Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Атты ла бейергә өйрәтә ине
Атты ла бейергә өйрәтә ине Мөһабәт тауҙарҙа мәңге йәшел шыршылар, ҡарағайҙар, ҡайын урмандары, битләүҙәрендә мең төрлө сәскәле болонлоҡтар, ожмахтай гүзәллектәр... Былар барыһы ла Ейәнсура районының Ибрай ауылына хас.
Ҡабра тауы эргәһенән сылтырап аҡҡан Һүрәм йылғаһынан эсеп, тәбиғәт ҡосағында булырға яратҡан көләс йөҙлө халыҡ балалары менән йәй буйы рәхәтлә­неп һыу инеп ял итә. Тап ошондай ожмахтай гүзәл­лектәр ерендә, Аллаһы Тәғәләнең үҙе яратып һөйгән изге төбәгендә 1941 йыл­да Сәйҙә менән Мәх­мүтйәндең ғаиләһендә дүртенсе булып бер ир бала донъяға килә. Уға: “Һинең исем-шәрифең Хәмит булыр”, – тип аҙан әйтә ауылдың муллаһы.
Бына шулай тыныс тормошта, шатлыҡтарға ҡыуанып ҡына йәшәп ятҡанда, мәкерле Гитлер һуғыш аса. Ибрай ауылына ла ҡайғылы хәбәр­ҙәр килә. Бөтә йәш ир-егетте һуғышҡа оҙата­лар, шулай уҡ Сәйҙә апайҙың да ғәзиз ире яуға алына.
Әсә өйҙә дүрт бала менән ултырып ҡала. Балаларын асыҡты­рып үлтермәҫ өсөн көнө-төнө эшләй ул.
Хәмит, әсәһен, туғандарын ҡыуандырып, сос, теремек бала булып үҫә. Бер аҙҙан әсәһенең ныҡлы ярҙамсыһына әүерелә. Өйгә утын-бесән әҙерләшә, бәләкәйҙән үк кәбән һала башлай.
Етенсе класты Ибрай ауылында тамамлай Хәмит. Һуғыштан һуң да ауырлыҡтар кисерә халыҡ, шулай ҙа ул 35 километр алыҫ­лыҡта ятҡан Үрген мәктә­бендә белем алыуын дауам итә. Ҡыштың сатлама һыуыҡтарында, буран­дарҙа ҡар кисеү, көҙгө һәм яҙғы бысраҡтарҙа йәйәү йөрөү Хәмитте бик ныҡ сыныҡтыра. Аслы-туҡлы көйө уҡыу белем ҡәҙерен белергә өйрәтә.
Урта белем алғас, ауылында электрик булып эшләй, кешеләргә ярҙамсыл, изгелекле була.
1963 йылда Хәмит Мәхмүтйән улы армия сафына саҡырыла һәм өс йыл хеҙмәт итә. Унан һуң бала саҡ хыялы – Башҡортостан ауыл хужалығы институтының зоотехния факультетына уҡырға инә.
Институтта алған белеме буйынса ул өс йыл Баймаҡ мал үрсетеү совхозында тәжрибә туплай. Унан һуң 30 йыл Өфө дәүләт ат үрсетеү заводында тоҡомло айғырҙар үҫтереү, уларҙы колхоз-совхоздарға таратыу һәм ҡымыҙ етештереү менән шөғөл­ләнә. Хатта айғырҙарҙы бейергә өйрәтә.
Оло быуын кешеләре әле лә Хәмит Мәхмүтйән улының Өфө­нөң 400 йыллығы айҡанлы үткән байрамда ат өҫтөндә алда барғанын хәтерләй.
Ейәнсура һылыуы Зифа менән Хәмит 50 йылға яҡын татыу ғүмер кисерҙе. Зифа Йәләлетдин ҡыҙы ғүмер буйы сурдопедагог булып, насар ишеткән, телһеҙ балаларҙы тәрбиәләп оло тормош юлына сығарҙы. Улдары Айҙар ҙа атаһы юлын һайланы. “Аҡбуҙат” ипподромында ат спорты мәктәбен тамамланы һәм шунда эшләне.
Бөгөн оло йөрәкле Хәмит Мәхмүтйән улына 75 йәш тулған булыр ине.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 495

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 515

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 600

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 773

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 624

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 585

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 609

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 849

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 107

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 197

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 165

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 174