Бәләбәй төҙөкләнә23.12.2016
Бәләбәй төҙөкләнә Бәләкәй ҡалаларҙы үҫтереү фондының Күҙәтеү советы Бәләбәйҙәге яңы инвестиция проекттарын тормошҡа ашырыу маҡсатында инфраструктура объекттарын төҙөү буйынса сығымдарҙы берлектә финанслауға Башҡортостандың заявкаһын хупланы.
Заявкала ике инвестиция проекты – Бәләбәй һөт комбинатының ҡеүәттәрен техник яҡтан комплекслы йыһазландырыу һәм “АММА” фәнни-етештереү предприятиеһында металл конструкциялар сығарыуҙы ойоштороу тураһында һүҙ бара. Беренсе проектта Фонд ярҙамы менән таҙартыу ҡоролмалары төҙөү, икенсеһендә иһә электр менән тәьмин итеү күҙаллана. Финанслауҙың планлаштырылған күләме – 250 миллион һумдан ашыу, шуның 239 миллион һумын Фонд бүләсәк. Проекттарҙы ғәмәлгә ашырыу һөҙөмтәһендә 2020 йылға 2,6 миллиард һум самаһы табыш алыу, 300-ҙән ашыу эш урыны булдырыу мөмкинлеге бар.


Вернуться назад