Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Күрҙемде барып күрегеҙ!
Күрҙемде барып күрегеҙ! Ауыл кешеһе өсөн бөгөн бигерәк тә нимә мөһим? Был һорауға, әлбиттә, төрлө яуап ишетербеҙ. “Ҡояш бирә бөтәһен дә, ергә ысыҡ төшкәнен дә, ерҙә еләк үҫкәнен дә”, – тип шиғри юлдар менән әйтеп һалғайны танышым. Ә республикабыҙҙың төньяҡ тарафтарын ҡояш йыш иркәләйме? Карл Маркс исемендәге хужалыҡ рәйесе Өлфәт ҒӘБСӘЛӘМОВ менән әңгәмәбеҙ ошо донъяуи мәсьәләләр хаҡында.

– Гәзит уҡыусыларҙы үҙегеҙҙең бәләкәй генә дәүләтегеҙ менән таныштырып үтһәгеҙсе.
– Дәүләтебеҙ улай уҡ бәләкәй түгел. Хужалыҡ ида­раһы Иҫке Күрҙемдә урынлашҡан. Бынан тыш, халыҡ телендәге Болғар (рәсми исеме – 1-се Еремйәбаш), Мәмәтәйкүсемкә (2-се Еремйәбаш), Борғонбаш, Асыу­йылға, Сараштыбаш, Ташкент һәм Юрмияҙбаш ауылдарынан да халыҡ йөрөп эшләй. Тәтешлеләрҙе лә өҫтәһәң, эшселәрҙең һаны 130-ға етә. Ауылдар бер-береһенән бик йыраҡ урынлашмаған.
Үҫемлекселек, малсылыҡ тармағы яҡшы үҫешкән. Хәйер, уларҙы бер-береһенән һис кенә лә айырып ҡарап булмай. Нисек инде бесән әҙерләмәйенсә мал аҫрап, ишәйтәһең? Шуға күрә киләсәктә сабынлыҡты киңәйтеү – төп ниәттәрҙең береһе.
Күрҙемде барып күрегеҙ!– Бөгөн нимә менән мәшғүл уңғандар?
– Техниканы яҙғы сәсеүгә әҙерләү тамамланыу алдында, орлоҡ туплайбыҙ, яғыулыҡ-майлау материалдарын хәстәрләп бөттөк. Шулай уҡ малды йәйләүгә имен-аман сығарыу, һөт һауыуҙы арттырыу – мөҡәддәс бурыстар рәтендә.
– Еңел булмаған иҡтисади шарттарҙа хужалыҡ йөгөн алып барыу ауыр түгелме, туҡтауһыҙ иҫкән көрсөк елдәре йонсотмаймы?
– Тәтешлелә тешле кешеләр йәшәй, тигән әйтем бар, был осраған һәр шырлыҡты оҫта йырып сығыуға ишара. Йәнә Күрҙем халҡында алдан күрә белеү ҡөҙрәте бар тиҙәр, ул инде замандан бер аҙым алда барыуға тиң.
Көрсөк тигәндән, барыһын да ышаныс йәшәтә, шуға күрә киләһе көндәргә яҡты өмөт менән ҡарайбыҙ. Кемгә нисектер, әсе елгә ҡарағанда ҡояштың йылы нурҙары маркстарға йышыраҡ төшә.
– Һарайҙарға һөт үткәргес урынлаштырылған, һы­уытҡыс та бар, башҡа уңайлыҡтар ҙа етерлек. Ә ниңә ошо көнгә тиклем “500 ферма” программаһына инмә­гәнһегеҙ?
– Был һорауҙы бер һеҙҙән генә ишетмәйем. Хужалыҡ заманса ҡоролмаларҙы күптән ҡуллана, малсыларҙың эше еңеләйҙе, һауынсылар ауыр күнәк күтәреп базаның бер башынан икенсеһенә йөрөмәй. Әлбиттә, программала ҡатнашырға була ул, ләкин беҙ бөтәһен дә алдан ғәмәлгә ашырғанбыҙ ҙа баһа. Уның кәрәге ҡалдымы икән? Белеүемсә, башта күп ҡағыҙ эштәре тултырыла...
– Бында өлкән йәштәгеләрҙең күплеге күҙгә салынды. Әллә әлеге сменала улар ғына инеме, йәштәрҙең ял сәғәтенә тура килдекме?
– Йәштәрҙең эшкә килергә ашҡынып тормауы, һүҙ ҙә юҡ, күңелде ҡыра. Кемдер, гәзит уҡыусыларҙың һикһән проценты пенсия йәшендәгеләр, тине. Шуның шикелле, беҙҙә лә 85–90 процентты пенсия йәшенә яҡынайыу­сылар тәшкил итә. Әгәр ҙә инде шуларҙың күбеһе хаҡлы ялға сыҡһа... Был турала уйлауы ла ҡурҡыныс!
– Һеҙҙең биләмә Яңауыл районына терәлеп ята, улай ғына ла түгел, Пермь крайы менән сиктәш урын­лашҡан. Күршеләр менән ниндәй уртаҡ ептәр бәйләй?
– Яңауылдар һәм пермдәр менән төрлө йүнәлештә ныҡлы бәйләнеш булдырылған, яҡтар араһында үҙ-ара хеҙмәттәшлек эҙмә-эҙлекле дауам итә. Айырыуса ауыл хужалығы тармағы буйынса тәжрибә уртаҡлашыу, алыш-биреш әүҙем бара. Беҙ – уларҙан, улар беҙҙән өйрәнә. Яңауылда һабантуй ҡыҙыҡлы үтә, ат сабышында ҡатнашыу – оло мәртәбә. Эш ысулдарын үҙләштереү һәм камиллашыу йәһәтенән Пермдең Барҙа районына бер барып ҡайтыу – үҙе бер ғүмер. Күршелек тәртипкә лә күн­де­рә. Күрҙемдәр хөрт йәшәргә тейеш түгел – ошо хәҡиҡәт күптән халыҡтың аңына һеңде­релгән. Иҫке Күрҙем йө­ҙөндә ситтәр Тәтешле ра­йонын, унан бигерәк Башҡорт­останды күҙ алдына баҫтыра.
– Өлфәт Фоат улы, көрсөккә бирешмәй тырышып эшләүегеҙ маҡтауға лайыҡ. Киләсәктә лә көс һәм дәрт өҫтәлеп кенә торһон һеҙгә!

Әңгәмәне Илдар АҠЪЮЛОВ ҡорҙо.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 173

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840