә өйрәнеү, төрлө ижади конкурстар уҙғарыу, экскурсияларға йөрөү, шул иҫәптән Ахун ауылындағы тыуған яҡты өйрәнеү музейында булыу, 1870 йылда төҙөлгән мәсетте күреү, менгирҙарға сәйәхәт, күлдә һыу төшөү, киске дискотекалар балаларҙың күңелендә оҙаҡ һаҡланыр.
Әле лагерҙа 21 көнлөк туристик заезд старт алды. Был юлы балалар туризм нигеҙҙәре менән танышасаҡ, сәйәхәттә үҙеңде нисек тоторға, усаҡта аш беше­рергә, туристик ҡорамалдар менән эш итергә өйрәнәсәктәр.
Күреүебеҙ­сә, “Йәйғор” лагерында ял итергә теләүселәр йылдан-йыл арта бара. Шуны иҫәпкә алып, район хакимиәте етәкселеге киләһе миҙгелгә яңы корпустар төҙөргә ниәтләй, балаларҙың йәйге ялы өсөн уңайлы һәм хәүефһеҙ шарттар булдырыу маҡсаты ҡуйыла.

Әлиә ДАУЫТОВА.

Учалы районы.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 367

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 173

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840