Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Көрсөк тип көрһөнмәйҙәр
Көрсөк тип көрһөнмәйҙәр Көтөп алған ҡыш та етте. Әммә Николо-Березовка һәм Ҡуян ауылдарында йәшәүселәрҙең күңеле тыныс, сөнки был торлаҡ пункттарын хеҙмәтләндергән “Йылылыҡ селтәрҙәре” яуаплылығы сикләнгән йәмғиәте йылытыу миҙгеленә ныҡлы әҙерлек менән аяҡ баҫты.

Йәмғиәттең ойошторолоуына быйыл ун йыл тулған. Бөгөн ул — районда йылылыҡ менән тәьмин итеүсе берҙән-бер ойошма. Предприятие йылылыҡ энергияһы етештерә һәм уны ҡулланыусыларға тапшыра. Ул әле телгә алынған ауыл биләмәләрендә муниципаль объекттарҙың электр хужа­лығын һәм ҡаҙанлыҡтарын хеҙмәтләндерә. Ҡарамағында Николо-Березовка ауылында 12,86 мегаватт ҡеүәтле ике, Ҡуян ауылында 3,38 мегаватт ҡеүәтле бер ҡаҙанлыҡ һәм ун километр самаһы йылылыҡ селтәре иҫәпләнә. Өҫтәүенә район үҙәк дауаханаһын һәм физкультура-һауыҡтырыу комплексын да хеҙмәтләндерә.
Предприятие энергияны һаҡсыл тотоноу талаптарынан тайпылмай. Шул маҡсатта производствоны үҙгәртеп ҡороу, заманса технологияларҙы ғәмәлгә индереү көнүҙәк бурыс тип билдәләнгән. Һуңғы осорҙа был йүнәлештә әһәмиәтле эштәр башҡарылған.
Мәҫәлән, 2010 – 2012 йылдарҙа беренсе һәм икенсе ҡаҙанлыҡтарға тоташтырылған йылылыҡ трассаһына реконструкция үткәрелгән. Унан алдараҡ ике ҡаҙанлыҡ араһындағы селтәрҙән файҙаланыусылар индивидуаль йылытыу системаһына күсерелгән. Һөҙөмтәлә йылылыҡ трассаһы бер километрҙан күберәккә ҡыҫҡарған. Хәҙер йәмғиәт хеҙмәтләндергән район үҙәк дауаханаһы, физкультура-сәләмәтләндереү үҙәге ҡаҙанлыҡтары автоматик режимда эшләй. Реконструкция саралары электр энергияһы ҡулланыуҙы — 44, селтәр газын — 12, һыуҙы 80 процентҡа кәметергә мөмкинлек биргән. Селтәрҙәрҙә юғалтыуҙар өс тапҡырға кәмегән. Ғөмүмән алғанда, йылына 5248,6 мең һумлыҡ энергия ресурс­тарын янға ҡалдырыуға өлгәшкәндәр. Әле ҡаҙанлыҡтар хеҙмәтен үҙәкләштерәләр. Ҡарый, Йәнйегет, Иҫке Мошто ауылдарындағы ҡаҙанлыҡтар диспетчерлыҡ системаһына тоташтырылған да инде.
Бер үк ваҡытта йылылыҡ селтәрҙәрен яңыртыу хәстәрлеге лә күрелә. Был эшкә предприятие ҙур көс һәм күп сығым йүнәлтә. 2011—2014 йылдарҙа подряд ойошмалары менән берлектә йылылыҡ селтәрҙәрен яңыртыу буйынса байтаҡ эш башҡарылған. Һөҙөмтәлә йылылыҡ энергияһын тапшырыу, абоненттарҙы хеҙмәтләндереү сифаты күтәрелгән. Селтәрҙәрҙе үҙгәртеп ҡороу алдағы йылдарҙа ла дауам итәсәк. Һуңғы дүрт йылда предприятиеға тәжрибәле белгес, юғары ойоштороу оҫталығына эйә Айрат Мортазин (һүрәттә) етәкселек итә. Айрат Мирҡәләм улы берҙәм, һәләтле коллектив туплаған. Бында алтмыш кеше эшләй. Һәр кем үҙ бурысын намыҫ менән башҡара, сөнки производство үҙенсәлектәре ҙур теүәллек һәм яуаплылыҡ талап иткәнен беләләр.
Күптәр бында предприятие ойошторолған көндән башлап эшләй. Үҙ эшенең ысын оҫталары баш инженер Риф Нурхәкимов, автотранспорт участкаһы мастеры Хәмит Абдрафиҡов, ҡаҙанлыҡ начальнигы Раил Әхмәров, энергия участкаһы етәксеһе Сергей Николаев үҙ һөнәрҙәренә тоғролоғо менән башҡаларға үрнәк булып тора. Слесарҙар Рәфит Фәррәхов, Евгений Яковлев, Алексей Горбылев, водителдәр Рәзил Шәғәлиев, Иосиф Мөхәмәтшин, электр монтерҙары Петр Изибаев, Сергей Федоров, ҡаҙанлыҡ слесарҙары Айзат Абдрафиҡов, Валериан Николаев, өлкән оператор Исфира Мисбахетдинова, уның хеҙмәттәштәре Гөлнара Овечкина, Әлфиә Шәйәхмәтова тураһында маҡтау һүҙҙәре генә әйтелә.
Ҡуян ауылындағы ҡаҙанлыҡтың өҙлөкһөҙ эшләүен тәьмин итеүгә Владимир Тойкиев менән Алексей Умурьянов ҙур тырышлыҡ һала. Баш хисапсы Альбина Мусина һәм иҡтисадсы Резида Ғабдрахманованың юғары һөнәри оҫталығы предприятиеның финанс тотороҡлолоғон һаҡларға, өҫтәмә финанстар йәлеп итергә, абоненттар менән эшләүсе Рәмзилә Фәрдетдинованың талапсанлығы түләүҙәрҙе ваҡытында үткәрергә булышлыҡ итә. Әйткәндәй, иҡтисади ауырлыҡтарға ҡарамаҫтан, ҡулланыусыларҙың түләүҙәр буйынса бурысы үткән йылға ҡарағанда күпкә кәмерәк.
“Йылылыҡ селтәрҙәре” предприятиеһы иртәгәһе көн менән йәшәй. Мәҫәлән, хәҙер коллективта энергоаудит, йәғни ойош­маларҙың яғыулыҡҡа бәйле сығымдарын тикшереү, һәм энергия менән тәьмин итеүгә бәйле башҡа яңы эш төрҙәрен үҙләш­терәләр. Заманға ауаздаш булыу уңышҡа юл аса.







Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840