Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Йәшел береттар” ил гиҙә
Үҙ Ватаныңдың ысын патриоты булыу тигән төшөнсә ғәйәт киң мәғәнәгә эйә. Ябай ғына әйткәндә, Тыуған илеңде, тыуып үҫкән ереңде ихлас һөйөү, уның именлеге һәм киләсәк яҙмышы хаҡына ҡулыңдан килгәнде эшләү ул. Мәктәптәрҙә, төрлө мәғариф учреждениеларында тырышып белем алып, унан һайлаған һөнәрең буйынса фиҙакәр хеҙмәт һалып, кәрәк саҡта Ватанды яҡлап һәм һаҡлап, һәр кем үҙен Тыуған иленең ысын патриоты булыуын дәлилләй ала.
Башҡортостандың атҡаҙанған мәҙәниәт хеҙмәт­кәре, яугир-интернационалист Рашат Фазлиәхмәтов етәкселегендә 2000 йылда ойошторолған “Йәшел береттар” вокаль-инструменталь ансамбле йәш быуында Ватанға һөйөү тәрбиәләүгә бына ике тиҫтә йылға яҡын көс һала. Улар ил буйлап гастролдәргә йөрөй һәм концерттарҙан кергән аҡсаға хәрби хәрәкәттәрҙә һәләк булған яугирҙәргә иҫтәлекле таҡтаташтар ҡуя. Ансамбль барлыҡҡа килгән көндән башлап, Рәсәйҙең төрлө төбәктәрендә ошондай 2400-ҙән ашыу иҫтәлекте мәңгеләштергән, дүрт мемориаль комплекс төҙөүгә үҙ өлөшөн кереткән. Рашат һәм уның дуҫтары башҡарған, Тыуған илгә ихлас мөхәббәт менән һуғарылған тәрән эстәлекле хәрби-патриотик йырҙар күңелдең иң нескә ҡылдарын тибрәтеп, һәр кемде уйланырға мәжбүр итә, йөрәктәге ватан тойғоһон тағы ла көсәйтә.
Уҙған йыл “Йәшел береттар” вокаль-инструменталь ансамбле Волгоград, Һарытау, Воронеж өлкәләренә Бөйөк Еңеүҙең 71 йыллығына, Совет ғәскәрҙәренең Афғанстандан сығарылыуына 27 йыл тулыуға, шулай уҡ Төньяҡ Кавказдағы һәм башҡа “ҡыҙыу” нөктә­ләр­ҙәге һуғыштарҙа баштарын һалған яугирҙәр иҫтә­ле­генә бағышланған концерт программаһы менән гастролдәргә юлланды. Бөйөк Ватан һуғышының иң ҡыҙған мәлендә Герой-ҡала Сталинградты фашист илбаҫарҙарынан һаҡлап ҡалыу өсөн ҡот осҡос алыштар барған изге Волгоград ерендә ансамблде шул ҡәҙәр яраталар, хатта уларға унда яңы йылға ҡәҙәр дүрт ай дауамында концерттар күрһәттек.
Бында шуныһын асыҡлап үтәйек: Волгоград ҡалаһы 1925 йылға ҡәҙәр Царицын тип аталған, унан уға Совет иле юлбашсыһы Иосиф Виссарионович Сталин хөрмәтенә Сталинград исеме бирелгән, ә 1961 йылдан башлап ул Волгоград тип йөрөтөлә. Тыуған Башҡортостандың һәм Дүртөйлөнөң данын яҡлап, Волгоград өлкәһенең утыҙ өс районындағы мәҙәниәт һарайҙары һәм мәктәптәрҙең ҙур һәм бәләкәй сәхнәләрендә көслө алҡыштар аҫтында ялҡынланып сығыш яһай беҙҙең егеттәр! Эш графигы бик тығыҙ була, көнөнә дүртәр концерт бирәләр, һәр ҡайһыһында тамаша залдары халыҡ менән шығырым тула. Ансамбль етәксеһе Рашат Фазлиәхмәтов һөйләүенсә, элек ҡот осҡос һуғыштар булған ерҙә йәшәгәндәрҙең булмышы бөтөнләй башҡаса, улар илебеҙ тарихына уйылып ҡалған ваҡиғаларҙы хәтерендә ҡәҙерләп һаҡлай һәм быуындан быуынға тапшыра килә, бындай урындарҙа өлкән быуын вәкилдәрендә генә түгел, балалар күңелендә лә ватансылыҡ хисе көслөрәк икән.
“Йәшел береттар” буш ваҡыттарында Волгоград ҡалаһындағы иҫтәлекле урындарҙа йөрөй. Бөйөк Ватан һуғышына бағышланған күп һанлы монументтарҙа, музейҙарҙа, бар донъяла танылыу яулаған Мамаев ҡурғанында һәм Сталинград һуғышының музей панорамаһында булалар. Унан алынған тәьҫораттарҙы егеттәр һүҙҙәр менән генә аңлатып еткерә алмай…
Быйыл ғинуар айында “Йәшел береттар”, алдан планлаштырылған гастролдәрен дауам итеп, Һарытау өлкәһенә сәйәхәткә китте. Уларҙы унда ла ихлас ҡабул иткәндәр, концерттары бик уңышлы уҙған. Өлкәнең Екатериновск районының “Хеҙмәткә дан!” гәзите хәбәрсеһе Татьяна Шилованың беҙҙең редакцияға шылтыратып, концерттарҙан алынған сағыу тәьҫораттары менән уртаҡлашыуы – быға асыҡ дәлил.
“Концерттар беҙҙең Екатериновск районында ла шаулап-гөрләп үтте. Мәктәптәр, грипп эпидемияһы булыу сәбәпле, карантинға ябылыуға ҡарамаҫтан, уҡыусылар концерттарға күпләп килде, тамаша залдары һәр ваҡыт халыҡ менән шығырым тулды, хатта алма төшөрлөк тә урын юҡ ине! Олоһо ла, кесеһе лә һәр бер йырҙы ихлас ҡабул итте һәм көслө алҡыштарға күмде. Концерт тамамланғас, йырсылар менән аяғүрә баҫып, дәррәү ҡул сабып һаубуллаштылар. Меңдәрсә саҡрымға һуҙылған йыраҡ араны яҡын итеп беҙгә килгәндәре һәм тәрән эстәлекле хәрби-патриотик йырҙар башҡарып, балалар күңелендә ватансылыҡ хисен үҫтереүгә булышлыҡ иткәндәре өсөн беҙ “Йәшел береттар” вокаль-инструменталь ансамбленә сикһеҙ рәхмәттәребеҙҙе белдерәбеҙ”, – тип тәьҫораттары менән уртаҡлашты үткер ҡәләмле журналист ханым.
Ветерандарҙың Бөтә Рәсәй “Хәрби туғанлыҡ” ижтимағи ойошмаһы ағзалары булған “Йәшел береттар” портфолиоһында үҫеп килгән йәш быуынды патриотик, рухи-әхлаҡи һәм ижади рухта тәрбиәләүгә ҙур өлөш индергән өсөн Рәсәй Дәүләт Думаһы депутаты Илшат Фәхретдинов тапшырған һәм Мордва, Сыуаш республикаларында, Киров, Һамар, Волгоград, Һарытау өлкәләрендә, шулай уҡ Рәсәйҙең башҡа төбәктәрендә урынлашҡан район хакимиәттәре башлыҡтары биргән почет грамоталары, рәхмәт хаттары бихисап.
Данлыҡлы ансамблдең тынғы белмәҫ ағзаларына, иң беренсе сиратта, халыҡ рәхмәте барлыҡ юғары наградаларға ҡарағанда ла яҡыныраҡ һәм ҡәҙерлерәк. “Йәшел береттар” вокаль-инструменталь ансамбле халыҡты һөйөндөрөп, гастролдәрен киләсәктә дауам итәсәк. Тиҙҙән Татарстанға юлланасаҡ, ә мартта концерттар Өфөлә уҙасаҡ.
“Йәшел береттар” вокаль-инструменталь ансамбле һәр саҡ юлда. Улар ижад һөйгән халыҡты үҙҙәренең күңелгә үтеп керерлек моңло йырҙары менән тәрән уйланырға мәжбүр итеп, дәртләндереп һәм кинәндереп, яңынан-яңы үрҙәр яулап, ғорур аҙымдар менән алға атлай.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 174

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840