Белорет районында Нура йылғаһы аша күпер асылды. Иҫтәлекле ваҡиға Белорет ҡалаһының 256 йыллығына арналды. Күперҙе төҙөкләндереү былтыр июль айында башланғайны. Эш билдәләнгән ваҡыттан ике йылға алдараҡ тамамланды. Күперҙәге юл һәр ҡайһыһы өс метр киңлектәге ике һыҙаттан тора, юл билдәләре, ҡоймалар ҡуйылған. Йәйәүлеләр өсөн тротуар бар.
— Был — халҡыбыҙ өсөн әһәмиәтле ваҡиға. Нура йылғаһы аша күпер ауыл менән ҡаланы бәйләп кенә ҡалмай, Белоретҡа тағы ла бер инеү юлын аса. Тиҙҙән пассажирҙар ташыған маршрут автобустары ошонан йөрөйәсәк, — тине район башлығы Владислав Миронов.