2017 йылда граждандарҙан һәм ойошмаларҙан Башҡортостан Республикаһы Хөкүмәтенә килгән мөрәжәғәттәрҙе ҡарау тураһындағы мәғлүмәт23.02.2018
Башҡортостан Республикаһы Хөкүмәте Аппаратында граждандар­ҙың һәм ойошмаларҙың мөрәжәғәт­тәре (артабан — граждандарҙың мөрә­жәғәттәре) менән эшләү “Рәсәй Фе­дерацияһы граждандарының мөрәжә­ғәт­тәрен ҡарау тәртибе тураһында”ғы Федераль законға, “Башҡортостан Республикаһында граждандарҙың мөрәжәғәттәре тураһында”ғы Баш­ҡортостан Республикаһы Законына, Башҡортостан Республикаһы Хөкү­мәте Регламентына, Башҡортостан Республикаһы Хөкүмәте Аппаратында эш башҡарыу инструкцияһына ярашлы ғәмәлгә ашырыла.
Мөрәжәғәттәр менән эшләүгә ҡа­ғы­лышлы мәғлүмәттәрҙең барыһы ла республика Хөкүмәтенең интернет сел­тәрендәге http://www.pravitelstvorb.ru рәсми порталында урынлаштырылған. Граждандар Башҡортостан Рес­пуб­ликаһы дәүләт органдары етәкселә­ренең күсмә ҡабул итеү графигы, кил­гән мөрәжәғәттәргә анализ, бәйләнеш реквизиттары, шулай уҡ интернет аша республика Хөкүмәтенә мөрәжәғәт итеү алымы менән таныша ала.
Ярты йыллыҡ йомғаҡтары буйынса Хөкүмәткә килгән мөрәжәғәттәрҙе ҡа­рау тураһындағы мәғлүмәт Баш­ҡорт­остан Хөкүмәте Премьер-министрына ебәрелә, Хөкүмәттең рәсми сайтында урынлаштырыла, шулай уҡ “Республика Башкортостан”, “Баш­ҡортостан”, “Кызыл таң” матбуғат баҫмаларында донъя күрә. Баш­ҡортостан Республи­каһында Кеше хоҡуҡтары буйынса вәкилгә мәғлүмәт уҙған йыл йомғаҡтары буйынса ебәрелә.

Граждандарҙың мөрәжәғәттәре статистикаһы

Отчет осоронда Башҡортостан Республикаһы Хөкүмәтенә 17 063 мөрәжәғәт килгән. Уларҙа күтәрелгән мәсьәләләрҙе хәл итеү өсөн республика Башлығы Хакимиәтенән 2 313, Рәсәй Федерацияһы Президенты Хакимиәтенән – 5 713, Рәсәй Фе­дерацияһы Федераль Йыйылы­шының Дәүләт Думаһынан – 261, Рәсәй Федерацияһы Хөкүмәте Аппаратынан – 334, граждандар һәм ойош­маларҙан 8 442 мөрәжәғәт кәрәкле адресатҡа ебәрелгән. Юғары дәүләт власы органдарына граждан­дарҙың һәм ойошмаларҙың мөрә­жәғәттәре буйынса мәғлүмәт һорап 379 хат килгән.

Мөрәжәғәттәрҙең төп темалары

2017 йылда хат авторҙары 17 629 мәсьәләне күтәргән. Шуларҙың 6 430-ы (36,5%) – торлаҡ-коммуналь өлкәгә, 4 666-һы (26,4%) – иҡтисадҡа, 3 125-е (17,7%) – дәүләт, йәмғиәт һәм сәйәсәткә, 3 098-е (17,6%) – социаль өлкәгә, 310-ы (1,8%) оборонаға, именлеккә һәм законлылыҡҡа ҡарай.
Торлаҡ-коммуналь хужалыҡ өлкәһендәге мәсьәләләр тәү сиратта торлаҡ шарттарын яҡшыртыуға, граждандарҙы торлаҡ менән тәьмин итеүгә, авария хәлендәге һәм иҫке йорттарҙан күсереүгә (538 – 3%), дөйөм мөлкәтте тейешенсә ҡарамауға, коммуналь хеҙмәттәрҙең сифатһыҙ булыуына (2 675 – 15,2%) ҡағыла. Иҡтисад өлкәһендә граждандарҙың төҙөлөштә өлөшләтә ҡатнашыуы, ошо тармаҡта дәүләт контроле һәм күҙәтеүе (1081 – 6,1%), юлдың сифат­һыҙлығы, күпер төҙөү, төҙөкләндереү, тимер юл, авиа- һәм һыу транспорты объекттарын төҙөү һәм реконструкциялау (937 – 5,4%), ҡала, ҡасаба­ларҙы төҙөкләндереү, ихаталарҙы йәшелләндереү, балалар майҙансыҡ­тарын ойоштороу (1 030 — 5,8%), подвалдан, барактан, коммуналь фатирҙан, дөйөм ятаҡтан, авария хәлендәге иҫке торлаҡтан, санитария-һаҡлау зонаһынан күсереү (345 — 2%), ҡаты көнкүреш ҡалдыҡтары полигондары төҙөү, тирә-яҡ мөхитте һәм атмосфера һауаһын һаҡлау (540 — 3%) проблемалары күтәрелә. Социаль өлкәлә иһә халыҡты һаулыҡ һаҡлау, физик культура, спорт, туризм (1 021 – 5,8%), мәғариф, фән, мәҙәниәт (692 – 4%), хеҙмәт һәм мәшғүллек (347 – 2%), социаль тәьминәт һәм социаль страховка (890 – 5%), ғаилә (260 – 1,5%) мәсьәләләре борсой. Дәүләт, йәмғиәт, сәйәсәт өлкәһенә ҡағылышлы 1 036 мөрәжәғәт килгән – дөйөм һандың 5,9 проценты. Мөрә­жәғәттәр структураһына ҡарағанда, улар, нигеҙҙә, Өфө (6 109), Стәр­летамаҡ (1 085), Октябрьский (712), Нефтекама (394) ҡалалары, шулай уҡ Өфө (344), Туймазы (271), Ишембай (228), Иглин (191), Стәрлетамаҡ (94) райондары халҡынан килгән.

Граждандарҙы шәхси ҡабул итеү хаҡында

Халыҡтың хат аша һәм телдән мө­рәжәғәттәре менән эшләүҙе тейе­шенсә ойоштороу маҡсатында Баш­ҡортостан Республикаһы Хөкүмәте бойороғона ярашлы, республика Хөкүмәте Премьер-министры, уның урынбаҫарҙары, дәүләт органдары етәкселәре тарафынан киләһе кварталға граждандарҙы күсмә ҡабул итеү графигы раҫлана. Райондарҙа һәм ҡалаларҙа ошондай саралар үткәреү датаһы тураһында киң мәғлүмәт сараларында хәбәр ителә.
Хөкүмәттең Интернет селтәрендәге http://www.pravitelstvorb.ru рәсми порталында халыҡты күсмә ҡабул итеү графигы урынлаштырылған.
Башҡортостан Республикаһы Хөкүмәте Премьер-министры һәм уның урынбаҫарҙары Республика йортондағы йәмәғәтселекте ҡабул итеү бүлмәһендә (Өфө ҡалаһы, Туҡай урамы, 46) ошондай саралар үткәрә. Отчет осоронда Республика йортондағы йәмәғәтселекте ҡабул итеү бүлмәһендә ойошторолған 24 сарала 157, 30 күсмә сара барышында 283 кеше ҡабул ителгән. Дәүләт органдары етәкселәре 221 күсмә ҡабул итеү барышында 1 237 кешенең мөрәжәғәтен ҡараған.


Вернуться назад