Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хәйерле ғүмер һеҙгә!
Тыуған ауылым Юлдашҡа юл төшһә, Гөлсәсәк һәм Ирбулат Сәйетғәлиндәргә инеп, хәл белешеп сығырға тырышам. Уларҙың ихлас ҡаршы алыуы, һәр саҡ үҙ күреп оҙатып ҡалыуы күңелгә йылылыҡ өҫтәһә, самауыр янында донъя хәлдәрен һөйләшеү, үткәндәрҙе хәтерләү нисектер көс өҫтәгәндәй, ҡайһы бер хәл-ваҡиғаға күҙҙәремде асҡандай була.
Үҙенә “Гөлсәсәк еңгәй” тип өн­дәшһәм дә, хужабикә миңә апайымдай яҡын. Уны мин Юлдашҡа күрше Таҡһыр ауылынан килен булып төшкән көнөнән беләм. Артабан юлдарыбыҙ әленән-әле киҫешеп торҙо. Беҙгә ҡасандыр юл аша ғына йәшәгән Сәйетғәлин­дәр ауылға эшкә килгән уҡытыу­сыларҙы ситкә ебәрмәй, үҙҙәренә кәләш итеп алды. Шулай итеп, Тимербулат, Ирбулат, Алмас ағайҙар­ҙың ҡатындары Мәғдәнә Ғәлиастан ҡыҙы, Гөлсәсәк Мулләхмәт ҡыҙы һәм Флүрә Камил ҡыҙы оҙаҡ йылдар ауылда белем усағын дөрләтеүсе генә түгел, мәҙәниәтте үҫтереүсе, кешеләргә аҡыллы кәңәштәрен биреп, матур йәшәү өлгөһөн күрһәтеүсе лә булып торҙо. Ҡыҙғанысҡа ҡаршы, Мәғдәнә һәм Флүрә апайҙар яҡты донъянан иртәрәк китеп барҙы…
…Бына мин йәнә Гөлсәсәк һәм Ирбулат Сәйетғәлиндәрҙә. Эстә йыйылған хәбәрҙе әйтеп ҡалырға ашығып, әле бер, әле икенсе нәмә хаҡында гәп һатабыҙ. Әңгәмә берсә үткәндәргә төшөп китә, берсә бөгөнгөгә килеп терәлә. Мин хәҙер Гөлсәсәк еңгәйҙең тыуған ауылында ғүмер кисерәм, шуға күрә уға Таҡһыр хәлдәрен еткерәм, ул миңә юлдаштарҙың хәл-әхүәлен аңлата.
– Ә Ирбулат ағай менән нисек танышып киттегеҙ? – тип һорамай түҙә алмайым.
– Бер класта уҡыныҡ, бер партала ултырҙыҡ, – ти Гөлсәсәк еңгәй. – Һигеҙенсене тамамлағас, ағайың балта оҫтаһына уҡый башланы, ә мин Сибай педагогия училищеһына индем. Уҡып йөрөгәнендә үк Ирбулат мәктәп һәм башҡа биналар төҙөүҙә ҡатнашты. Оҫта инде, оҫта. Унан армияға алып киттеләр, өс йылдан ашыу хеҙмәт итеп ҡайтты. Мин ул саҡта Яңауылда уҡытып йөрөй инем инде.
Өйләнешеүҙәре лә бик ҡыҙыҡ килеп сыға уларҙың. Яңауылдан Таҡһырға йәйәү ҡайтып йөрөй йәш уҡытыусы. Бер юлда Ирбулат ағай тап була. Ағайҙар менән тирмәндән ҡайтып киләләр, имеш.
– Беҙгә генә инеп сығабыҙ ҙа ары китәбеҙ, тине Ирбулат. Минең башҡа бер ниндәй сит-ят уй инмәй, – тип хәтерләй Гөлсәсәк еңгәй. – Икәү килеп ингәс, кәләш алып ҡайтҡан, тип уйлай өйҙәгеләр. Бөтәһен дә күреп торған Сәғиҙә инәй минең Рауза апайҙарға йүгерә. (Рауза еңгәй – Мулләхмәт апаның бер туған һеңлеһе, Юлдашта миңә туған тейешле Ишмырҙа ағайҙа тормошта ине. Хәҙер икеһе лә мәрхүм инде. – Г.Ә.) Былар һөйләшеп килешкән икән тип, ҡәйнәм менән ҡайным ижәп уҡытырға булып китте. Әйтеп ҡарайым, беҙ һөйләшмәнек тип, ышанмайҙар. Икебеҙҙе апайҙарҙың өйөнә балалар менән бергә бикләп киттеләр. Әсәйем белеп ҡалғас, эй үпкәләне, алдан әйтмәй, тип. Ирбулатҡа аңлатып ҡарайым, йәшәйбеҙ инде, ти ҙә ҡуя. Атайым яҙылышыуҙы талап итә. Ижәп тә уҡыттылар, яҙылыштыҡ та…
Бергә ғүмер кисереүҙәренә 48 йыл Сәйетғәлиндәрҙең. Гөлсәсәк еңгәй уҡытыу эшенә 35 йыл ғүмерен бағышланы. Фиҙакәр хеҙмәте өсөн 1992 йылда уға “Халыҡ мәғарифы отличнигы” тигән маҡтаулы исем бирелде. Йәмәғәт тормошонда әүҙем ҡатнашҡаны, йәш быуынды тәрбиә­ләү­ҙәге уңыштары өсөн хеҙмәт ветераны бик күп Маҡтау грамотаһына, дипломдарға лайыҡ булған. Һайлау мәлендә һәр саҡ комиссия рәйесе, агитатор, халыҡ иҫәбен алыу кампанияһында еңеүсе булған, ауыл, район күләмендәге сараларҙа ихлас ҡатнашҡан Гөлсәсәк Мулләхмәт ҡыҙы шәхси тормошта ла күптәргә өлгө: тоғро ҡатын, яҡшы әсә, хәстәрлекле өләсәй. Ҡыҙҙары Шәүрә менән улдары Кәрим үҙ ғаиләһен ҡорған. Ике ейәне, ике ейәнсәре өләсәй-олатайын ҡыуандырып үҫеп килә.
Ғаилә башлығы Ирбулат Ҡаһарман улы утыҙ биш йылдан ашыу “Заветы Ильича” колхозында механизатор булды. Тәүҙә балта оҫтаһы, армиянан һуң шофер һөнәрҙәрен үҙләштерһә лә, хужалыҡта эшселәр етешмә­гән­лектән, бер тракторға ултырғайны – шул урынға тоғро ҡалды. Күп тапҡыр социалистик ярыштарҙа еңеү яулаған уҙаман хеҙмәтендәге ҙур уңыштары өсөн III дәрәжә Дан орденына лайыҡ булды.
Әсәйемдең бер туған ҡустыһы Мәрхәм ағайым сирләп түшәккә йығылғас, оҙаҡ ҡына тракторын кешегә бирҙертмәне, йүнәлеп, аяҡҡа баҫҡас, ҡабат үҙем ултырам тип ятты. Ошоға бәйле ауылда лаҡап та йөрөй. Имеш, бригадир тракторын алырға килгәс, Мәрхәм ағайым: “Тракторға теймәгеҙ, ана, Әминәне алығыҙ”, – тип әйтә була. Әминә – еңгәм, уның ҡатыны. Һуңғараҡ ағайым, йүнәлмәҫен белгәс: “Тракторымды башҡа берәүгә лә түгел, Ирбулатҡа ғына бирегеҙ”, – тигән. Ә Ирбулат ағай көн һайын эшкә барышлай ағайымдарҙың өй тапҡырында туҡтап китер булған.
…Гөлсәсәк еңгәй менән Ирбулат ағайҙың ихлас эскерһеҙлеге, йомарт ҡунаҡсыллығы йылыһында күңелем булып, һаубуллашып, юлға сығам. Гөлсәсәк еңгәй, ғәҙәттәгесә ҡапҡа алдына уҡ сығып оҙатып ҡала, хәйерле юлдар теләй. Һеҙҙең тормошоғоҙҙа ла бөтәһе лә хәйерле булһын, яҡын күргән кешеләрем…





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840