Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Бурысың булһа – табырҙар, түләтерҙәр...
Федераль суд приставтары хеҙмәтенең Башҡортостан буйынса идаралығы етәксеһе Илнур Мәхмүтов үткәргән матбуғат конференцияһы ойошманың эш һөҙөмтәләренә арналды.
“Судта еңеүе ҡыйын булманы, ә бына уның ҡарарының үтәлеүенә өлгәшеү, ай-һай, ауырға төштө”. Шулай тип әйткәндәрен ара-тирә булһа ла ишетергә тура килгеләй. Ауыр хеҙмәт ул. Суд, дәлилдәр етерлек һәм ышандырырлыҡ булһа, ҡарар сығара ла шуның менән бөтә. Ә ғәйепле яҡ, тәбиғи, был ҡарарҙы үтәргә бик ашҡынып тормай. Уныһы бер хәл, яуаплылыҡтан ҡасып йөрөгәндәр ҙә аҙым һайын осрай. Мөлкәт өсөн һәм башҡа тейешле һалымын түләүҙе кисек­тергәндәр һаны арта бара. Бурыслыларҙы асыҡлау маҡсатында приставтар һалым инспекцияһы менән әүҙем хеҙмәттәшлек итә, йыш ҡына дәүләт автоинспек­цияһынан да ярҙам һорай. Һуңғылары, белеүебеҙсә, юлда яҡынлашып килгән автомобилдең теркәү номерына ҡарап, рулдә ултырған кешенең бурыслымы, түгелме икәнлеген күҙ асып йомғансы асыҡларға һәләтле.
Шулай ҙа суд приставтары идаралы­ғының эш йомғаҡтары һәр кемдә тәьҫир ҡалдырырлыҡ: былтыр улар ике миллиондан ашыу суд ҡарарының үтәлешен тәьмин иткән! Бер пристав айына уртаса 308 суд ҡарарын үтәгән! Был 2015 йыл менән сағыштырғанда 38 ҡарарға күберәк.
Кисектерелгән һалым бурысын ҡайтартыу ҙа бик мәшәҡәтле эш. Быйылғы биш айҙа ғына ла, мәҫәлән, суд пристав­тарының Башҡортостан буйынса идаралы­ғы кисектерелгән һалым бурысын ҡаҙнаға былтырғы шул уҡ осор менән сағыштыр­ғанда 38 миллион һумға күберәк ҡайтарта алған. Уның күләмендә шәхси бурыстар өлөшө артҡан, ә бурыслы ойошмалар һаны, киреһенсә, кәмегән. Ә былтырғы эшмәкәрлек йомғаҡтарына ҡараһаҡ, суд приставтарының республика ҡаҙнаһына барлығы дүрт миллиард һумдан ашыу аҡсаны ҡайтартыуын күрербеҙ. Был 2015 йыл менән сағыштырғанда 800 миллион һумға күберәк.
– Кисектерелгән бурыстың иң ҙур өлөшө Өфөнөң Октябрь районына тура килә. Ә бына Дыуан, Мишкә, Бөрйән һәм Илеш райондарында ундай бурыс – иң аҙы. Тимәк, уларҙа һалым һәм түләүҙәрен ваҡытында ҡайтара белгән тәртипле халыҡ йәшәй, – ти Илнур Әнүәр улы.
Социаль әһәмиәтле бурыстарға айырым иғтибар бирелә. Билдәле булыуынса, эш хаҡы буйынса кисектерелгән бурысты ҡайтартыу хәҙер көнүҙәк мәсьәләләрҙең береһенә әйләнде. Үткән йыл идаралыҡҡа ошо бурысты түләтеү буйынса 22 мең башҡарыу ҡағыҙы килгән, шуларҙың 14 меңе үтәлгән, ҡалғаны үтәлеү өҫтөндә. Быйыл 1 июндә, Халыҡ-ара балаларҙы яҡлау көнөндә, суд приставтары алимент түләмәгән йәки һуңлатҡан ике меңдән ашыу кешене иҫкәртеп сығырға өлгөргән.
Илнур Мәхмүтов балаларына алимент түләүҙән ҡасып йөрөгән ата-әсәләрҙең бурысын түләтеү проблемаһына айырым туҡталып үтте. Улар буйынса бер йылда ғына ла 49 меңдән ашыу суд ҡарары килгән.
Идаралыҡ хоҡуҡи кимәлде күтәреү маҡсатында халыҡ менән осрашыуҙар ҙа үткәрә, былтыр ғына ла йөҙҙән ашыу шундай әңгәмә ойошторолған, аҡсалата бурысты ваҡытында түләүҙең отошло булыуы тураһында аңлатылған, уларҙа һигеҙ мең самаһы кеше ҡатнашҡан.
Ҡоролошо буйынса ла заманға яраҡлашырға тырыша ида­ралыҡ. Быйыл 1 августан, мәҫәлән, коллективҡа 14 яңы пристав урыны өҫтәлә, был эште әүҙе­мерәк алып барырға ярҙам итәсәк. Яңы хеҙмәткәрҙәрҙе суд ҡарарҙарын башҡарыу буйынса ҡарарҙар күп йыйылған, йәғни эш күләме ҙур булған урындарға ебәрергә уйлайҙар. Көйөргәҙе районы менән Кү­мертау ҡалаһындағы йәмғеһе 39 белгестән торған бүлексәләр бергә ҡушылған. Икеһенең дә бер-береһенә яҡын урынлашыуын иҫәпкә алһаҡ, был үҙгәрештең халыҡҡа уңай­һыҙлыҡ тыуҙырмаясағына ышаныс бар. Идаралыҡта географик яҡтан шулай яҡын булған башҡа ҡайһы бер бүлексәләрҙе лә киләсәктә бергә ҡушыу тормошҡа ашырылырға тейеш.
Яңы кадрҙар ҙа өҫтәлгәс, идаралыҡ коллективы 1 688 ке­ше­гә етәсәк. Шуның 442-һе судьяларҙың хәүефһеҙлеген тәьмин иткән төркөмгә инә, 582 хеҙмәткәр суд ҡарарҙарын үтәү өҫтөндә эшләй.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 507

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 210

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 490

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 586

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 393

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 591

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 291

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 641

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 533

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 473

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 560

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 426