Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Тамашасы һөйөүе һүнмәҫ
Тамашасы һөйөүе һүнмәҫ“Театр – зауыҡлыларҙың, фекерҙәштәрҙең байрамса осрашыу майҙаны, күңел бөтәйтеп ҡайтыр урын”, — ти Ғайса Хөсәйенов. Ысынлап та, Салауат башҡорт дәүләт драма театры ҡала башҡорттарының ғына түгел, башҡа милләт вәкилдәренең дә донъя мәшәҡәттәренән арынып, ял итер, фәһем алыр, рух байытыр мәҙәни усағына әүерелгән. Уны республикабыҙҙа ла, илебеҙҙең башҡа төбәктәрендә лә беләләр, яраталар. Театрҙың 80 йыллыҡ юбилей тантанаһы сәнғәт һөйөүсе салауаттарҙың һәм ҡала ҡунаҡтарының йөрәк йылыһын һыйҙырған, тамашасы һөйөүенең мәңгелек икәнен иҫбатлаған күркәм сара булды.

Байрам абруйлы ҡунаҡтарҙы “Юрматы ере” мемориаль комплексында ҡаршылауҙан башланды. Бөйөк Ватан һуғышында һәләк булғандар иҫтәлегенә сәскә һалғандан һуң, Салауат ҡалаһы менән танышыу Картиналар галереяһында дауам итте. Унда театрҙың тарихын сағылдырған күргәҙмә асылды.
Артабан ҡунаҡтар митингта ҡатнашты. Сара һуғыш йылдарында театрҙы һаҡлап алып ҡалған ете ҡыҙ – Зәкиә Әхмәрова, Ғәзизә Насирова, Шәрифә Мөхәмәҙиева, Гөлсөм Мирғәсимова, Нәҡиә Алтынбәкова, Айһылыу Ғәниева һәм Нәғимә Дәүләтшина – иҫтәлегенә мемориаль таҡтаташ асыуға бағышланғайны. Ир-егет яуға китеп бөткәс, ҡыҙҙар аслыҡ-яланғаслыҡҡа ҡарап тормай, ирҙәр ролен үҙҙәре уйнап, гастролдәрҙә йөрөй, ауыр йылдарҙа, халыҡтың күңелен күтәреп, рухи көс биреп, театрҙы ябылыуҙан һаҡлап ҡала. Был тарих Нәжиб Асанбаевтың “Ете ҡыҙ” спектаклендә һүрәтләнә.
Артабан юбилейға арналған тантаналы сара театр сәхнәһендә дауам итте.
— Салауат башҡорт дәүләт драма театры — ҡалабыҙҙың ғына түгел, республикабыҙҙың һәм халҡыбыҙҙың мәҙәни ҡаҙанышы, сәнғәтебеҙҙең йөҙөк ҡашы, – тине ҡала хакимиәте башлығы урынбаҫары Дилбәр Мостафина. Ул Салауат башҡорт дәүләт драма театрына ҡиммәтле бүләк, ә директор Наилә Сәфәрғоловаға һәм бер төркөм артисҡа Салауат ҡалаһы хакимиәтенең маҡтау грамоталарын тапшырҙы.
— Бөгөнгө байрам — салауаттарҙыҡы ғына түгел, тотош республикабыҙҙағы, башҡа төбәктәрҙәге милләттәштәрҙең дә шатлығы. Сираттағы изге эшегеҙ – мәрхүмдәрҙең исемен мәңгеләштереү менән һеҙ Хоҙай алдында ҙур сауап алдығыҙ. Был Салауат театрының киләсәктәге уңыштарына фатиха булыр, — тине Башҡортостан Республикаһы Дәүләт Йыйылышы – Ҡоролтайҙың Мәғариф, фән, мәҙәниәт, спорт һәм йәштәр эштәре буйынса комитеты рәйесе урынбаҫары Эльвира Юнысова.
Мәҙәниәт министры урынбаҫары Шамил Абдраҡов ялҡынлы ҡотлау һүҙҙәренән һуң шатлыҡлы хәбәр еткерҙе. Башҡортостан Республикаһы Президенты Указы менән артист Фәтих Ҡолһаринға — “Башҡортостандың атҡаҙанған артисы”, ә театрҙың рәссамы Альберт Нестеровҡа “Башҡортостандың атҡаҙанған сәнғәт эшмәкәре” тигән маҡтаулы исем бирелеүен артистар ҙа, тамашасылар ҙа оло ҡыуаныс менән ҡабул итте. Артабан Шамил Наил улы Мәҙәниәт министрлығының Рәхмәт хаттарын тапшырҙы.
Салауат башҡорт дәүләт драма театры — республикабыҙҙа билдәле һәм абруй ҡаҙанған сәнғәт усағы. Уны юбилейы менән ҡотларға театр башланғыс алған Ауырғазы районы вәкилдәре, Башҡортостандың барлыҡ театрҙарынан коллегалары, киң мәғлүмәт саралары вәкилдәре килгәйне. Ҡаланың “Салауат” гәзите ойошторған “Театр кешеһе” проекты еңеүсеһе лә билдәләнде. Тамашасылар һәм гәзит уҡыусылар быйыл иң күп тауышты йәш артист Рафаэль Ғәйнуллинға биргән.
Бына кисәнең иң тулҡынландырғыс минуттары етте – театр тарихында 20-се тапҡыр “Йыл актеры” билдәләнде. Быйыл был маҡтаулы премияға бер генә түгел, дүрт актер лайыҡ булды. Туфан Миңнуллиндың “Әллә яҙмыш, әллә яңылыш” пьесаһы буйынса ҡуйылған спектаклдәге образдар өсөн Нәүфилә Яҡупова, Наҙгөл Иҫәнбаева, Риф Мусин һәм Фәтих Ҡолһаринды оло уңыштары менән Башҡортостан Республикаһының Театр эшмәкәрҙәре союзы рәйесе Әхтәм Абушахманов ҡотланы.
Сәхнә түрендәге символика иһә (80+йөрәк=мәңгелек) Салауат башҡорт дәүләт драма театрының үлемһеҙ ижадының һәм уға булған тамашасы һөйөүенең һүнмәҫ булырына ишара.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 649

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 535

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545