Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » “Ауылда эш юҡ тиһегеҙме? Егетлек түгел был!”
“Ауылда эш юҡ тиһегеҙме? Егетлек түгел был!” Уртайылға ауылы уңғандары аталы-уллы Йәмил менән Азат Исламовтар — умартасылар династияһы вәкилдәре — нәҡ шундай фекерҙә. Илебеҙ картаһынан юғалыу алдында торған Бүләк ауылын тергеҙеү ниәте менән улар бында умарталыҡ булдырған.


Йәмле тәбиғәт ҡосағында, йүкә урмандарына һыйынып ултырған Бүләк ауылы Йәмил Нурислам улының күңеленә бик яҡын. Әсәһе Сәймә Исламованың тыуған ауылы ул. Олатаһы Хәйҙәрша ғүмере буйы ҡортсолоҡ менән шөғөлләнгән. Бөгөн династияны дүртенсе быуын вәкиле, Йәмилдең улы Азат, лайыҡлы дауам итә. Булдыҡлы ғаилә ата-бабалары нигеҙендә умарталыҡ төҙөгән. 150 умарта теҙелеп ултырған бер гектар майҙанға яҡын ер кәртәләп алынған. Бал ҡорттарын ҡыш сығарыу өсөн пеноблоктан ҡоролма, келәт, өй төҙөп ҡуйғандар. Эшҡыуарҙар йәйен бында йәшәй: бал ҡорттарын тәрбиәләй, бал һурҙыра. Бүләк ауылының уңған ир-егеттәре Исламовтарға ярҙамға килә. “Быйыл эште бер аҙ еңеләйттек. Алтай крайынан 90 мең һумға “Медуница” тигән бал айыртҡыс аппарат һатып алдыҡ. Техника компьютерға көйләнгән, ҡул көсөн сарыф итмәйһең, ваҡытты аҙ ала”, — тип һөйләй Азат. Ул оператор булараҡ яңы техниканы хеҙмәтлән­дерергә лә өлгөрә, башҡа эштәрҙе лә ойоштора.
Булдыҡлы ғаиләлә бал ҡорттарын тәрбиәләү серҙәрен белмәгән кеше юҡ. Йәйен туғандарына булышырға Өфө­нән Әнғәм ағайҙары ҡайта. Уртайыл­ғала урынлашҡан йөҙ күс бал ҡорто Светлана Исламова ҡарамағында. Йәмил менән Светлананың ҡыҙҙары Алһыуҙың ҡулы ла был кәсепкә оҫта. Ә Азат иһә бик бәләкәй ваҡытынан алып гел атаһы янында. Ул яңы ғына ғаилә ҡорған. Тормош иптәше Гөлшат та ғаилә һөнәре менән ҡыҙыҡһына.
Берҙәмлек, эшкә маһирлыҡ, тынғы­һыҙлыҡ Исламовтарға яратҡан шөғөл­дәре ярҙамында табыш алырға мөм­кинлек бирә. Ошо гөрләп торған тормошҡа идара иткән ғаилә башлығы — Йәмил Нурислам улы — дин әһеле, хажи, Уртайылға ауылында мәсет төҙөүҙе башлап йөрөүселәрҙең һәм әүҙем ҡатнашыусыларҙың береһе.
— Европа, ғәрәп илдәрен күреп ҡайтырға насип булды. Ундағы тәбиғәт шарттарын үҙебеҙҙеке менән сағыш­тыр­ғас, Рәсәйҙең ожмахҡа тиң икән­легенә төшөндөм. Беҙҙә туҡ һәм мул йәшәү өсөн бөтөн мөмкинлектәр ҙә бар. Ялҡауланмаҫҡа, эшләргә генә кәрәк. Картуф, йәшелсә үҫтереп һатырға, мал аҫрарға, ғаиләңде үҙең етештергән аҙыҡ-түлек менән тәьмин итергә, арт­ҡанын һатып, табыш та алырға була. Хеҙмәттән ҡурҡмаған кешегә бының өсөн бер ҡаршылыҡ та юҡ. Ауылда эш юҡ тип, ҡул ҡаушырып ултырыу егетлек түгел. Беҙ үҙебеҙ тормошобоҙҙо көй­ләргә, көнкүреш сифатын яҡшыртырға тырышырға тейешбеҙ, — тип һөйләй эшҡыуар.
Фекерен иҫбатлап, ул Уртайылға ауы­лында үҙҙәре йәшәгән урамды үҙ көстәре менән төҙөкләндереү тура­һында бәйән итте. Быйыл йәй Азат һәм Йәмил Исламовтар күрше егете Илфат Шәйхисламов менән шәхси техникала­ры ярҙамында таш, балсыҡ ташып, юл­ға түшәгәндәр. Юлһыҙлыҡтан яфа си­геп, етәкселәрҙе генә тәнҡитләп йөрө­гән кешеләр өсөн матур миҫал, өлгө был.
– Тормошон яҡшыртыу өсөн халыҡ ҡулынан килгәнде эшләргә бурыслы. Бәләкәй ауылдарҙа йәшәүселәр ни өсөн мал аҫрамай? Беҙҙең ауылда ла бер ваҡыт мал кәмене. Көтөүгә сират йыш етә башланы. Халыҡ менән килешеп, ҙур майҙанда ерҙе кәртәләп алдыҡ. Хәҙер мал үҙаллы шунда йөрөй. Әлбиттә, башта кешеләрҙе материал һатып алыу өсөн ризалаштырыу ауыр булды. Көтөүсе яллауға ҡулланған аҡса менән материал хаҡын сағыштырып, иҫәпләп-күрһәтеп аңлаттыҡ. Бөгөн эше­беҙҙең ыңғай һөҙөмтәләрен күреп ҡыуанабыҙ, — тип, ауыл старостаһы булараҡ, халыҡ менән эшләү тәжри­бәһен уртаҡлашты Йәмил Нурислам улы.
Тормошҡа үҙ ҡарашы булған Исламовтар ғаиләһе үҙ өлгөһөндә халыҡты ҡайҙандыр ярҙам көтөп, йәмғиәттә бөтөн нәмәгә битарафлыҡ күрһәтеп йәшәүҙән арынырға, тырыш хеҙмәт менән табышлы булырға өндәй.
— Ҡасандыр 40 йорто, ике мең баш һарыҡ аҫралған фермаһы булған Бүләк ауылында бер нисә өй генә ҡалды. Беҙ килеп умартасылыҡ төҙөгәс, ҡыҙыҡ­һыныусылар артты, бынан өй һатып алалар, ошонда тыуып-үҫеп, ситкә сы­ғып киткән яҡташтар ҡайтып, төп нигеҙ­ҙәрен тергеҙә. Ҡыуаныслы хәл. Тор­мош­та оптимист булырға өйрәнә­йек. Бал ҡорттары аҫраусыларға ла теләгем бар. Йыл насар килде, тип һис кенә лә хафаланырға ярамай. Бал етештереү — төшөмлө кәсеп ул. Бер булмаһа, бер булыр. Үҙ көсөбөҙгә ышанып, киләсәккә өмөт менән ҡарап йәшәйек, — тине өс тиҫтә йыл ҡортсо­лоҡ өлкәһендә тәжрибә туплаған эшҡыуар.






Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 173

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840