Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
Рияз Мәсәлим,
Бөрө дәүләт педагогия һәм социология академияһы уҡытыусыһы, доцент:

– “Башҡортостан” –бала сағымдан яратып уҡыған гәзит. Ул көн һайын сыға торғайны, хатта йәкшәмбе лә. Дөрөҫөн әйткәндә, күп балалы ғаиләбеҙҙә барыбыҙ ҙа (ололар һәр ваҡыт колхоз эшендә) тап “Совет Башҡортостаны” гәзите мәҡәләләренең баш хәрефтәренән уҡырға өйрәндек. Нурсилә апайымдың (үҙе, моғайын, беренсе-икенсе класта ғына булғандыр әле) беҙҙе, бәләкәй туғандарын, уҡытыусы булып ҡыланып, “Совет Башҡортостаны” гәзитенең баш хәрефтәрен таныттырғаны әле лә хәтерҙә, баҫманың ул ваҡыттағы логотибы һаман күҙ алдында.
Күп йылдар үтеп, юғары уҡыу йорто уҡытыусыһы булып киткәс тә, “Башҡортостан” шулай уҡ яратҡан баҫмам булып ҡала.
“Башҡортостан” гәзите рәсми баҫма булһа ла, ул йәшәйештең төрлө яҡтарын, тармаҡтарын яҡтыртҡан яҙмаларҙы сығара, журналистар ҡыйыу һәм төплө һүҙле репортаждар, мәҡәләләр менән сығыш яһай.
Баҫмабыҙҙың юбилейы ыңғайы, тарихсы булараҡ, гәзит етәкселәре һәм башҡорт журналистарының тарихи ғәҙеллеккә ынтылыуын хупламаҡсымын. Гәзиттә “Башҡорт хөкүмәте 1917-1918 йылдарҙа “Башҡорт иттифаҡи бюроһының мөхбире”, “Башҡорт”, “Башҡорт тауышы”, “Башҡортостан хөкүмәтенең теле” тип аталған гәзиттәр сығара”, тип яҙылды ("Башҡортостан", 2012 йыл, 12 март, 47-се һан). Был — раҫ! Юғиһә заманында, “Совет Башҡортостаны” гәзите осоронда, беҙҙең баҫманы Хөсәйен Ямашев етәкселегендә Ырымбурҙа татар социал-демократтары сығарған “Урал” гәзите (1906) вариҫы итеп һанап йөрөнөләр.
“Башҡорт иттифаҡи бюроһының мөхбире” – бына ул беренсе милли башҡорт баҫмаһы! Башҡортостан өлкә бюроһы гәзитенең берҙән-бер һаны 1917 йылдың 14 (27) июнендә Ырымбурҙа сыға. Уны ойоштороусылар – Башҡортостан милли ерле мөхтәриәтенә нигеҙ һалыусылар Сәғит Мираҫов менән Аллабирҙе Йәғәфәров. Был һанда Әхмәтзәки Вәлидиҙең “Башҡорттарҙың алдында торған эштәре” тигән ҙур күләмле мәҡәләһе баҫыла. Ул асылда –милли декларация характерындағы мәҡәлә. Шулай итеп, милләтебеҙҙең данлы тарихы төп баҫмабыҙҙың беренсе һанында уҡ сағылыш тапҡан. “Башҡортостан” гәзите ошо традицияларҙы дауам итһен, заман елдәренә бирешмәй, милли матбуғат маяғы булып, тағы ла сағыуырак балҡыһын, тигән теләктә ҡалам.

Ләйсән ИҘРИСОВА-НОҒОМАНОВА,
Урал дәүләт иҡтисад университеты телерадиостудияһының баш мөхәррире:


— Бала саҡтан хәтергә уйылып ҡалған күренеш: эштән арып ҡайтҡан атай “Совет Башҡортостаны” гәзитен уҡый. Был ваҡытта беҙ шып-шым, уға ҡамасауламаҫҡа тырышабыҙ. Гәзиткә ҡарата ихтирам тойғоһо студент йылдарында ла көслө ине. Атайым кәңәшенә ҡолаҡ һалып, сираттағы практиканы “Башҡортостан” гәзитендә үттем. Шулай итеп, матбуғаттағы беренсе аҙымдарым да ошо гәзит менән бәйле. Ул ваҡытта баш мөхәррир булып эшләгән Тәлғәт Сәғитовтың, өлкән журналистарҙың йылы ҡаршылауы әле лә хәтерҙә. Тәү сиратта атайым Ғилман Иҙрисовты белгәнгә, һуңынан, әлбиттә, тырышлығымды күреп үҙ иттеләр тип ышанам. Дүртенсе курста практика үткәндә, буласаҡ ҡайным Барый Ноғоманов менән таныштым. Ҡыҙығы шунда: Юлай менән әле бер тапҡыр ҙа осрашҡаныбыҙ булманы. Һәр ата-әсә балаһы менән ғорурлана. Буласаҡ ҡайным да хеҙмәттәштәренә улы тураһында һөйләй ине. Мөхәббәткә орлоҡ та ошо мәлдә һалынғандыр.
Атайым “Башҡортостан” гәзитендә өс-дүрт йыл тирәһе эшләне. Һүҙ ҡәҙерен белгән шағирға яҙышыу, ҡәләмдәштәре менән бергә ижад итеү көндәлек эш түгел, ә күңел байрамына тиң ине. Ул иҡтисад, ауыл хужалығы темаларына әүҙем яҙҙы. Атайымдың һәр эшкә мөкиббән бирелеп эшләүе, дәртләнеп ижад итеүе мине лә журналистикаға әйҙәне. Әле Башҡортостандан ситтә йәшәһәм дә, ғаиләбеҙҙең яратҡан гәзите “Башҡортостан”дан айырылғаныбыҙ юҡ.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 650

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 536

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545