Вконтакте facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Хәтерҙәрҙә тере ҡалыр өсөн...
Хәтерҙәрҙә тере ҡалыр өсөн...Дамир ШӘРӘФИ

Киләсәк мин

Иртәгәмде әле беләм дә ул,
Ә ары һуң ҡайҙа китергә? —
Бер ҡабынып, берсә юҡҡа сығып,
Йөрөй унда монар-хәтирә:

Йә берәүҙә шиғри осҡон тыуа,
Минән ҡалған эҙҙән ҡабынып,
Йә нәсәбем иҫкә алып ҡуя,
Шәжәрәмә остан тағылып...

Ә шулай ҙа шаулы табындарҙа,
Үлсәм юҡта әйткән һүҙҙәргә,
Ҡыҙыу бәхәс сәбәпсеһе булып
Мин мотлаҡан уҙам түрҙәргә, —

Ана шунда йәшәүемде тоям,
Шунда миңә баһа бирелә!..
... Ә әлегә, бына ул — мин, тиеп,
Шәпмен дә ул, тиеп йөрөлә...

Әлегем шул монар-киләсәктән
Ысынтылап, буғай, көнләшә:
“Хәтерҙәрҙә тере ҡалыр өсөн
Киләсәктә бөгөн һин йәшә!..”

Ҡәләмдәш дуҫтарға

Беҙ инек — саф күҙ инек,
Холоҡташ игеҙ инек...
Бер-беребеҙгә ҡот инек тә,
Кәрәктә — тос һүҙ инек.

Беҙ инек — илдәш инек,
Заманға көндәш инек,
Аҡһаҡалға тиңдәш инек,
Үҙебеҙ йәп-йәш инек...

Беҙ инек — берҙәм инек,
Тотошлай йәм, сәм инек...
Ҡай арала таралдыҡ та
Ни арала кәменек?..

Беҙ инек — хисле инек,
Һүрелмәҫ төҫлө инек.
Кемлекте иҫләргә ҡалды,
Болоҡһоу кискә инеп:
Кем инек беҙ, кем инек?!

Сәләм төшө

Сәфәрендә йонсоп аҙашҡанмы? —
Алыҫ-алыҫтарҙан сәләмең
Төштә генә бөгөн килеп инде.
Кем ғәйепле: һинме, әллә мин?

Төштә күргәс, сәбәп миндә һымаҡ.
Тик төшөнә кем һуң хакимдар?
Онотаһың йән дуҫтарҙы, тиеп
Шелтәләргә, былай, хаҡым бар.

Һин ҡайҙалыр хәҙер — белгән дә юҡ.
Ә сәләмең ихлас, илгәҙәк...
Мәле еткәс, әйләнәңде барлау —
Кешелектә йәшәй ул ғәҙәт.

Шул миҙгелгә етәбеҙ ҙә икән,
Төштә шуны иҫкә төшөрҙөң.
Кер төштәргә, үкенесен өйкә
Моңһоҙлоғон тойған иҫәрҙең...

Мәлдәр

Үтә донъя:
Илертерлек эҫе
Ямғыр менән кинәт алмашына...
Ышаныс ҙур — әрнеткес күҙ йәше
Керпегеңдә оҙаҡ ҡалмаҫына;

Ышаныс ҙур: был боҙ ҡалын түгел,
Ҡотоп булып ҡатмаҫ йәндә — ирер.
Ҡыҫҡаһың, мәл, тип ҡыуанған күңел
Шулай ғүмер үтеүенә күнер...

Сағыштырыуҙар

Кемдер әйтер: минең һүҙем —
Йыраҡ артиллерия:
Алыҫ киләсәккә үтеп
Ғәмһеҙ йәндәрҙе ҡыя!..

Йыраҡлыҡта әтнәкә бар —
Сәпкә тейеү икеле,
Һабантуйҙа ул күҙ бәйләп
Көршәк ватыу шикелле.

Тура тоҫҡай һәм тос бәрә
Яуҙа мылтыҡ һәм ҡылыс.
Яуабына һиңә яуған
Таштары ла ҡурҡыныс.

Киләсәккә туптар ташлап,
Балтаң булһа билеңдә,
Күпкә оҙонайыр һымаҡ
Ер йөҙөндә көнөң дә.

Тотоп булалыр ҙа шулай
Ике кәмә ҡойроғон,
Тойған саҡта оло һыуҙың
Бер тарафҡа ҡыуғанын.

Тик ҡыҫҡа шул ташҡын мәле, —
Ярына һыуҙар ҡайта.
...Аға, ана, туплы кәмә,
Ҡырсында ята балта...

Һуҡыр

Яҙмыш уны алдан ҡыйырһытҡан.
Тик ул үпкәләмәй тормошҡа.
Әсә һөтөмөлөр, тик тыумыштан
Сабыр ҙа ул, күндәм, тыныс та.

Ул шулай ул, тиҙәр таныштары,
Белеүселәр иһә яҡындан
Һүҙ йөрөтә оло эске ҡөҙрәт,
Донъя иңләр аҡыл хаҡында...

Ул да тоя көстө — хыялында
Тулғандыра меңгә ер йөҙөн...
...Ә шулай уҡ насармы был донъя?
Күҙ һалырға ине көндөҙөн...

Лаҡап


Афаринһың, Дамир, тиеп
Үҙемде ҡуям маҡтап, —
Һинең хаҡта ил телендә
Әҙме ҡуйыра лаҡап!

Чапай тарихынан беләм:
Халыҡ хәтере оҙон...
Бәлки, оҙаҡ та йәшәмәҫ
Яҙып ҡалдырған һүҙем,

Тик оҙон ғүмерле булыр
Минең турала һүҙҙәр!
Ана шундайҙы донъяла
Халыҡ шағиры тиҙәр...




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 1 649

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 2 022

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 1 535

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 1 748

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 1 568

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 1 433

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 1 489

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 1 381

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 1 643

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 1 374

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 1 545