“Урал батыр” — донъя ҡомартҡыһы18.07.2018
Федерация Советының Фән, мәғариф һәм мәҙәниәт комитеты рәйесенең беренсе урынбаҫары Лилиә Ғүмәрова Якутскиҙа 2018 йылғы Халыҡ-ара интеллектуаль уйындар ваҡытында Саха (Яҡут) Республикаһының Дәүләт Йыйылышы (Ил Тумэн) рәйесе Александр Жирков, Сингапур милли университеты һәм Наньянг технология университеты профессоры, физика буйынса халыҡ-ара Азия Олимпиадаһы президенты, Халыҡ-ара интеллектуаль уйындарҙың Программа комитеты рәйесе Леонг Чуан Квек менән осрашты.

Осрашыуҙа ҡатнашыусылар “Донъя халыҡтарының эпик ҡомартҡылары” китаптар серияһын сығарыу буйынса Яҡут­стандың һәм ЮНЕСКО-ның берлектәге проекты менән ҡыҙыҡһынды. Ошо эш һөҙөм­тә­һендә ҡырғыҙҙарҙың “Манас” эпосы, алтайҙарҙың “Маадай Хара” эпик әҫәре, баш­ҡорттарҙың “Урал батыр” эпосы яҡут теленә тәржемә ителгән.
2015 йылдағы “Олонхо” ерендә донъя халыҡтарының эпостары” халыҡ-ара эпик форумы нигеҙендә, үҙ-ара тәржемә тура­һындағы килешеүгә ярашлы, “Урал батыр” башҡорт халыҡ эпосы — яҡутсаға, яҡут­тарҙың “Олонхо”һы башҡорт теленә тәржемә ителгәйне.


Вернуться назад