Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Улар райондың йөҙөн биҙәй
Улар райондың  йөҙөн биҙәй Торлаҡ-коммуналь хужалыҡ яуаплы осорҙа – йылытыу миҙгелендә – һынатмай. “Коммунальщик” идарасы компанияһы­ның ҡышҡы осорға ныҡлы әҙерлек һөҙөмтәһе был. Тимәк, ха­лыҡ­тың көнкүреш шарттары көйлө һәм уңайлы тигән һүҙ.

“Коммунальщик” предприятие­һының ойошторолоуына ни бары биш йыл. Ошо ҡыҫҡа ғына ваҡыт эсендә ул Үрге Ҡыйғы ауылында ыңғай үҙгәрештәр тыуҙырҙы. Дөрө­ҫөрәге, райондың торлаҡ-коммуналь тармағына яңы һулыш өҫтәне.
Һүҙҙе предприятие етәксеһенән башлағы килә. Ильяс Усманов ошо районда тыуып үҫкән. 11 йыл дауа­мында баш ҡаланың Киров районындағы торлаҡ идара­лы­ғында яуаплы вазифаларҙа эшлә­не. Мәғлүм булыуынса, ошо районды баш ҡаланың көньяҡ ҡапҡаһы тип йөрөтәләр, йәғни ул Өфөнөң йөҙөн билдәләй. Был үҙ сиратында торлаҡ-коммуналь хужалыҡ хеҙмәткәрҙәренә лә юғары талаптар йөкмәй. Ильяс Усманов – ана шул яуаплы һынауҙы үткән белгес.
Артабан ул, бай хеҙмәт тәжри­бәһе йөкмәп, тыуған яғына ҡайтҡан һәм еңде тағы ла һыҙғаныбыраҡ эшкә тотонған. Бынан биш йыл элек “Коммунальщик” идарасы компанияһын ойошторған. Ильяс Ромен улы предприятие эшмә­кәрлеген баш ҡалаға хас талап­тарҙан сығып, йәғни заманға яраҡлаштырып һәм шул уҡ ваҡытта ауыл үҙенсәлектәрен иҫәпкә алып ҡороу яғында. Тәүге өс йыл дауамында ул етәкләгән коллектив күп фатирлы йорттарҙы хеҙмәтләндергән.
Бөгөн улар ҡарамағында дөйөм майҙаны 23,4 мең квадрат метр булған 34 йорт иҫәпләнә. Көс-һә­ләт­тәрен һынап ҡарағас, үҙәк ҡа­ҙанлыҡты һәм йылылыҡ селтәр­ҙә­рен хеҙмәтләндереүҙе лә үҙ яуаплылыҡтарына алғандар. Район үҙәгендәге балалар баҡса­ларын, хакимиәт биналарын, үҙәк дауахананы, сауҙа һәм хеҙмәт­ләндереү офистарын, магазин­дарҙы йылылыҡ менән тәьмин итәләр. Ҡулланыусылар һаны һикһәндән артып киткән. Уларҙы тейешле кимәлдә хеҙмәтләндереү өсөн былтыр республика бюджеты иҫәбенә үҙәк ҡаҙанлыҡты тулы­һынса реконструк­циялағандар. Күп төбәктәрҙән айырмалы, Үрге Ҡыйғыла йылылыҡ селтәрҙәре сағыштырмаса яңы, сөнки улар 2008 йылда төҙөкләндерелгән. Ә инде “Коммунальщик” үҙ сиратында селтәрҙәрҙе сифатлы һәм һаҡсыл файҙаланыу хәстәрлеген күрә.
– Тармаҡта энергияны һаҡлау комплекслы программаһына ярашлы заманса ҡаҙанлыҡтар һатып алыу һәм үҙәк ҡаҙанлыҡ менән Үрге Ҡыйғы ауылындағы йылылыҡ селтәрҙәрен яңыртыу маҡсатын ҡуйҙыҡ. Шул уҡ ваҡытта файҙа­ланыуҙағы селтәр насостарын юғары ҡеүәтле заманса төрҙәренә алыштырыуҙы ла яҡын киләсәктә тормошҡа ашырырға ниәтләйбеҙ, – тип фекер уртаҡлашты етәксе Ильяс Усманов.
Коллектив торлаҡ-коммуналь хужалыҡты үҙгәртеп ҡороу про­граммаһына ярашлы йорттарҙы капиталь ремонтлау буйынса ҙур эш алып бара. Үткән йылда, мәҫәлән, күп фатирлы өс йортто үҙ иҫәбенә ремонтлағандар. Күп фатирлы йорттарҙың икеһендә фасадтар һәм ун алты подъезд яңыртылған. Был эш быйыл да дауам иткән. Бер йорттоң түбәһе өр-яңы төҫ алған, икенсеһендә электр йыһаздарын тулыһынса алмаштырғандар. Йәнә дүрт йорттоң фасадын, ун һигеҙ подъезды ремонтлап өлгөрткәндәр. Йорттарҙа йылылыҡ һәм һыу үлсәгес эске приборҙар урынлаштырыу буйынса әүҙем эш бара.
Предприятие эшсәндәре район­дың йөҙөн заманса итеүгә өлөш индерә. Улар күңел йылыһын биреп төҙөкләндергән йорт ихаталары, балалар өсөн уйын майҙансыҡтары Үрге Ҡыйғыға тағы ла күркәмлек өҫтәй, халыҡҡа уңайлы көнкүреш шарттары тыуҙыра. Ә тормошта ваҡ мәсьәлә булмай. Әйтәйек, таҙалыҡ һәм экологик сафлыҡ һәр фатирҙан, һәр йорт алдынан башлана. Бәхәсһеҙ, тейешле урындарҙа контейнерҙар урынлаштырыла, тирә-йүнгә сүп-сар таралыуға юл ҡуйылмай. Әммә сүп-сар һауыттарын да аҡсаға һатып алырға кәрәк. Шуға предприятие контейнерҙарҙы үҙе етештерә башлаған. Төньяҡ-көнсығыш төбәк өсөн әлегә яңылыҡ булған тимер киҫкес ҡайсы, станок һатып алғандар. Хәҙер һәр төрлө контейнерҙарҙы ситтән ингән заказдар буйынса ла эшләйҙәр. Был предприятиеға финанс ҡеүәте өҫтәй.
“Коммунальщик” бар яҡлап та булдыра, ти ҡыйғылар. Был һүҙҙәр – булдыҡлы коллективтың хеҙмәтенә лайыҡлы баһа.







Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 299

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 003

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 197

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 306

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 107

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 340

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 079

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 397

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 383

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 323

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 353

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 274