Вконтакте facebook facebook Вконтакте Вконтакте
Гәзитте ойоштороусылар:
Башҡортостан Республикаһы
Дәүләт Йыйылышы — Ҡоролтай,
Башҡортостан Республикаһы Хөкүмәте
» » Һәр кемдең – үҙ мөхәббәте

Башҡорт сәхнәһендә 3D-спектакль ҡуялар

Театрҙа тормош гөрләй. Бәхеткә, башҡорт сәхнәһендә ҡапма-ҡаршылыҡлы, бәхәсле фекерҙәр тыуҙырған, иң мөһиме, уйланырға мәжбүр иткән спектаклдәр күбәйҙе. Шуларҙың береһе, “Мин – Марат” премьераһы ла (режиссеры – Айрат Абушахманов), ҡалыпҡа һыймаған, ғәҙәти булмаған алымдары менән иғтибарҙы йәлеп итә.

Бәләкәй сәхнәлә уйналған тамаша тулыһынса уҙған быуаттың 80-се йылдар мөхите менән һуғарылған: шул замандағы аҡлы-ҡаралы күрһәткән телевизор, кер йыуыу машиналары, йорт йыһаздары, уйынсыҡтар... “Мин – Марат”ты 3D-спектакль тип атауым юҡҡа түгел: тамашасы өсөн ҡайһы бер урындар сәхнәнең ике яҡ сите буйлап теҙелеп китә, был ошо урында ултырыусыларҙы үҙҙәрен хәл-ваҡиғаларҙың уртаһында тойорға мәжбүр итә.

Бәләкәй сәхнәгә барыһы ла һыйған: төп герой Марат (Илсур Байымов) эшләгән дауахана ла, ике-өс фатир ҙа, хатта уның ҡатыны Эльвира (Гөлназ Хайсарова) тир түккән мәктәптең завуч кабинеты ла күренә. Был уңышлы алым ярҙамында спектакль түгел, кино ҡарап ултырғандай булаһың.

Шуныһы ҡыуандыра: сәхнәләге актерҙарҙың барыһы ла артыҡ күпертмәй, ҡыланмай, ихлас, бирелеп китеп уйнай. Улар менән бергә янырға, көйөргә, хаталанырға, яратырға, тағы яңылышырға тура килә, йыйып әйткәндә, улар был сәхнә әҫәрендәге тормош менән бергә йәшәргә мәжбүр итә. Мараттың етәксеһе, баш табип Виктор Андреевичтың (Артур Ҡунаҡбаев) кешелеклелеге, шәхси трагедияһы ышандыра. Уның ҡатыны Маргарита Эрнест ҡыҙы тәрән аҡылы, түҙемлелеге менән хайран итһә, был ролдәге Римма Ҡаһарманованың уйнау оҫталығы айырым иғтибарға лайыҡ. Әллә ни күп һөйләмәгән һүҙҙәрендә, бер атлап үтеүендә күпме мәғәнә ята уның!

Альберт ролендәге Азат Вәлитовты “Мин – Марат”тың айырым биҙәге тип атарға мөмкин. Уның сәхнә буйлап саңғыла елеп үткәнен күрһәгеҙ икән!.. Азаттың уйнауын ҡарап, быға тиклем яңғыратҡан фекеремде тағы ҡабатлағым килә: уға мотлаҡ кинофильмдарҙа төшөргә кәрәк.

Спектаклдәге төп өс яҙмыш, өс һағыш – Марат, Эльвира, Әлиә... Ир ике ҡатын араһында өҙгөләнә: Эльвира менән оҙаҡ йылдар тыныс тормошта йәшәп ятҡан саҡта көтмәгәндә Әлиәгә (Лилиә Ғәлина) ғашиҡ була, алыҫтағы йондоҙҙо, тыйылған емеште өҙөп алғас, йәғни күп һыҙланыуҙар, икеләнеүҙәр, юл фажиғәһе, дауахана койкаһы, КПСС-тың өлкә комитеты тикшереүе аша үтеп, Әлиә менән ғаилә ҡороп, ул үҫтереп йәшәй башлағас, был уйынының да ҡыҙығы бөтә. Уның ҡарауы, йәнә элекке ҡатыны Эльвира яғына ҡайырыла уның юлы.

Дөрөҫөн әйткәндә, “Мин – Марат”тың афишаһын күргәс, был сәхнә әҫәренән тетрәндергес мөхәббәт тарихы, оло һағыш көткәйнем.
Спектаклде ҡарағас, әҙерәк өмөттәрем аҡланманы, барыһы ла үтә... тормошсан килеп сыҡты, шикелле. Был, әлбиттә, минең шәхси фекер, шәхси ҡараш, әҫәр ҡайһы берәүҙәргә тап шул тормошсан булыуы менән оҡшағандыр ҙа, бәлки.

Алыҫтағы йондоҙ, тыйылған емеш, тип әйтеп китеүем юҡҡа түгел. Кеше ҡайһы ваҡыт үҙенә нимә кәрәк икәнен үҙе лә аңлап етмәй. Алыҫтағы йондоҙ нығыраҡ яҡтырта, тыйылған емеш тә үтә тәмле, әммә, ғәҙәттә, йондоҙҙо йыһандан һурып алып, өй һандығына һалып ҡуйыу менән, ул ябай ташҡа әйләнә, емеште бер туҡтауһыҙ тәмләй торғас, ул да ялҡыта. Бөтә донъяны тиерлек үҙенә ҡаршы ҡуйып, ул замандағы үтә ҡатҡыл йәмғиәт ҡанундарына төкөрөп, Әлиә менән бергә тыныс тормошто яулап алғас, бәхетенән үрә һикермәй Марат. Бер йәше яңы тулып килгән малайы ла шатландырмай. Йүгереп килеп шул уҡ тырмаға кире баҫа: тәүге ҡатыны Эльвира янына ашыға, эшенә шылтыратырға ла өлгөрә: “Әлиә мине һораһа, төнгөлөккә дежурға ҡалдым”...

“Һәр кемдең – үҙ мөхәббәте”, – ти Әлиә, әсенеп. Мин был фекер менән килешәм – һәр кем үҙенсә ярата. Бер йылмы, әллә бар ғүмерме, һөйгәнен бәхетле итергә ашҡыныпмы, әллә уны мәңгелек һағышҡа дусар итепме – барыбер ярата.




Беҙҙе Яндекс Дзен лентаһында уҡығыҙ

В ОдноклассникахВконтакте

Комментарий өҫтәргә






"Иҙел башы" менән "Арғымаҡ" осрашһа...

"Иҙел башы" менән "Арғымаҡ" осрашһа... 30.03.2019 // Әҙәбиәт

Белорет районының Абҙаҡ мәктәбендә әҙиптәр менән осрашыуҙар даими үтеп тора....

Тотош уҡырға 182

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын...

Шәйехзада БАБИЧ Өмөт ҡайнап, ташып күкрәгемдән, Көтәм тиҙҙән аҡ көн тыуғанын... 29.03.2019 // Әҙәбиәт

28 мартта Башҡортостан Автономияһы көрәшсеһе, азатлыҡ йырсыһы, башҡорт халҡының арҙаҡлы улы, шағир...

Тотош уҡырға 411

Беҙ “Пионер”ҙа тәрбиәләндек!

Беҙ “Пионер”ҙа тәрбиәләндек! 29.03.2019 // Әҙәбиәт

Мин бәләкәй саҡта ул журнал “Пионер” тип атала ине. Беҙ уны шул тиклем яратып, көтөп алып уҡыныҡ....

Тотош уҡырға 257

Бала саҡ иле баҫмаһы

Бала саҡ иле баҫмаһы 29.03.2019 // Әҙәбиәт

Алыҫ 1929 йылдың мартында Башҡортостан балалары “Керпе” тип аталған йөкмәткеле һәм ҡыҙыҡлы...

Тотош уҡырға 251

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар

Тоғролоҡта ғына ул дуҫлыҡ бар, Тик дуҫлыҡта ғына хаҡлыҡ бар 27.03.2019 // Әҙәбиәт

Башҡортостан – тиңдәргә-тиң илем, Һиндә һалдыҡ дуҫлыҡ һарайын. Таңдай балҡып һинең килер көнөң,...

Тотош уҡырға 142

“Китапты йөкмәткеһе өсөн уҡымайым”
Каникул тылсымға бай булмаҡсы

Каникул тылсымға бай булмаҡсы 23.03.2019 // Әҙәбиәт

Учалыла “Бөйөк тылсымсы – театр” тип исемләнгән балалар китабы аҙналығы башланды....

Тотош уҡырға 230

“Башҡортостан – баш йортобоҙ”

“Башҡортостан – баш йортобоҙ” 22.03.2019 // Әҙәбиәт

Зәйнәб Биишева исемендәге Башҡортостан “Китап” нәшриәтендә уҙған түңәрәк өҫтәл ошолай атала....

Тотош уҡырға 192

Һин дә флешмобҡа ҡушыл!

Һин дә флешмобҡа ҡушыл! 21.03.2019 // Әҙәбиәт

Бөгөн – Бөтә донъя шиғриәт көнө. Уның тарихы тамырҙары менән 1999 йылға барып тоташа: Францияның...

Тотош уҡырға 200

Яҡтыкүлгә яҡтылыҡ өҫтәп

Яҡтыкүлгә яҡтылыҡ өҫтәп 20.03.2019 // Әҙәбиәт

Әле Әбйәлил районының Яҡтыкүл шифаханаһында бер төркөм яҙыусылар һаулығын нығыта, ял итә. Ошо...

Тотош уҡырға 257

Әҙәбиәт һөйөүселәрҙе "Бабич" бергә тупланы

Әҙәбиәт һөйөүселәрҙе "Бабич" бергә тупланы 20.03.2019 // Әҙәбиәт

Баймаҡ биләмә-ара үҙәк китапханаһында әҙәбиәт һөйөүселәр һәм яҙыусылар араһында йылы күпер һалыуға...

Тотош уҡырға 189

Фәнзил САНЪЯРОВ:  "Меңйыллыҡтар ҡайҙа барғанда ла, Уралымда йәшәр шиғриәт!"

Фәнзил САНЪЯРОВ: "Меңйыллыҡтар ҡайҙа барғанда ла, Уралымда йәшәр шиғриәт!" 20.03.2019 // Әҙәбиәт

Ҡоролтайға әҙерләнәм Башҡорттарым Йәнә ҡор йыясаҡ, Бишенсегә үтер Ҡоролтай. Кәңәш-төңәш итер мәл...

Тотош уҡырға 379