Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Изге эшкә оло йөрәк кәрәк
Изге эшкә оло йөрәк кәрәк Халҡыбыҙҙың “Ир-егет ағас ултыртырға, ул тәрбиәләргә һәм өй һалырға тейеш” тигән билдәле хәҡиҡәтен шәфҡәтле һәм матур эштәре менән иҫбатлаусылар арабыҙҙа бихисап. Һүҙем шуларҙың береһе – Рәмил НӘБИУЛЛИН хаҡында. Йөрәгендә кесе ватанына сикһеҙ һөйөү, күңелендә ата-бабаларының яҡты иҫтәлегенә оло хөрмәт йөрөткән уҙаман яҡташтарын изгелектәре менән ҡыуандырҙы: тыуған төйәге тарихына бағышланған күләмле китап баҫтырҙы һәм фекерҙәштәре менән берлектә ауылында Бөйөк Ватан һуғышында ҡатнашҡандар хөрмәтенә һәйкәл асты.

Һәр саҡ яңылыҡ эҙләү, күптәр тотонорға баҙнат итмәгән мәшәҡәттәргә егелеп, уларҙы уңышлы атҡарып сығыуға ынтылыш алтынсы тиҫтәһенә яҡынлаған Рәмил Бәғдәнур улын ғүмер буйына оҙатып килә. Мәктәп йылдарында ла, Башҡорт дәүләт университетында уҡығанда ла һабаҡташтары араһында бар яҡтан әүҙемлеге менән айырылып торҙо. 1979 йылда БДУ-ны тамамлап, йүнәлтмә нигеҙендә Бөрө дәүләт педагогия институтында эш башлаған йәш белгес аҙ ғына ваҡыт эсендә үҙенә бағланған өмөттө аҡлауға өлгәште. Ғаилә ҡороп, ал да гөл йәшәп алып китте, ике улы тыуҙы. 1984 йылда, Салауат ҡалаһына күсенеп, бер ҙә еңел булмаған һәм тынғыһыҙ хеҙмәтте үҙ яҙмышы итте: милиция өлкән лейтенанты формаһын кейеп, ҡаланың эске эштәр бүлегендә ябай инспектор вазифаһын үтәргә тотондо. Бурыстарын намыҫ менән башҡарып, күп маҡтауҙарға лайыҡ булып, эске эштәр идаралығы етәксеһе урынбаҫары дәрәжәһенә тиклем күтәрелде. Алдынғы тәжрибәһе бар республикаға өлгө итеп ҡуйылған хаҡлы ялдағы полковник Рәмил Нәбиуллиндың милициялағы өс тиҫтә йылға яҡын хеҙмәте оҙон яҙмаға торошло. Тик әлегә һүҙебеҙ уның яҡташтары өсөн башҡарған изге эштәре хаҡында ғына.
Ҡайҙа ғына йәшәһәң дә, бала саҡ эҙҙәре һаҡланған ер онотолмай, кесе атайсалға булған һөйөү ғүмерлек. Шулай ҙа тыуған төйәге хаҡында китап сығарыусылар күп түгел арабыҙҙа. Бер ҙә еңел булмаған был эшкә тотоноу ғына ла оло маҡтауға лайыҡ.
– Тыуған ауылым Абдулланың (икенсе исеме – Көсөкбай) боронғо икәнен ололарҙан ишетеп белә инем, – ти Рәмил Бәғдәнур улы. – Үҙ нәҫелемде өйрәнә башлап, архивтарҙа эҙләнеүем һөҙөмтәһендә ауыл тураһында мәғлүмәттәр ярайһы ғына йыйылып китте.
Ауылда йәшәүселәр тураһында иҫтәлек-хәтирәләр тупланған, төрлө осор фотолары менән биҙәлгән 350 битлек хеҙмәтен Рәмил Нәбиуллин 2012 йылда тыуған төйәгенә нигеҙ һалыныуға 230 йыл тулыу айҡанлы нәшер иткән.
Бәләкәй генә Абдулла ауылынан 63 ир-егет Бөйөк Ватан һуғышына киткән, уларҙың 42-һе Тыуған ил азатлығы өсөн башын һалған. Данлы Еңеүҙең 70 йыллығы айҡанлы ошо яугирҙәрҙең исем-шәрифе иҫтәлекле мәрмәр таҡтаташта мәңгеләштерелде. Улар хөрмәтенә парк булдырып, обелиск ҡуйыуҙы Рәмил Бәғдәнур улы башлап йөрөнө, күп ойоштороу мәшәҡәтен үҙ иңенә алды. Һәйкәлде асыу тантанаһында район хакимиәте башлығы Борис Нурисламов изге эш өсөн күп тырышлыҡ һалған уҙаманға Маҡтау хаты тапшырып, был хаҡта айырым әйтеп үтте.
Әле күркәм юбилейын билдәләгән хәләл ефете, хаҡлы ялдағы уҡытыусы Эльвира Исатай ҡыҙы менән бергәләп бихисап ағас ултыртҡан, улдарын үҙаллы тормошҡа сығарған замандашыбыҙ, ейән-ейәнсәрҙәренә ҡыуанып, үҙе теләгәнсә һалған заманса йортонда бәхетле ғүмер кисерә. Әлбиттә, ҡул ҡаушырып ултырмай, ҡала предприятиеларының береһендә яуаплы вазифа башҡара. Ветерандар ойошмаһы эшендә ҡатнашырға ла, һабаҡташтары менән осрашыуҙар ойошторорға ла ваҡытын таба ул.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 496

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 515

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 603

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 775

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 624

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 585

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 610

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 853

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 108

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 198

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 165

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 175