– Ҡеүәтле технологик үҫеш өсөн беҙгә тикшеренеүҙәр һәм эшләнмәләрҙең заманса моделен төҙөргә кәрәк, – тине ил етәксеһе. – Нәҡ шуны күҙ уңында тотоп, төбәктәрҙә ғилми-белем үҙәктәре булдырабыҙ. Өс йыл һуҙымында бындай үҙәктәр илебеҙҙең 15 төбәгендә төҙөлөргә тейеш, шул иҫәптән, тәүге биш үҙәк быйыл асыласаҡ, ә Төмән менән Белгород өлкәләрендәгеләрҙе һәм Пермь крайындағыларҙы иһә әҙер тиһәң дә була, тиҙҙән улар эш башларға тейеш.

Башҡортостан Йәмәғәт палатаһы рәйесе Ольга ПАНЧИХИНА:
– Владимир Путин ғилми-белем үҙәктәре тураһында аныҡ итеп һөйләне. Минеңсә, бындай белем усаҡтары илебеҙҙең һәр төбәгендә лә кәрәк. Бигерәк тә Башҡортостанда, юғары уҡыу йорттары менән дан алған Өфөлә булһа яҡшы булыр ине.