Балаһын туғыҙынсы ҡаттан ташлаған...13.03.2019
Бөгөн Өфөлә ҡурҡыныс ваҡиға булды – 21 йәшлек әсә туғыҙынсы ҡаттан ике йәшлек ҡыҙын ташлаған һәм артынан үҙе һикергән. Шуныһы мөғжизә – уларҙың икеһе лә иҫән ҡалған!

БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, ҡыҙҙың хәле ауыр, ә әсәһенеке – уртаса.

– Баланың хәле ауыр, әле ул реанимацияла. Әсәһенеке улай уҡ ҡурҡыныс түгел. Икеһенә ҡарата ла барлыҡ медицина ярҙамы күрһәтелә, – тине матбуғат хеҙмәте етәксеһе Светлана Ҡусҡарбекова.

Фажиғә урынында булған шаһиттар әйтеүенсә, уларҙы үлемдән тәҙрә төбөндәге ҙур ҡар өйөмө ҡотҡарған. Әле тәфтишселәр тикшереү алып бара.


Вернуться назад