Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Их, ҡымыҙы, ҡымыҙы... Ҡымыҙына ни етә!
Их, ҡымыҙы, ҡымыҙы... Ҡымыҙына ни етә!
Дөб-бөррр... Ҡапыл ғына болот ҡаплаған күкте ҡылыстай йәшен телеп үтте. Халыҡса әйтһәк, биҙрәләп ямғыр ҡойҙо. Картуфҡа бик кәрәк ине, тип шатланды бәғзеләр. Бесән йыйылған, иген тулышыр өсөн ямғырһыҙ булмай, тине икенселәр. Оҙаҡ яуманы ул, ергә йылы тамсыларын күп итеп һипте лә, ҡояш йөҙөнән шаршауын тартып алып, кире китте.

Шарт-шорт... Быныһы инде сыбыртҡы тауышы. Һай, ат көтөүселәр ярышы башланып китте! Уның алдынан ғына Күгәрсен районы хакимиәте башлығы Фәрит Мусин тәбрик һүҙе әйтеп, ярышыусыларға уңыш теләгәйне.
— Беҙ һеҙҙе иҫ китмәле матур тәбиғәте менән генә түгел, эшһөйәр халҡы менән дә тирә-яҡҡа даны таралған бәрәкәтле еребеҙҙә күреүебеҙгә шатбыҙ! — тине Их, ҡымыҙы, ҡымыҙы... Ҡымыҙына ни етә!Фә­рит Мырҙагилде улы. — Бөгөн данлыҡлы Күгәрсен ерендә респуб­ликаның төрлө төбәктәренән ҡымыҙ етештереү оҫталары йыйылды. Улар, күптәргә башҡорт хал­ҡының милли эсемлеген яһау оҫталығын күрһәтеп, эш тәжрибәһе менән ур­таҡлашасаҡ, ҡымыҙ бешеү серҙәренә өйрәтәсәк.
Ярыш ҡайҙа ла ярыш инде. Бында ла сәмләнеп тотондо ҡымыҙсылар. Күгәрсен районы Аҙнағол ауылынан 78 йәшлек Әхәт ағай Сәлихов, ҡымыҙҙы боронғоса бешеү серҙәрен күрһәтеп, йыйылыусыларҙы арбаны. Ауырғазылар бигерәк йомарт инде, ана, “Урал” хужалығының баш зоотехнигы Раян Мырҙабаев ҡунаҡтарҙы шифалы ризыҡ менән һыйлай. Әйткәндәй, көрәш­селәр ауылыныҡылар — мораҙымдар бында ла һынатмай. “Беҙ көрәшә беләбеҙ ҙә ҡунаҡ һыйлай беләбеҙ”, — тип шаярта Раян. Көрәш тигәндән, бил бирмәҫ батыр ғүмерендә яурынына 160 тәкә һалған. Спорт мастеры. Ә бына даны киң таралған Вәкил Ильясовтың бүләккә алған һарығы бер көтөүлек — 550! Ошо уҡ райондың Төрөмбәт ауылында тыуған, бөгөн Нижневартовск ҡалаһында йәшәгән Марат Ибраҡов та байрамға килгәйне.
— Йыл һайын ҡайтып, тыуған яҡта ҡымыҙ эсеп китәм, — ти ул. — Шуға көрәштә бил бирмәйем...
Марат Ханты-Манси автономия округында өс тиҫтә йыл буйы көрәшеп, призлы урындарҙы бирмәй икән. Барлығы 50-нән ашыу һарыҡ алған. Бына шулай, башҡорттоң шифалы эсемлеге тәнгә лә, йәнгә лә сихәт.
Тирмә эсе гөж килә. Баҡһаң, бында ауыл хужалығы фәндәре кандидаты Светлана Канарейкина менән ауыл хужалығы фәндәре докторы Ираида Әбүбәкирова 47 райондан килгән оҫтаның ҡымыҙын баһалай икән. Кем алға сығыры үҙҙәренә лә билдәле түгел, эсемлектәр тулты­рылған һауыттарға һандар ғына яҙылған. Барыһы ла алда әле...
Үткән йыл ҡымыҙсылар конкурсы Учалыла уҙғарылған. Йола буйынса, кем еңеүсе була, киләһе йылына ошо район ҡунаҡ ҡаршылай. Быйыл хужа булыу күгәрсендәр өлөшөнә төшкән.
Их, ҡымыҙы, ҡымыҙы... Ҡымыҙына ни етә!Элегерәк конкурста ҡымыҙ бешеүселәр генә ярышһа, быйыл йылҡы көтөүселәр ҙә “көс һынашты”. Улар атҡа эйәр һалыу, һикереп менеү, һыбай йөрөү оҫталығын күрһәтте, хатта, сыбыртҡы шартлатып, толпарҙарын “бейетеү” ҙә ҡаралғайны.
— Ирем Таһир менән тәүгә генә килеүебеҙ. Икенсе йыл ҡымыҙсылыҡ менән шөғөлләнәбеҙ, — ти “Ишкилдина” крәҫтиән (фермер) хужалығы етәксеһе Рәйсә Ишкилдина. — Атайым дүрт баш ат менән башлағайны, хәҙер ғаилә шөғөлөнә әйләнде. 410 гектар һөрөнтө еребеҙ, 659 гектар көтөүлегебеҙ бар. Грантҡа тәҡдим иттеләр, уға 10 бейә, 10 ҡолон алдыҡ. Әле аттар һаны ете тиҫтәгә етеп килә. Бөтәһе 14 бейә һауабыҙ...
— Беҙҙең районда 12 фермер йылҡысылыҡ, ҡымыҙ етештереү менән шөғөлләнә, — ти Әлшәй районының баш зоотехнигы Флүр Солтанов. — Уңыштар ҙа байтаҡ. Мәҫәлән, Руслан Ахуновтың хужалығында 200 баш йылҡы иҫәпләнһә, шуларҙың 70-е — һауын бейәһе. Рәфис Әминев Ҡырғыҙ-Миәкә — Өфө юлында кафе асты. Районда йылҡысылыҡ үҫешә, шул иҫәптән, ҡымыҙ етештереү ҙә...
Әлбиттә, конкурс тураһында күп яҙып булыр ине. Шулай ҙа ярыштың иң тулҡынландырғыс мәле — еңеүселәрҙе билдәләү.
Башҡаларҙан айырмалы рәүештә, туғыҙынсы тапҡыр үткәнендә улар ике номинацияла булды: ҡымыҙсылар, йылҡы көтөүселәр. Тәүгеһендә чемпион исеменә Әлшәй районы фермеры Руслан Ахунов лайыҡ булды. Бүләккә — саф башҡорт тоҡомло айғыр! Икенсе урынға Күгәрсен районының “Тәүәкән” хужалығынан Фәтхиә Харрасова сыҡты. Өсөнсө баҫҡысҡа Учалынан Лилә Лоҡманова (“Юлдаш” хужалығы) менән Рита Стенякина (“Юрға”) күтәрелде. Дүртенсе урын Дәүләкәндән Ниғмәтуллиндар ғаиләһенә бирелде.
Йылҡы көтөүселәр ҙә һынатманы. Тәүге урынға Күгәрсендән Фаил Юлдашбаев лайыҡ булһа, уның артынса Федоровканан Салауат Насиров икенсегә күтәрелде. Өсөнсө урынға Әбйәлил районынан Раян Ҡадиров сыҡты.
Әйткәндәй, конкурста ҡатнашыусыларҙың береһе лә бүләкһеҙ ҡалманы. Эшкә дәрт, сәм алып ҡайтып китте ҡатнашыусылар. Икенсе йылға ныҡлы әҙерләнергә кәрәк, тине күптәр. Киләсәктә лә һынатмаҫҡа ине, тине еңеүселәр. Шуға ла ярыш бит...




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 175

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 893

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840