Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Йырламаһам, йөрәк яныр
Йырламаһам, йөрәк янырТере Салауатыбыҙ!

Бөтөп бара, имеш, тиҙәр,
Һеҙҙең башҡорт затығыҙ.
Бары таш һын ғына, тиҙәр,
Һеҙҙең Салауатығыҙ.
Алдай улар, ышанмағыҙ,
Тере Салауатыбыҙ!
Имән ағасындай ныҡлы
Беҙҙең башҡорт затыбыҙ.

Теләһәгеҙ, йөрәгемә
Мылтыҡ терәп атығыҙ!
Үҙ һүҙемде кире алмам:
Тере Салауатыбыҙ!
Беҙҙең йөрәктәрҙә йәшәй
Уның рухы, булмышы.
Ул бит тыуған еркәйемдең
Тынмаҫ һайрар бер ҡошо.

Гөрләп сәскә ата бөгөн
Башҡортостан — йортобоҙ.
Беҙҙең йөрәк түрҙәрендә
Йәшәй Салауатыбыҙ!
Теләһәгеҙ, йөрәгемә
Мылтыҡ терәп атығыҙ.
...Үлгәндә лә ҡабатлармын —
Тере Салауатыбыҙ!

Булһаң икән...

Булһаң икән көҙҙәреңдә
Балланған ал емештәй.
Их, ҡартаймай торһам икән,
Хәлдәремдән килмәҫтәй.
Күңелкәйем булһа икән
Таҙа һәм саф инештәй.
Кеше булып ҡалһаң икән
Ауырлыҡҡа бирешмәй...
Етер инде. Ир кешегә
Хыялланыу килешмәй.
...Илле йәшкә кереп барам,
Һаман аҡыл етешмәй.

Күктәргә менеп һайрайым

Ҡайҙа баҫып һайрайым һуң,
Әйтегеҙ, ҡайҙаныраҡ?
Ни тиһәң дә, күңел йырлай,
Йөрәгем ҡайнарыраҡ!
Ниндәй эштәр башҡарайым
Халҡыма файҙалыраҡ?
Яҡты хыялдар ҡорғанда —
Йөрәгем ҡайнарыраҡ!

Һабантурғай бул, күңелем,
Тор һәр саҡ һайрабыраҡ.
Йырламаһам — йөрәк яныр,
Йөрәгем ҡайнарыраҡ.
Йөрәккәйем, туҡтай күрмә,
Йә типмә яйлабыраҡ.
Мәрхәмәтле һәм сабыр бул,
Бул һәр саҡ ҡайнарыраҡ.
Күктәргә менеп һайрайым,
Унда бит юғарыраҡ.
Бер туҡтауһыҙ күңел йырлай,
Йөрәгем ҡайнарыраҡ!

Һин булғанға

Бал һаҡлаған бал ҡортондай
Йәлләмәйсә саҡ мине.
Йәшен тубына әйлән һәм
“Һә” тигәнсе тап мине.
Әйҙә, шартлайыҡ икәүләп,
Рәхәт бергә шартлауы.
Мөмкин түгел ғашиҡтарҙың
Берен-бере тапмауы!

Һунарсының ҡулындағы
Мылтыҡ булып ат мине.
Йә сит яҡҡа, башкиҫәргә
Һин ҡол итеп һат мине.
Мин риза төрлө яҙмышҡа,
Тик айырма һөйөүҙән.
Тормош былай ҙа ҡоролған
Бары янып-көйөүҙән...

Ҡол булһам да, ирек, тиеп
Ашҡыныр күңелкәйем.
Һин булғанға, мөхәббәтле,
Бәхетле ғүмеркәйем!

Туған телем

Кемдер, беләм, аҡса эшләй,
Беләм, кемдер мал таба.
Ижад иткән саҡта ғына
Минең күңел ял таба.

Булғанына шөкөр итәм,
Йәшәйек, тим, һау ғына.
Мин дә артыҡ ярлы түгел,
Уй-хистәргә бай ғына.

Ғәйбәтселәр ағыу сәсә,
Егәрлеләр мал таба.
...Туған тел, тиеп йәшәйем,
Туған телдән — бал тама!

Дуҫтарыма

Һеҙ йәйҙәрен мине эҙләмәгеҙ,
Сабынлыҡта үтә йәйҙәрем.
Бесән сабып, еләк йыйған саҡта
Мин табамын донъя йәмдәрен.

Һеҙ көҙҙәрен миңә килегеҙсе —
Мин бушыраҡ булам көҙҙәрен.
Һеҙҙе күрһәм,
күңел йырлай башлар,
Йәшләнеп тә китер күҙҙәрем.

Һеҙ көҙҙәрен миңә килегеҙсе —
Беҙ тәмләрбеҙ алма тәмдәрен.
...Дуҫтар менән
бергә булған саҡта
Мин табамын донъя йәмдәрен!

Яҡты көн

Көн ултырырға самалай,
Уның юлдашы — ҡояш.
Уларға мин өндәшәмен:
“Зинһар, булмағыҙ йыуаш!
Һеҙгә болоттар һырығыр,
Йәшендәр ҡаҙар уғын.
Онотмағыҙ, үҙегеҙҙә —
Тылсым көсө барлығын!”
Көн ултырырға самалай,
Күрһәтә мин-минлеген.
...Яҡты көнгә теләп ҡалам
Донъялар именлеген!




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 649

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 535

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545