Ауырғазы районының Юламан ауылында II “УЯВ” республика сыуаш мәҙәниәте байрамы ойошторолдо.

Ҡунаҡтарға бай программа — йола бейеүҙәре, “Керешу” милли көрәше, халыҡ ижады әйберҙәрен һатыу күргәҙмәһе, фольклор фестивале, гармунсылар һәм таҡмаҡ әйтеүселәр бәйгеһе, сыуаш эс­традаһы артистарының, Рәсәй төбәктәренән килгән ҡунаҡтарҙың концерт-дискотекаһы тәҡдим ителде. Спорт ярыштары, халыҡ уйындары барыһының да күңеленә хуш килде, һәр кем сыуаштарҙың тәмле аш-һыуынан ауыҙ итте.