Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Ваҡланабыҙ түгелме?
Башҡортостан журналистарының ижади әүҙемлеген үҫтереү, киң мәғлүмәт сараларының һәләтле хеҙмәткәрҙәрен дәртләндереү йәһәтенән республиканың Журналистар союзы идараһы 1989 йылдың 8 апрелендә Рәсәйҙә беренсе булып күренекле дәүләт эшмәкәре, талантлы башҡорт публицисы һәм яҙыусы Шәһит Хоҙайбирҙин исемендәге йыл һайын бирелә торған премия булдырғайны.
Ҡарарҙа әйтелгәнсә, ул тик Журналистар союзы ағзаларына, йәғни профессионалдарға өс тармаҡ буйынса тәғәйенләнә. Тәүгеһе — очерктар, документаль повестар һәм мәҡәләләр, икенсеһе — телевизион һәм радиотапшырыуҙар, өсөнсөһө фоторепортаждар шәлкеме өсөн.
Тәүге лауреаттарға премияны шул уҡ йылдың 9 октябрендә, йәғни Ш. Хоҙайбирҙиндың тыуған көнөндә, Матбуғат йортоноң ҙур залында Шәһит Әхмәт улының ҡатыны Маһруй Мөхәмәтшәрип ҡыҙы менән уның ҡыҙы — балерина, Башҡортостандың халыҡ, Рәсәйҙең атҡаҙанған артисы Тамара апай Хоҙайбирҙина тапшырғайны.
Башҡортостан Республикаһы Министрҙар Кабинетының 1996 йылдың 30 сентябрендәге ҡарары менән ул “Башҡортостан Республикаһы Министрҙар Кабинетының (хәҙер Хөкүмәт) Шәһит Хоҙайбирҙин исемендәге премияһы” тип үҙгәртелде, йәғни уның статусы күтәрелде.
Бөгөн был премия лауреаттары 80-гә етте. 2008 йылдың апрелендә журналистика ветерандарының конференцияһы “Шәһит Хоҙайбирҙин исемендәге премия лауреаттары” тигән йыйынтыҡ сығарырға ла ҡарар иткәйне. Ул эш бөгөн тамамланып бара.
Әммә бер нәмә эсте бошора. Үкенескә ҡаршы, ҡарарҙа билдәләнгән шарттар бына нисә йыл рәттән тупаҫ боҙолоп килә. Үрҙә һаналған 80 лауреаттың тик 15-е генә телевидение һәм радио журналисы, өсәүһе генә — фотохәбәрсе.
Был — бер. Икенсенән, премия йыш ҡына осраҡлы, йәғни киң мәғлүмәт сараларында эшләмәгән кешеләргә бирелә башланы.
Премияның быйылғы лауреаты Сибәғәт Рахманғолов күптән түгел Башҡортостан юлдаш телестудияһындағы әңгәмәһендә: “Шәһит Хоҙайбирҙин премияһы ҡайһы саҡта ҡоҙа-ҡоҙағыйлыҡ, ағай-энелек, дуҫ-ишлек принцибы менән бирелә”, — тигәйне. Хаҡ һәм бик ваҡытлы әйтелгән һүҙҙәр. Ысынлап та, һуңғы йылдарҙа премияның номенклатура күҙаллауҙарына, идеология маҡсаттарына, хатта иерархия баҫҡыстарына ҡарап та бирелеү осраҡтары аҙ түгел.
Положениеға ярашлы, әҫәрҙәр хеҙмәт коллективтары йыйылыштарының протоколы менән комиссияға 15 июлдән 1 сентябргә тиклем ебәрелә. Комиссияға алынған әҫәрҙәрҙең исемлеге киң йәмәғәтселек тикшереүенә сығарыу өсөн республика матбуғатында баҫыла һәм телевидение, радионан тапшырыла. Конкурс һөҙөмтәләре буйынса комиссия ҡарары Башҡортостан Хөкүмәтенә 1 октябргә тиклем бирелә һәм уның бойороғо менән Ш. Хоҙайбирҙиндың тыуған көнөндә республика гәзиттәрендә баҫыла, телевидение һәм радионан тапшырыла.
Был положение ла һаман боҙолоп килә. Быйыл, мәҫәлән, ундағы бер генә срок та иҫәпкә алынманы, һәм премияны тапшырыуҙы ла 10 көнгә һуңлаттылар. Тимәк, комиссия ағзалары положениены белмәй, уҡығаны ла юҡтыр. Комиссияны алмаштырыу, улар урынына Башҡортостан журналистикаһы өсөн янып-көйгән компетентлы һәм профессиональ журналистарҙы ҡуйыу хәстәрлеген күрергә кәрәк.
Минеңсә, премияға кандидаттар һайлағанда дәғүәселәрҙең бер генә сағыу сығышын түгел, бәлки, уларҙың барлыҡ ижад юлын, республикабыҙ журналистикаһына индергән өлөшөн дә иғтибарға алырға кәрәктер.
Ризван ХАЖИЕВ,
1988—1996 йылдарҙа Башҡортостан Журналистар союзы рәйесе, Шәһит Хоҙайбирҙин исемендәге премияны ойоштороусыларҙың береһе.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 651

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 749

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 382

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545