Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ниңә өлкәндәр бәғерһеҙ?
Былтыр тәфтишселәр 4,5 мең енәйәт эшенең 2,5 меңен тикшереп, 90 процентын судҡа ебәргән. Бынан тыш, үткән йылдарҙан ҡалған 151 эш ҡаралған. Был хаҡта Рәсәй Тәфтиш комитетының Башҡортостан буйынса Тәфтиш идаралығының былтырғы йыл йомғаҡтары буйынса кәңәшмәһендә әйтелде.

Идаралыҡ етәксеһе юстиция генерал-майоры Алексей Касьянов Башҡортостанда, Волга буйы федераль округындағы башҡа төбәктәр менән сағыштырғанда, кеше үлтереү кеүек айырыуса ауыр енәйәттәрҙе фашлау һанының юғарыраҡ булыуы хаҡында әйтте. Былтыр бындай 390 осраҡ теркәлгән. Был, 2012 йыл менән сағыштырғанда, 30-ға күберәк. 2013 йылда бәлиғ булмаған 400-ҙән ашыу бала зарар күргән. Уларҙың күбеһен көсләргә маташҡандар. Ошондай зыян күргәндәр араһында хатта бер йәше лә тулмаған бәпес бар! Бынан тыш, 37 бала үлгән.
– Ҡыҙғанысҡа ҡаршы, балаларға ҡарата ҡылынған енәйәттәр һаны артҡандан-арта. Республика илдәге үҫмерҙәр суициды буйынса алдынғы урындарҙың береһен биләй. Былтыр 37 ҡыҙ һәм малай үҙенә үҙе ҡул һалған. Быға иң тәү сиратта өлкәндәрҙең бәғерһеҙлеге ғәйепле, – тине А. Касьянов.
Экстремизм, коррупцияға ҡаршы енәйәт эштәрен асыу Башҡортостан буйынса Эске эштәр министрлығы, республика Прокуратураһы хеҙмәткәрҙәре менән тығыҙ бәйләнештә атҡарыла, тип билдәләнде кәңәшмәлә.
Башҡортостан прокуроры Андрей Назаров иһә прокурорҙарға кире ҡайтарылған енәйәт эштәренең кәмеүе хаҡында әйтте. Ул тәфтишселәргә законлылыҡты үтәүҙе киләсәктә лә төп маҡсат итеп ҡалдырыу кәрәклеген билдәләне.
Кәңәшмәлә республиканың иң яҡшы тәфтиш бүлексәләре лә асыҡланды. Һәйбәт эш күрһәткестәре буйынса Нефтекама район-ара тәфтиш бүлексәһе – I, Мәләүез һәм Стәрлетамаҡ район-ара тәфтиш бүлексәләре – II, Стәрлетамаҡ ҡалаһы буйынса һәм Әлшәй район-ара тәфтиш бүлексәләре III урынға лайыҡ булды. Ошо уҡ көндә иң яҡшы тәфтишселәргә дәүләт наградалары тапшырылды. Улар араһында хоҡуҡ һаҡлау органдарына енәйәтсене тоторға ярҙам иткән 26 йәшлек ҡатын да бар ине.
Былтыр 21 ноябрҙә Белорет районының Тимер юл ауылында ун ете йәшлек егет бәләкәй ҡыҙҙы көсләп, гараждар артына һөйрәй. Ошо ваҡытта Стәрлетамаҡ юл дистанцияһының контроль-үлсәү пункты электр механигы Радда Зарубина эргәнән үтеп барған була. Эске һиҙемләүе ҡатынды егет артынан эйәрергә өндәй. Аҙаҡ, енәйәт ҡылынғанлығын аңлағас, ҡысҡырып ебәрә. Уның тауышын ишеткән егет баланы етәкләп ала ла ҡаса. Әммә Радда ла аптырап ҡалмай, бер саҡрым тирәһе уларҙың артынан йүгерә һәм, енәйәтсене тотоп, хоҡуҡ һаҡлаусыларға тапшыра. Унан: «Йәш кенәһегеҙ, ҡурҡманығыҙмы?» – тип һорағас, «Бер нәмә хаҡында ла уйламаным. Кескәй баланың ғүмерен ҡотҡарыу ине төп маҡсатым. Үҙемдең дә өйҙә дүрт йәш ярымлыҡ улым үҫә бит», – тип яуап бирҙе.
Батыр ҡатынға Рәсәй Тәфтиш комитетының «Ярҙамы өсөн» миҙалы һәм ҡиммәтле бүләк тапшырылды.
Бына шулай, бөтә йәмәғәтселек менән енәйәтселеккә ҡаршы көрәш алып барғанда, тормошобоҙҙа кире күренештәр ҙә кәмер ине.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 4 008

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 3 368

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 3 916

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 3 811

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 3 174

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 3 390

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 2 932

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 3 504

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 1 892

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 1 912

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 2 072

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 1 840