Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йондоҙ кеүек атылды…
Йондоҙ кеүек атылды…Бөгөн күренекле дәүләт эшмәкәре һәм ғалимИлдар Ғимаевҡа 50 йәш тулған булыр ине
Кеше ғүмеренең һиммәте оҙаҡ йәшәүҙәме, әллә Хоҙай биргән ҡыҫҡа ғына фани тормошто нисек үткәреүҙәме? Был мәсьәлә, бәлки, бәхәслелер ҙә. Әммә был донъяла яҡты эҙ ҡалдырып киткән шәхестәрҙең иҫтәлеге тиҫтә йылдар, хатта быуаттар үткәс тә онотолмай.
Республикам, халҡым тип йән атып йәшәгән, хәҙерге Башҡортостанды үҫтереүгә тос өлөш индергән шундай шәхестәрҙең береһе Илдар Рәйес улы Ғимаев ине. Бишбүләк районының Айыт ауылында тыуып үҫкән егет ябай слесарҙан алып республика кимәлендәге етәксегә ҡәҙәр данлы хеҙмәт юлы үтте. Совхоз директоры, район Советы башҡарма комитеты рәйесе урынбаҫары, район хакимиәте башлығы, Башҡортостан Республикаһы Президенты Хакимиәте етәксеһе… Ниндәй генә вазифаны башҡармаһын, Илдар Рәйес улы һәр ҡайҙа ла үҙ эшенә үтә яуаплы ҡарауы, намыҫлы булыуы, сәйәси-ижтимағи, социаль-иҡтисади мәсьәләләрҙе төплө белеүе менән айырылып торҙо. Юғары вазифа биләүгә ҡарамаҫтан, ул бер ҡасан да танауын күккә сөймәне, һауаланманы, киреһенсә, ғүмеренең һуңғы көндәренәсә ябай, итәғәтле һәм кешелекле булып ҡалды.
Илдар Рәйес улы кеүектәр тураһында ҡаратырыш тип әйтәләр. Ул үҙе лә ваҡыт менән иҫәпләшмәй эшләр ине, ҡул аҫтындағыларҙы ла эшләтә белде. Президент Хакимиәтендә хеҙмәт иткән дәүерендә уның тәҙрәһендә ут иртәнге сәғәт 7-нән киске 10-11-гә тиклем яныр ине. Дәүләт әһәмиәтендәге иң ҡатмарлы мәсьәләләрҙе хәл иткәндә аҡыл да, тәүәккәллек тә, тилберлек тә кәрәк. Әммә теге йәки был ҡарарҙың фәҡәт халыҡ мәнфәғәтендә ҡабул ителеүе мөһим. Был тәңгәлдә Илдар Рәйес улы һәр ваҡыт принципиаль ҡарашлы булды, уны өгөтләп тә, һалпы яғына һалам ҡыҫтырып та үҙ яғыңа ауҙарыу мөмкин түгел ине. Бер әйтһә, берәгәйле әйтә. Намыҫ уның иманы булды. Шуға ла министрҙар, хакимиәт башлыҡтары араһында ғына түгел, республика халҡы араһында ла абруйы ифрат ҙур ине Президент Хакимиәте етәксеһенең. Бер һүҙ менән әйткәндә, Илдар Рәйес улы ысын мәғәнәһендә талантлы етәксе ине. Дәүләт власы һәм урындағы үҙидара органдары эшмәкәрлеген камиллаштырыуға, граждандарҙың мөрәжәғәттәре менән эшләүҙе яйға һалыуға, ғөмүмән, республиканың иҡтисадын һәм социаль өлкәһен үҫтереүгә Илдар Рәйес улы тос өлөш индерҙе.
Тынғыһыҙ етәксе үҙ белемен дә даими камиллаштырыу йүнәлешендә арымай-талмай эшләне. Тыуған районына етәкселек иткәндә иҡтисад мәсьәләләре буйынса кандидатлыҡ диссертацияһы яҡлаһа, Өфөлә иһә юридик фәндәр докторы дәрәжәһенә өлгәште. Етәксе органдарҙа бай тәжрибә туплаған ғалим 2003 йылда республиканың кадрҙар «тимерлеге» — Башҡортостан дәүләт хеҙмәте һәм идара итеү академияһы ректоры — дилбегәһен үҙ ҡулына алды. Уның ярҙамы менән заманса фекерләгән бихисап йәш етәкселәр үҫеп сыҡты.
Ә 2007 йылда Илдар Ғимаев Башҡортостан дәүләт аграр университетына етәкселек итә башланы. Энергияһы ташып торған ректор был уҡыу йортонда ла тиҙ арала ыңғай үҙгәрештәргә өлгәште. Ҡыҙғанысҡа ҡаршы, үҙ-үҙен аямай эшләүе, ғәзиз ҡыҙының ғүмере авиаһәләкәттә өҙөлөүе – ошо һәм башҡа сәбәптәр Илдар Рәйес улын 2008 йылдың 16 июнендә беҙҙең аранан бик иртә алып китте… Ә бит Башҡортостан Республикаһының Дәүләт Йыйылышы — Ҡоролтай депутаты, республика ауыл хужалығының атҡаҙанған хеҙмәткәре, юридик фәндәр докторы, профессор Илдар Ғимаевҡа ни бары 46 йәш ине. Ул бер нисә кеше үҙ ғүмерендә башҡара алмаған эш-ғәмәлдәрҙе яңғыҙы бойомға ашырып китте. Китмәне, ә бары йондоҙ булып атылды… Был йондоҙ нурҙары уны яҡындан белгән меңәрләгән кешенең күңел күген киләсәктә лә яҡтыртып торасаҡ әле.

* * *
Бишбүләк районы үҙәгендә үҫмерҙәр араһында Илдар Ғимаев иҫтәлегенә арналған хоккей турниры үткәрелде. Ярышта Бәләбәй, Әлшәй, Миәкә райондарынан, боҙ хужалары — Бишбүләк һәм Айыт ауылдарынан командалар ҡатнашты.

Сараны асып, район хакимиәте башлығы Наил Ғатауллин, Илдар Ғимаев бөтә күңеле менән үҙ эшенә бирелгән яҡшы ойоштороусы, оло шәхес ине, тип билдәләне.
— Илдар Ғимаев райондың ғына түгел, бөтә республиканың үҫешенә ҙур өлөш индерҙе. Бишбүләк районында уның ҡатнашлығында газ үткәрелде, музейҙар асылды, үҫмерҙәр спорты өсөн бик күп эштәр башҡарылды. Мәҫәлән, әле районыбыҙҙа хоккей спорты киң ҡолас ала. Тиҙҙән тағы ла бер боҙ майҙансығы асыласаҡ, — тине район хакимиәте башлығы.
Бишбүләк һәм Раевка хоккейсылары — күптәнге дәғүәселәр. Ҡағиҙә буйынса, еңеүсе команда Башҡортостан Үҫмерҙәр хоккей лигаһы чемпионатының зона этабы финалына сыға. Әлеге алышта боҙ хужалары еңеү яуланы.
Турнирҙа йәш хоккейсылар өсөн халыҡ-ара класлы спорт мастеры, Рәсәй чемпионы Денис Афиногенов оҫталыҡ дәресе үткәрҙе.
Һалҡын көндә йыйылған тамашасылар өсөн аш-һыу әҙерләнде.
Н.ХӘМЗИН,
Л. ДӘҮЛИЕВА.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә

  1. Ш.В.
    Ш.В. от 15.02.2012, 23:41
    Рәхмәт, туганнар!
    күзгә яшләр китердегез
    чыннапта, китмәде, ә бары йолдоз булып атылды






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 009

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 370

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 812

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 933

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840