Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ҡоланым. Уянһам... гипс
Ҡоланым. Уянһам... гипс Рәсәйҙең Хеҙмәт һәм халыҡты социаль яҡлау министрлығы 2017 йылдың 1 ғинуарынан эш урынында һәләк булғандарҙың туғандарына бер тапҡыр түләнә торған страховка күләмен бер миллион һумдан ике миллион һумғаса арттырыу тураһында закон проекты әҙерләгән.
Ведомствола билдәләү­ҙәренсә, һуңғы йылдарҙа производствола имгәнгәндәр һаны бермә-бер кәмегән. Әммә бөтөнләй юҡ түгел. Бигерәк тә ҡатын-ҡыҙҙар араһында һәләк булғандар һаны былтыр 2014 йыл менән сағыштырғанда — 18 процентҡа, бәлиғ булмағандар араһында ике тапҡырға артҡан. Белгестәр бындай диссонансты, беренсенән, дөйөм статистиканың тулы булмауы, икенсенән, квалификациялы хеҙмәткәрҙәр урынына әҙерлекһеҙ эшселәр, шул иҫәптән бәләкәй генә эш хаҡына ҡайҙа ла эшләргә риза ҡатын-ҡыҙҙар һәм үҫмерҙәр килеүе менән аңлата.
Хәтерегеҙгә төшөрәбеҙ, әлеге көндә хәүефле объекттарҙа, шулай уҡ һауа транспортында һәләк булғандарҙың туғандары икешәр миллион һум страховка аҡсаһы ала. Хеҙмәт һәм халыҡты социаль яҡлау министрлығы иһә был сумманы бар тармаҡ белгестәре өсөн дә, шул иҫәптән хәүефһеҙ объекттарҙа эшләгәндәргә лә бер тигеҙ итеү яҡлы.
Әйткәндәй, әлеге закон проектын Башҡортостандың Хеҙмәт һәм халыҡты социаль яҡлау министрлығы ла хуп­лай.
— Бындай сара тәү сиратта эш биреүсегә яуаплылыҡ өҫтәйәсәк, улар үҙҙәренең хеҙмәткәрҙәрен хәүефһеҙ эш шарттары менән тәьмин итәсәк. Производствола һәләк булыуға бәйле бер тапҡыр түләнә торған страховка күләме һуңғы тапҡыр 2014 йылда арттырылғайны — ул миллион һумға тиклем етте. Бөгөн уның һөҙөмтәһен күрәбеҙ: илдә лә, Башҡортостанда ла һуңғы йылдарҙа эш урынында имгәнеү осраҡтары һиҙелерлек кәмене, — ти хеҙмәт һәм халыҡты социаль яҡлау министры Ленара Иванова.
Эш урынында имгәнеү осраҡтарына бәйле хәлгә асыҡлыҡ индереүебеҙҙе һорап, редакцияға ла йыш мөрәжәғәт итәләр. Күптәр страховка күләме менән ҡыҙыҡһына, икенселәр эш биреүселәрҙең яуаплылыҡтан ҡасырға маташыуҙары хаҡында әсенеп яҙа. Бөгөн ҡайһы бер һорауҙарға айырым туҡталып китмәксебеҙ.

Ғәҙәттән тыш хәл арҡаһында
эш урынында имгәнгән эшсегә ниндәй түләүҙәр ҡаралған?


— Ваҡытлыса эшкә яраҡ­һыҙлыҡ буйынса пособие (“больничный”) кеше һауыҡҡанға ҡәҙәр түләнә (йәки профессиональ һәләтлеген тотороҡло юғалтҡан­лығы билдәләнгәнгә тиклем). Производствола бәхетһеҙлек осра­ғына тарығанда түләнеүсе “больничный” күләме кешенең эш стажына бәйле түгел, һәр ваҡыт уртаса хеҙмәт хаҡының 100 процентына тиң. Пособие имгәнеү­сегә эш урынынан түләнә.
Эшкә һәләтен юғалтҡандарға ике төрлө махсус компенсация ҡаралған: бер тапҡыр бирелә торған һәм айлыҡ страховка түләме. Был аҡсаны һөнәри һәләтен юғалтҡандар юллай ала. Ғәҙәттән тыш хәл һөҙөмтәһендә хеҙмәткәр һәләк булһа, страховка эшсенең балаларына, ата-әсәһенә түләнә.
Бер тапҡыр бирелә торған түләүҙең күләме иһә эшсенең һөнәри һәләтлеген юғалтыу дәрәжәһенә бәйле. Бәләгә тары­ған һәр кем өсөн медик-социаль экспертиза учреждениелары тарафынан реабилитация програм­маһы әҙерләнә. Әммә сумма бюджетта ҡаралғандан артмаҫҡа тейеш. Быйыл бер тапҡыр бирелгән страховка түләүҙәренең күләме 88 787 һум булһа, 2017 йылға 92 339 һум ҡаралған. Эшсе һәләк була ҡалһа, бер тапҡыр бирелә торған түләүҙең күләме бер миллион һум тәшкил итә (үрҙә телгә алынған закон проекты ғәмәлгә инһә, 2017 йылдың 1 ғинуарынан ул ике миллион һумға етәсәк). Әйткәндәй, сумма һәләк булыусының тәрбиәһендә булған һәр ғаилә ағзаһына (балаларына, ата-әсәһенә һ.б.) тигеҙ бүлеп бирелә.
Айлыҡ страховка күләме нисек билдәләнә?

— Айлыҡ түләү күләме эшсе фажиғәгә тиклем 12 ай эсендә алған уртаса айлыҡ эш хаҡын (район коэффициентын һәм өҫтәмәләрҙе иҫәпкә алып) тәшкил итә. Шул уҡ ваҡытта эшсенең хеҙмәткә һәләтен юғалтыу дәрәжәһе лә иҫәпкә алына.

Түләүҙең кәметелеүе мөмкинме?

— Әгәр ҙә бәхетһеҙлек осра­ғын тикшереү барышында эшсе­нең үҙ ғәйебе менән имгәнгәне, уның хеҙмәт тәртибен теүәл үтәмәгәнлеге асыҡланһа, айлыҡ түләү кәмейәсәк, әммә 25 проценттан да күпкә түгел.
Кеше хеҙмәт киле­шеүе төҙөмәй генә ниндәйҙер ойошмала эшләп йөрөй икән, бәхет­һеҙлеккә юлыға ҡалғанда дауалау өсөн кем аҡса бүлер­гә тейеш?

— Хеҙмәт кодексына ярашлы, хеҙмәт мөнәсәбәттәре мотлаҡ яҙма рәүештә рәсмиләштерелер­гә тейеш, юҡһа, теге йәки был ойошмала эшләгәнлегегеҙҙе суд аша иҫбатларға тура киләсәк. Ойошмала хеҙмәт килешеүе нигеҙендә эшләгән кеше генә производствола имгәнеү һәм йәрәхәтләнеүҙәрҙән, һөнәри сирҙәрҙән мотлаҡ социаль страховкаланған тип иҫәпләнә һәм гарантияларҙан файҙалана ала.
Әгәр ҙә һеҙҙең менән хеҙмәт килешеүе төҙөлмәгән икән, тимәк, етәксегеҙ эш хаҡын “конверт” схемаһын ҡулланып түләй. Ул һеҙҙең өсөн Социаль страховка фондына иғәнә күсермәй, бәләгә тарыйһығыҙ икән — унда ла эше юҡ. Фонд та был осраҡта ярҙам ҡулы һуҙа алмай. Ойошмала эшләүегеҙҙе судта иҫбатлауҙан башҡа сара юҡ.

Законлы хоҡуҡ иҫәпкә алынмай, пособиелар түләнмәй икән, ҡайҙа мөрәжәғәт итергә?

— Бының сәбәбен асыҡлау маҡсатында Рәсәй Социаль страховка фондының Башҡортостан буйынса төбәк бүлексәһенә ғариза яҙығыҙ. Ғаризағыҙҙа эш биреүсе хаҡында бөтә мәғлүмәт (атамаһы, адресы) булырға тейеш. Шулай уҡ мөрәжәғәтегеҙҙе почта аша түбәндәге адресҡа ебәрә алаһығыҙ: 450103, Өфө ҡалаһы, Сочи урамы, 15. Бүлексәнең сайты ла һеҙҙең ҡарамаҡта: http://r02.fss.ru/.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 812

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 933

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840