Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Алтын ҡуллы оҫталар — Бөрйәнемдең байлығы
Алтын ҡуллы оҫталар — Бөрйәнемдең байлығыЯңы йыл алдынан “Башҡортостан” гәзитенең баш мөхәррире Нияз Сәлимов, талантлы шағир, билдәле драматург Салауат Әбүзәров, Башҡортостандың атҡаҙанған артисы Сәйҙә Ильясоваларҙан торған ижади төркөм Бөрйән районында булып, үҙенең уҡыусылары, шулай уҡ “Мираҫ” хәйриә фонды, Республика халыҡ ижады үҙәге ҡатнашлығында ойошторған “Һөнәрмән” конкурсы еңеүселәре менән осрашып ҡайтты.

Былай ҙа буранлап торған көндә Өфө ҡунаҡтары “тимер ат”тарында ҡар уйнатып, тау артынан тау артылып, Ҡыпсаҡ иленә – инде Башҡортостан матбуғат баҫмаларының рух ҡәғбәһенә, осрашыу майҙанына әүерелеп барған Әбделмәмбәт мәктәбенә килеп тә етте.
Уҡыусылар Салауат Әбүзәровтың халыҡсан шиғырҙарын, Нияз Сәлимовтың рухлы сығышын, ай йөҙлө, ҡояш күҙле Сәйҙә Ильясованың йыр-бейеүен алҡыштарға күмде.
Ҡыпсаҡ оҫтаһы, ҡулына эләккән һәр тимергә йән өрөүсе замана Кулибины — Иҙел Назарғолов үҙенә тәғәйен ҡиммәтле бүләк һәм дипломды ғына алып ҡалманы, робот-техниктар шөғөлләнгән кабинетта оҫталығын да күрһәтте.
Әле кешене шаҡ ҡатырырлыҡ эштәре, йомро башы, Хоҙай биргән таһылы арҡаһында йәшәйешебеҙҙе еңеләйтерлек идея-маҡсаттары күп егеттең. Иҙелгә патент алыу мәсьәләһен тиҙләтергә кәңәш итте ағайҙары. Мәктәптең алдынғы уҡыусыһы, район хакимиәте стипендиаты, сәхнәләрҙе дер һелкетеп йөрөгән Фирғәт Шәмиғолов та роботтар менән дуҫ икән. Уның ижад емеше – робот-эт ҡунаҡтарҙы сарбайлап "өрөп" ҡаршы алды, салғыйҙарынан “тартып” йөҙәтте.
Байназар тарафтары ла таланттар төбәге булараҡ билдәле. Мәктәпкә ауылдың әүҙем кешеләре лә йыйылған. Хаҡлы ялдағы уҡытыусы Рафаэль Иманғолов алтын ҡуллы оҫта булараҡ танылған: ул ағастан, тамырҙан юнып, ырып яһаған төрлө сувенирҙар, өҙмәй эшләгән сылбыр-ҡулсалар, һырлы һаплы ижауҙар, йомро шарҙарҙан хасил фигуралар – үҙе бер сәнғәт әҫәре. Тиҫтәләрсә йыл хеҙмәт дәрестәрендә үҙенә алмаш әҙерләгән уҡытыусыға ла, "Һөнәрмән" конкурсы еңеүсеһе булараҡ, ҡиммәтле бүләк һәм диплом тапшырылды. Ошо уҡ мәктәптең рәсем һәм һыҙма уҡытыусыһы, Әтектәге Алдар батыр бюсының авторы, йылдар дауамында үҙ фәнен сәнғәт юғарылығынан балаларға өйрәткән Ильяс Муллағолов та тәғәйен бүләген һәм Маҡтау ҡағыҙы алып һөйөндө.
Яңы Собханғол ауылында йәшәгән алтын ҡуллы Фазыл Кинйәбаевтың эштәре лә жюри тарафынан юғары баһаланған. Ул да был көндө "Башҡортостан"дар ҡулынан матур бүләк һәм диплом алып ҡыуанды.
Баҫма хеҙмәткәрҙәре уҡыусыларҙың һорауҙарына яуап бирҙе. Ике яҡлы һөйләшеү Сәйҙә Ильясованың аһәңле сығыштары менән үрелеп барҙы. Атаһы яғынан өләсәһе ошо яҡ кешеһе – Ғәлиәкбәр ауылынан икән уның. Күкрәк тауышы менән халыҡ йырҙарын моңло итеп башҡарыусы Сәйҙәлә лә бөрйәнсә сәм, рух, саялыҡ бар.
Район хакимиәте башлығы урынбаҫары Рәшит Монасипов менән мәғариф бүлеге начальнигы Ришат Шәрипов, бөрйәндәр “Башҡортостан”һыҙ ҡалмаясаҡ, рухи ҡәлғәбеҙҙе үҙебеҙ яҡларға, һаҡларға бурыслы, тип белдерҙе.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






Изгелек күрһәт тә бушлай киноға, бассейнға, музейға бар

Изгелек күрһәт тә бушлай киноға, бассейнға, музейға бар 01.04.2019 // Йәмғиәт

Һуңғы ваҡытта ирекмәндәр хәрәкәте беҙҙең тормошобоҙҙа һиҙелерлек урын биләй....

Тотош уҡырға 501

Һыу инергә ваҡыт етте...

Һыу инергә ваҡыт етте... 01.04.2019 // Йәмғиәт

6 апрелдә Өфө ҡалаһындағы Үҙәк баҙар янындағы Һалдат күленә килһәгеҙ, үкенмәҫһегеҙ. Унда тәүлек...

Тотош уҡырға 519

Мөхәббәт менән бәхет гел бергә

Мөхәббәт менән бәхет гел бергә 31.03.2019 // Йәмғиәт

– Мөхәббәт ҡайҙа юғала? – тип һораған атаһынан бәләкәй Бәхет. – Үлә. Кешеләр булғанды ҡәҙерләмәй,...

Тотош уҡырға 604

"Ҡайһылай оятҡа ҡалдым..."

"Ҡайһылай оятҡа ҡалдым..." 31.03.2019 // Йәмғиәт

Асыу, ярһыу кешенең бөтөн тәнен, күңелен ялмап алыусан. Шуға әҙәм балаһының бындай осраҡта...

Тотош уҡырға 779

Ризыҡ менән бергә өмөт-ышаныс өләшеп

Ризыҡ менән бергә өмөт-ышаныс өләшеп 31.03.2019 // Йәмғиәт

Ирекмәндәр Сибайҙа өс айҙан ашыу инде “Йәшәү ризығы” тип аталған мәрхәмәтлек акцияһы үткәрә: ауыр...

Тотош уҡырға 631

"Аҙыҡтың өлөшөн генә һалыр инем..."

"Аҙыҡтың өлөшөн генә һалыр инем..." 31.03.2019 // Йәмғиәт

Имам-хатип мәсеткә вәғәз һөйләргә килһә, унда бер генә кеше – йәш көтөүсе – ултыра, ти....

Тотош уҡырға 589

135 мең граждан саҡырыла

135 мең граждан саҡырыла 31.03.2019 // Йәмғиәт

Рәсәй Президенты хәрби хеҙмәткә яҙғы саҡырылыш тураһында указға ҡул ҡуйҙы. Ул кисә, 30 мартта,...

Тотош уҡырға 613

Йоҡларға ҡурҡам...

Йоҡларға ҡурҡам... 30.03.2019 // Йәмғиәт

Баҡыйлыҡҡа күскәненә тиҫтә йылға яҡын ваҡыт уҙһа ла, әсәйем һуңғы арала төшөмә йыш инә башланы....

Тотош уҡырға 856

Йәкшәмбелә ғаилә менән ҡайҙа барырға була?

Йәкшәмбелә ғаилә менән ҡайҙа барырға була? 29.03.2019 // Йәмғиәт

Ҡул эштәре менән булыу, аш-һыу бешереү, бейеү, һүрәт төшөрөү, спорт уйындары... Ә һеҙҙең ғаиләнең...

Тотош уҡырға 114

"Мин Хәйбулланан!" тип ғорурланыр йәштәр ҙә

"Мин Хәйбулланан!" тип ғорурланыр йәштәр ҙә 29.03.2019 // Йәмғиәт

Башҡортостандың 100 йыллығына арналған саралар дауам итә. Бөгөн, мәҫәлән, Хәйбулла районы үҙәге...

Тотош уҡырға 204

Сарыҡ нисек тегелә?

Сарыҡ нисек тегелә? 29.03.2019 // Йәмғиәт

Учалы тарих һәм тыуған яҡты өйрәнеү музейында башҡорттоң традицион аяҡ кейеме – сарыҡ тегеү буйынса...

Тотош уҡырға 171

15 апрелдә башлана

15 апрелдә башлана 29.03.2019 // Йәмғиәт

Учалы районы хакимиәтендә подъездарҙы төҙөкләндереү буйынса республика программаһының тормошҡа...

Тотош уҡырға 178