Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Төҫ менән түгел, эш менән алдыралар
Төҫ менән түгел,  эш менән алдыралар
Башҡортостан Республикаһы Президенты вазифаһын ваҡытлыса башҡарыусы Рөстәм Хәмитов эш сәфәре менән Ғафури районында булып, Игенйылға ауылында урынлашҡан “Күркәм дөйәғоштар” крәҫтиән (фермер) хужалығы эшмәкәрлеге, Красноусолда социаль торлаҡ төҙөлөшө менән танышты, “Красноусол” шифаханаһында “Старт” сервис-һауыҡтырыу комплексын асыу тантанаһында һәм христиандарҙың Изге Табын Алла Анаһының барлыҡҡа килгән урыны менән бәйле ойошторолған “Туғыҙынсы йома” байрамында ҡатнашты.


Игенйылға ауылында йәшәүсе Смирновтар ғаиләһе ауыл хужалығы өсөн ят тармаҡ – дөйәғош үрсетеү менән шө­ғөлләнә. Себер тарафында йәшәп, бынан ике йыл элек тыуған яҡтарына ҡайтып төпләнгән ғаилә былтыр дөйәғоштар үрсетеү буйынса кәҫтиән (фермер) хужа­лығы ойоштора. Үҙҙәре туплаған аҡсаға дөйәғоштар, башҡа экзотик ҡоштар һатып алып, уларға йәшәү шарттары булдырыуға өлгәшәләр. Әлфиә менән Виталий Смирновтар дөйәғош фермаһын булдырыу өсөн генә өс миллион һумдан ашыу аҡса тотона.
Фермер хужабикә Рөстәм Зәки улын үҙҙәренең хужалығы ме­нән таныштырҙы. Әле дөйәғош фер­маһында 20-нән ашыу ҡош үрсетәләр, яңы үрсем алыуға ла өлгәшкәндәр – алты дөйәғош себеше үҫеп килә. Баҙарҙа дөйәғош ите ҙур ихтыяж менән файҙалана, сөнки унда холестерин бөтөнләй юҡ. Шуға ла диета тотоусылар өсөн был алыштырғыһыҙ ризыҡ булып тора. Африка ҡара дөйәғошо итенең 1 килограмы баҙарҙа – 850, ә бер дөйәғош йо­мортҡаһы 1500 һум тора. Шулай уҡ уның йөнө, ҡауырһыны, тиреһе лә үтемле.
Хужалыҡта шулай уҡ тауистар, мысыр тауыҡтары һәм башҡа экзотик ҡоштар ҙа аҫрала. Туристарҙы йәлеп итеү маҡ­сатында Әстрхан өлкәһенән ике үркәсле дөйә лә һатып алғандар. Әйткәндәй, хужалыҡҡа алдан заявкалар буйынса экскурсиялар ойошторола. Район мәк­тәп­тәре уҡыусылары, “Красноусол” ши­фа­ханаһында ял итеүселәр һәм яҡын-тирә ҡала-райондарҙан да ки­леүселәр күп.
– Был – бик дөрөҫ йүнәлеш, һеҙ заманса эшләйһегеҙ, – тип үҙ фекерен белдерҙе Рөстәм Хәмитов. – Ысынлап та, “Красноусол” шифаханаһына йылына меңәр­лә­гән кеше килә, агротуризм йүн­әлешендә эш башлап дөрөҫ эшлә­гән­һегеҙ. Шулай уҡ лама, көнгөрә, боландар, башҡа йән­лектәр тота алаһығыҙ. Ауыл хужалығы министрлығы һеҙгә иғтибар иткәндер тип уйлайым. Мауығыусы, ғәҙәти булмаған алымдары булған кешеләр бар саҡта уларға ярҙам итергә кәрәк, – тине ул.
Башҡортостан Республикаһының ауыл хужалығы министры Николай Коваленко иһә, “Күркәм дөйәғоштар” крәҫтиән (фермер) хужалығына ярҙам күрһә­теләсәк, тип белдерҙе.
– Беҙ республикала “Яңы эш башлаусы фермерҙарға дәүләт ярҙамы” программаһына инергә һәм 1,5 миллион һумлыҡ грант алырға өмөт итәбеҙ, бының өсөн тейешле документтар әҙерләп тапшырҙыҡ. Был аҡсаға мал аҙығы әҙерләү техникаһы һатып алыр инек. Шулай уҡ киләсәктә дөйәғош фермаһын киңәйтеү маҡсатында тағы ла бер ҡура төҙөргә планлаштырабыҙ. Ҡоштар һанын 100-гә еткерергә иҫәп тотабыҙ. Ул саҡта ит баҙарына сығырға ла мөмкин буласаҡ, – тип үҙ уй-пландары менән уртаҡлашты Әлфиә Шамил ҡыҙы.
Артабан Рөстәм Хәмитов Красноусол ауылында социаль торлаҡ төҙөү барышы менән танышты. Бер ҡатлы ике йорт тулыһынса социаль етемдәр өсөн булһа, өс ҡатлы йорттағы 36 фатирҙың да 27-һе уларға тәғәйенләнгән.
Район хакимиәте башлығы Рәмил Бохаров белдереүенсә, 82 етем бала торлаҡ алыуға сиратта тора. Ошоно иҫәпкә алып район үҙәгендә тағы ла өс социаль торлаҡ йорт төҙөлә башлаған.
“Красноусол” шифаханаһы көндән-көн яңыра, матурлана. Рөстәм Хәмитов бында “Старт” сервис-һауыҡтырыу комплексын асыу тантанаһында ҡатнашты. Был бинаны төҙөүгә 100 миллион һумдан ашыу аҡса тотонолған. Шифахана директоры Фаяз Мәжитов үҙ сиратында шифахананы үҫтереүгә ярҙам иткәне өсөн Рөстәм Хәмитовҡа рәхмәт белдерҙе. Сарала ҡатнашыусылар сервис-һауыҡ­ты­рыу комплексы менән танышты. Бында реклама-мәғлүмәт үҙәге, фото-үҙәк, теле­үҙәк, типография, физкультура-һауыҡ­тырыу залы, медицина-тренажер залы, прокат бүлмәһе урынлашҡан. Һуңынан Рөстәм Зәки улы шифахананың көпләүле яһалма боҙ майҙансығы менән танышты. Бында ял итеүселәр йыл әйләнәһенә конькиҙа шыуа ала.
Республика башлығы Изге Табын Ал­ла Анаһының барлыҡҡа килеү урынында христиандарҙың “Туғыҙынсы йо­ма” байрамына ла барҙы. Илебеҙҙең төрлө төбәгенән, яҡын сит илдәрҙән меңәрләгән кеше килгән был байрамда быға тиклем республика етәксеһе ҡатнашҡаны юҡ ине әле. Шуға ла Рөстәм Хәмитовты оло­лоҡ­лап ҡаршы алдылар, хөрмәт күрһәттеләр.
– Бындай байрамдар республикала йәшәүсе төрлө милләт кешеләрен тик берләштерә генә, – тине Рөстәм Хәмитов.





Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 1 508

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 1 211

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 1 494

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 1 588

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 1 397

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 1 593

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 1 293

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 1 643

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 533

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 473

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 561

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 426